Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

୨କୋଟି ଟଙ୍କା ଲାଞ୍ଚ ମନ୍ତବ୍ୟ: ଦିଲ୍ଲୀ ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କୁ ନିଃସର୍ତ୍ତକ୍ଷମା ମାଗିଲେ ବିଜେପି ନେତା କପିଲ ମିଶ୍ର

29/10/2020 at 4:52 PM

ନୂଆଦିଲ୍ଲୀ ୨୯।୧୦:  ବିଜେପି ନେତା କପିଲ ମିଶ୍ର ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ଓ ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲଙ୍କୁ ଗୁରୁବାର ନିସର୍ତ୍ତ କ୍ଷମାଯାଚନା କରିଛନ୍ତି। ୨ କୋଟି ଟଙ୍କା ଲାଞ୍ଚ ମାମଲାରେ କପିଲ ମିଶ୍ର ଦେଇଥିବା ମନ୍ତବ୍ୟ ଲାଗି ଏହି କ୍ଷମାଯାଚନା କରିଛନ୍ତି। ପ୍ରସଙ୍ଗରେ ମିଶ୍ର ଦେଇଥିବା ମନ୍ତବ୍ୟ ଲାଗି ସତ୍ୟେନ୍ଦ୍ର ଜୈନ ୨୦୧୭ ମସିହାରେ ମାନହାନୀ ମୋକଦ୍ଦମା ରୁଜୁ କରିଥିଲେ।

ଜୈନ୍‌ଙ୍କ ଠାରୁ ମୁଖ୍ୟମନ୍ତ୍ରୀ କେଜରୀୱାଲ ନଗଦ ୨ କୋଟି ଟଙ୍କା ଲାଞ୍ଚ ନେଇଥିବାର ମାନହାନିକର ଅଭିଯୋଗ ଆଣିଥିଲେ କପିଲ ମିଶ୍ର। ତେବେ କପିଲ ମିଶ୍ର କୋର୍ଟରେ ତାଙ୍କ ଅଭିଯୋଗ ପ୍ରମାଣିତ କରି ପାରିନଥିବା ବେଳେ ଅଭିଯୁକ୍ତ ଯଦି ନ୍ୟାୟାଳୟରେ ନିଃସର୍ତ୍ତ କ୍ଷମାଯାଚନା କରିବେ ତେବେ ଜୈନ୍‌ ତାଙ୍କ ମାମଲା ପ୍ରତ୍ୟାହାର କରିବେ ବୋଲି କହିଥିଲେ। ସେହି ଅନୁସାରେ କପିଲ ମିଶ୍ର କୋର୍ଟରେ ନିସର୍ତ୍ତ କ୍ଷମାଯାଚନା କରିବା ପୂର୍ବରୁ ଏଥିଲାଗି ସାର୍ବଜନିକ କ୍ଷମା ନିବେଦନ କରିଛନ୍ତି।

ମିଶ୍ରଙ୍କୁ ମନ୍ତ୍ରୀ ପଦରୁ ହଟାଇ ଦିଆଯିବା ଯୋଗୁ ଆମ ଆଦମୀ ପାର୍ଟି (ଆପ୍) ସଂଯୋଜକଙ୍କ ବିରୋଧରେ ସେ ଏପରି ଅଭିଯୋଗ ଆଣିଥିଲେ ବୋଲି କୁହାଯାଉଛି। ତେବେ ସତ୍ୟେନ୍ଦ୍ର ଜୈନ୍ ମୁଖ୍ୟମନ୍ତ୍ରୀଙ୍କୁ ନଗଦ ୨ କୋଟି ଟଙ୍କା ଦେବା ବେଳେ ସେ ଦେଖିଥିଲେ। ଏ ନେଇ ମିଶ୍ର କେଜରୀୱାଲଙ୍କୁ ପଚାରିବାରୁ ରାଜନୀତିରେ ଏପରି ହୁଏ ବୋଲି ସେ କହିଥିଲେ। ସେତେବେଳେ କେଜରୀୱାଲଙ୍କ ଉପରୁ ତାଙ୍କର ଭରସା ଉଠିଯାଇଥିଲା ବୋଲି କପିଲ ମିଶ୍ର କହିଥିଲେ। ଏଣୁ ପରେ ସେ ଆମଆଦମୀ ପାର୍ଟି ଛାଡିଦେଇଥିବାର କହିଛନ୍ତି।

ଅନ୍ୟପକ୍ଷରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ କୋର୍ଟ ଏକ ମାନହାନୀ ମୋକଦ୍ଦମାରେ ନିର୍ଦ୍ଦୋଷରେ ଖଲାସ କରିଦେଇଛନ୍ତି। ମୁଖ୍ୟମନ୍ତ୍ରୀ ଅରବିନ୍ଦ କେଜରୀ ୱାଲଙ୍କ ବିରୋଧରେ ବିଜେପି ସାଂସଦ ରମେଶ ବିଧୁରୀ ୨୦୧୬ ମସିହାରେ ଏହି ମୋକଦ୍ଦମା ରୁଜୁ କରିଥିବା ବେଳେ କୋର୍ଟରେ ଦିଲ୍ଲୀ ମୁଖ୍ୟମନ୍ତ୍ରୀ ଦକ୍ଷିଣ ଦିଲ୍ଲୀ ସାଂସଦଙ୍କ ମାନହାନୀ କରିଥିବା ପ୍ରମାଣିତ ହୋଇପାରିନାହିଁ। ଏଣୁ କେଜରୀୱାଲଙ୍କୁ କୋର୍ଟ ନିର୍ଦୋଷରେ ମୁକ୍ତ କରିଦେଇଛନ୍ତି।  

   Related Posts