Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ନିଜେ ମାସ୍କ ନ ପିନ୍ଧି ନୀରିକ୍ଷଣ କରିବାକୁ ବାହାରିଥିଲେ ଆଇଜି, କଟିଲା ଚାଲାଣ

7/06/2020 at 3:09 PM

କାନପୁର ୦୭।୦୬: କରୋନା ଭୂତାଣୁ ସଂକ୍ରମଣ ନିଜର ବିକଟାଳ ରୂପ ଦେଖାଇବା ଆରମ୍ଭ କରିଛି। ଉତ୍ତର ପ୍ରଦେଶରେ ମଧ୍ୟ ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢି ଚାଲିଛି। ଏହାକୁ ଦୃଷ୍ଟିରେ ରଖି ଲୋକଙ୍କୁ ମାସ୍କ ପିନ୍ଧିବାକୁ ବାରମ୍ବାର ଅପିଲ୍ କରାଯାଉଛି। ଏହା ସହିତ ବିନା ମାସ୍କରେ ବାହାରୁଥିବା ଲୋକଙ୍କଠୁ ଚାଲାଣ କାଟିବାକୁ ମଧ୍ୟ ପ୍ରାବଧାନ ରହିଛି। ଏହି କ୍ରମରେ ଉତ୍ତର ପ୍ରଦେଶ ପୋଲିସ କାନପୁର ରେଞ୍ଜ ଆଇଜି ମୋହିତ ଅଗ୍ରଓ୍ଵାଲଙ୍କ ଚାଲାଣ  କାଟିଛି। କାରଣ ଆଇଜି ମୋହିତ ଅଗ୍ରଓ୍ଵାଲ ନିଜେ ମାସ୍କ ପିନ୍ଧିନଥିଲେ।

ସୂଚନା ଅନୁଯାୟୀ ମୋହିତ ଅଗ୍ରଓ୍ଵାଲ ଶନିବାର କାନପୁରର କରୋନା ହଟ୍‌ସ୍ପଟ୍‌  ଅଞ୍ଚଳ ଶିବନଗର ନୀରିକ୍ଷଣ କରିବାକୁ ପହଞ୍ଚିଥିଲେ। ମାତ୍ର ସେ ମୁହଁରେ ମାସ୍କ ପିନ୍ଧିନଥିଲେ। ନିଜ ଗାଡିରୁ ଓହ୍ଲାଇବା ପରେ ଅଫିସରଙ୍କୁ ଅର୍ଡର ଦେବାକୁ ଲାଗିଥିଲେ।

ନିଜର ଚାଲାଣ ନିଜେ କଟାଇଲେ

ଗାଡିରୁ ଓହ୍ଲାଇବାର କିଛି ସମୟ ପରେ ତାଙ୍କୁ ମନେ ପଡିଲା ଯେ, ସେ ନିଜେ ମାସ୍କ ପିନ୍ଧି ନାହାନ୍ତି। ଆଇଜି ମୋହିତ ଅଗ୍ରଓ୍ଵାଲ ମାସ୍କ ପିନ୍ଧିନଥିବା ନିଜର ଭୁଲ୍ ବୁଝିପାରି ନିଜର ଚାଲାଣ ନିଜେ କଟାଇଛନ୍ତି। ସାର୍ବଜନୀନ ସ୍ଥାନରେ ମାସ୍କ ପିନ୍ଧି ନଥିବାରୁ ନିଜ ନାଁରେ ୧୦୦ ଟଙ୍କା ଚାଲାଣ କଟାଇଛନ୍ତି।  ଏହା ପରେ ସେ ତୁରନ୍ତ ମାସ୍କ ପିନ୍ଧି ପୂରା ଅଞ୍ଚଳ ନୀରିକ୍ଷଣ କରିଛନ୍ତି। ବର୍ରା ଥାନା ପୋଲିସ ଆଇଜି ମୋହିତ ଅଗ୍ରଓ୍ଵାଲଙ୍କ ଚାଲାଣ କାଟିଛନ୍ତି।

ସବୁଠୁ ବଡ ପ୍ରଶ୍ନ ଏହା ଯେ, ଯଦି ଅଧିକାରୀ ନିୟମ ପାଳନ କରିବେ ନାହିଁ ତେବେ ଜନତାଙ୍କ ମଧ୍ୟରେ କଣ ସନ୍ଦେଶ ଯିବ ? ଉଲ୍ଲେଖଯୋଗ୍ୟ ଏହା ପୂର୍ବରୁ ଆମ୍ବେଦକର ନଗରରେ ଥାନା ଅଧିକାରୀଙ୍କ ଲାଗି ଆୟୋଜିତ ଏକ ଦମଦାର ବିଦାୟ ସମାରୋହର ଭିଡିଓ କେହି ଜଣେ ସାମାଜିକ ଗଣମାଧ୍ୟମରେ ଭାଇରାଲ୍ କରିଥିଲେ। ଭିଡିଓରେ ଥାନା ଅଧିକାରୀ ଫୁଲରେ ସଜା ଏକ ଖୋଲା ଜିପ୍‌ରେ ବସିଥିଲେ ଏବଂ ତାଙ୍କ ପଛରେ ଗାଡିର ଏକ ଲମ୍ବା ଧାଡି ରହିଥିଲା। ଏଥିରେ ସାମିଲ ଲୋକ ନା ମାସ୍କ ପିନ୍ଧିଥିଲେ ନା ସାମାଜିକ ଦୂରତା ପାଳନ କରିଥିଲେ। ଏହି ଘଟଣାରେ ଥାନା ଅଧିକାରୀଙ୍କୁ ସସପେଣ୍ଡ କରାଯାଇଛି।

   Related Posts