Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ରିଷଭ ପନ୍ତଙ୍କୁ ଦଳକୁ ଫେରିବାର ମନ୍ତ୍ର ଦେଲେ କପିଲ ଦେବ

26/01/2020 at 1:13 PM

ନୂଆଦିଲ୍ଲୀ ୨୬।୧: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଟି-୨୦ ସିରିଜ୍ ଖେଳାଯାଉଛି । ଅକଲାଣ୍ଡରେ ଖେଳାଯାଇଥିବା ସିରିଜର ପ୍ରଥମ ମ୍ୟାଚ୍ ରେ ଭାରତର ଦମଦାର ବିଜୟ ହୋଇଥିଲା । ଆଜି ଦ୍ବିତୀୟ ମ୍ୟାଚ୍ ଖେଳାଯାଉଛି । ସିରିଜରେ ଖେଳାଯାଇଥିବା ମ୍ୟାଚ୍ ରେ ଏପର୍ଯ୍ୟନ୍ତ ରିଷଭ ପନ୍ତଙ୍କୁ ସ୍ଥାନ ମିଳିନାହିଁ । ତାଙ୍କ ସ୍ଥାନରେ ଓ୍ବିକେଟ୍ ରକ୍ଷକ ଭାବେ କେ.ଏଲ ରାହୁଲଙ୍କୁ ସ୍ଥାନ ମିଳିଛି । କେ.ଏଲ୍ ରାହୁଲ ବ୍ୟାଟିଂ ସହ ଓ୍ବିକେଟ୍ ରକ୍ଷକର ଭୂମିକା ବେଶ୍ ଭଲଭାବେ ତୁଲାଉଛନ୍ତି । ଏମିତିରେ ରିଷଭ ପନ୍ତଙ୍କ ଖେଳିବାକୁ ନେଇ ଚର୍ଚ୍ଚା ଜୋର ଧରିଛି ।

ରିଷଭ ପନ୍ତ ଦଳକୁ ପୁଣି ଫେରିବା ନେଇ ଭାରତର ପୂର୍ବତନ କ୍ରିକେଟର କପିଲ ଦେବ କହିଛନ୍ତି ଯେ, ରିଷଭ ପନ୍ତଙ୍କ ଭଳି ପ୍ରତିଭାଶାଳୀ ଖେଳାଳି ନିଜେ ହିଁ ନିଜର ବିରୋଧୀମାନଙ୍କୁ ଭୁଲ୍ ପ୍ରମାଣିତ କରିବାକୁ ପଡିବ । ରିଷଭ ପନ୍ତ ଭଲ ପ୍ରଦର୍ଶନ ସହ ତାଙ୍କ କ୍ୟାରିୟର ଆରମ୍ଭ କରିଥିଲେ । ମାତ୍ର ପରବର୍ତ୍ତୀ ମ୍ୟାଚ୍ ଗୁଡିକରେ ସେ ଓ୍ବିକେଟ୍ ରକ୍ଷକ ସହ ବ୍ୟାଟିଂରେ ମଧ୍ୟ ବିଫଳ ସାବ୍ୟସ୍ତ ହେଲେ ।

କପିଲ ଆହୁରି ମଧ୍ୟ କହିଛନ୍ତି ଯେ, ରିଷଭ ପନ୍ତ ବହୁ ପ୍ରତିଭାଶାଳୀ । ତାଙ୍କର ଖରାପ ପ୍ରଦର୍ଶନ ପାଇଁ ସେ କାହାକୁ ବି ଦୋଷ ଦେଇପାରିବେ ନାହିଁ । ତାଙ୍କ କ୍ୟାରିୟରକୁ ସେ ନିଜେ ହିଁ ସଜାଡିପାରିବେ । ନିଜକୁ ପ୍ରମାଣିତ କରିବାକୁ ହେଲେ ତାଙ୍କ ପାଖରେ ଗୋଟିଏ ହିଁ ରାସ୍ତା ଅଛି ଯେ, ସେ ଭଲ ବ୍ୟାଟିଂ ପ୍ରଦର୍ଶନ କରି ରନ୍ ସଂଗ୍ରହ କରନ୍ତୁ । ଭଲ ରନ୍ ସଂଗ୍ରହ କରି ସେ ସମସ୍ତଙ୍କୁ ଭୁଲ୍ ପ୍ରମାଣିତ କରନ୍ତୁ ବୋଲି କପିଲ କହିଛନ୍ତି । ଯଦି ଆପଣ ପ୍ରତିଭାଶାଳୀ ତେବେ ଲୋକଙ୍କୁ ଭୁଲ୍ ପ୍ରମାଣିତ କରିବା ଆପଣଙ୍କ କାମ ।

କପିଲ ଦେବ କହିଛନ୍ତି ଯେ, ଖେଳାଳିମାନଙ୍କୁ ନିଜର ଆକଳନ ନିଜେ କରିବା ଉଚିତ୍ । ସେମାନେ ଚୟନକର୍ତ୍ତାଙ୍କୁ ଟିମ୍ ରୁ ବାହାର କରିବା ଏବଂ ଆରାମ ଦେବାର କୌଣସି ମୌକା କେବେ ଦେବା ଅନୁଚିତ୍ ।

ସୂଚନାଯୋଗ୍ୟ ଯେ, ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ କପିଲ ଦେବ ଏବେ ଚେନ୍ନାଇରେ ଅଛନ୍ତି । ଇଂଲଣ୍ଡରେ ୧୯୮୩ ବିଶ୍ବକପ୍ ରେ ଭାରତର ଐତିହାସିକ ବିଜୟ ଉପରେ ଆଧାରିତ ଆଗାମୀ ଫିଲ୍ମ ‘୮୩’ର ପ୍ରଚାର ପାଇଁ ସେଠାରେ ଅଛନ୍ତି । ତେବେ ଅଷ୍ଟ୍ରେଲିଆ ବିପକ୍ଷରେ ଦ୍ବିତୀୟ ଓ ତୃତୀୟ ଦିନିକିଆ ଏବଂ ନ୍ୟୁଜିଲାଣ୍ଡ ବିପକ୍ଷରେ ଟି-୨୦ ସିରିଜର ପ୍ରଥମ ମ୍ୟାଚ୍ ରେ କେ.ଏଲ ରାହୁଲଙ୍କୁ ଓ୍ବିକେଟ୍ ରକ୍ଷକ ଦାୟିତ୍ବ ଦିଆଯିବାକୁ ନେଇ ପ୍ରଶ୍ନର ଉତ୍ତରରେ ସେ କହିଛନ୍ତି, ଏହି ନିଷ୍ପତ୍ତି ନେବା ଟିମ୍ ପ୍ରବନ୍ଧକଙ୍କ କାମ । ମୋତେ ଏସବୁ ଜନିଷ ଜଣାନାହିଁ ।

   Related Posts