ଢେଙ୍କାନାଳ ୪।୧୦: ମହାମାରୀ କରୋନା ସଂକ୍ରମଣ ଆଶଙ୍କାରେ ଗତ ମାର୍ଚ୍ଚ ମାସଠାରୁ ଦୀର୍ଘ ୭ ମାସ ଧରି ସମ୍ପୂର୍ଣ୍ଣ ବନ୍ଦ ରହିଥିବା କପିଳାସ ପ୍ରାଣୀଉଦ୍ୟାନ ରବିବାରଠାରୁ ପୁଣି ଦର୍ଶକଙ୍କ ପାଇଁ ଖୋଲାଯାଇଛି । ପ୍ରସିଦ୍ଧ ଶୈବପୀଠ କପିଳାସ ପାଦଦେଶରେ ଅବସ୍ଥିତ ଥିବା ଏହି କପିଳାସ ପ୍ରାଣୀଉଦ୍ୟାନକୁ ପ୍ରଥମ ଦିନରେ କିଛି ପରିମାଣ ପର୍ଯ୍ୟଟକଙ୍କ ଆଗମନ ହୋଇଛି । ତେବେ ଏଥିପାଇଁ ସ୍ବତନ୍ତ୍ର ଗାଇଡ୍ ଲାଇନ୍ ପ୍ରସ୍ତୁତ କରିଛନ୍ତି ରାଜ୍ୟ ବନ୍ୟପ୍ରାଣୀ କର୍ତ୍ତୃପକ୍ଷ ।
{"id":338710,"sizeSlug":"large"}ପର୍ଯ୍ୟଟକଙ୍କ ପାଇଁ ମାସ୍କ ଓ ସାମାଜିକ ଦୂରତା ବାଧ୍ୟତାମୂଳକ କରାଯାଇଛି । ଏହା ସହିତ ଥଣ୍ଡା, କାଶ ଜ୍ବର ଥିଲେ ପ୍ରବେଶ ଉପରେ କଟକଣା ରଖାଯାଇଛି । ପ୍ରାଣୀଉଦ୍ୟାନ ପକ୍ଷରୁ ପର୍ଯ୍ୟଟକକଙ୍କୁ ପ୍ରବେଶ ସମୟରେ ସାନିଟାଇଜର ବ୍ୟବସ୍ଥା କରାଯାଇଛି । ପ୍ରାଣୀଉଦ୍ୟାନ ପରିସର ମଧ୍ୟରେ ପାନ, ଗୁଟୁଖା ଖାଇ ଛେପ ପକାଇବା ଉପରେ ସମ୍ପୂର୍ଣ୍ଣ କଟକଣା ଜାରି କରାଯାଇଛି ।
{"id":338711,"sizeSlug":"large"}କୌଣସି ପର୍ଯ୍ୟଟକ ଯଦି ନିୟମାବଳୀକୁ ଅବମାନନା କରନ୍ତି ସେଥିପାଇଁ ସେମାନଙ୍କୁ ଜରିମନା ଦେବାକୁ ପଡିବ । ଏଥିପାଇଁ ନିର୍ଦ୍ଧିଷ୍ଟ ଭାବେ ସୂଚନା ଓ କଟକଣା ଗାଇଡ୍ ଲାଇନ୍ ଲିଖିତ ସୂଚନା ଫଳକ ମଧ୍ୟ ମରାଯାଇଛି । ତେବେ ଏସବୁ କଟକଣା ମଧ୍ୟରେ ସମସ୍ତ ନିୟମକୁ ମାନି ପର୍ଯ୍ୟଟକମାନେ ଆସି ପ୍ରାଣୀଉଦ୍ୟାନରେ ବୁଲି ଯାଇପାରିବେ ବୋଲି ଢେଙ୍କାନାଳ ବନବିଭାଗ ପକ୍ଷରୁ ସୂଚନା ମିଳିଛି ।