Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

କନ୍ନନ ଗୋପୀନାଥଙ୍କୁ ପୁଣି ମିଳିଲା IAS ଜଏନ୍ ଲାଗି ଅଫର, ଜାଣନ୍ତୁ ସରକାରଙ୍କୁ କ’ଣ ଦେଲେ ଜବାବ

11/04/2020 at 7:02 PM

ନୂଆଦିଲ୍ଲୀ ୧୧।୪:  ଭାରତୀୟ ପ୍ରଶାସନିକ ସେବା (ଆଇଏଏସ୍) ଅଧିକାରୀ କନ୍ନନ ଗୋପୀନାଥଙ୍କୁ ସରକାର ପୁଣି ସେବାରେ ଯୋଗଦେବାକୁ ପତ୍ର ଦେଇଛନ୍ତି। କେନ୍ଦ୍ର ସରକାରଙ୍କ କାର୍ମିକ ଓ ପ୍ରଶିକ୍ଷଣ ବିଭାଗ (ଡିଓପିଟି) ଦ୍ୱାରା ଜାରି ପତ୍ରରେ ଜମ୍ମୁ-କାଶ୍ମୀରରେ ବ୍ୟାପିଥିବା କରୋନା ଜନିତ ପରିସ୍ଥିତିର ମୁକାବିଲା ଲାଗି  ତୁରନ୍ତ ନିଜ କାର୍ଯ୍ୟରେ ଯୋଗଦେବାକୁ ନିର୍ଦ୍ଦେଶ ଦେଇଛନ୍ତି। ତେବେ କନ୍ନନ ବିଭାଗଙ୍କ ନିର୍ଦ୍ଦେଶକୁ ସ୍ୱୀକାର କରିବାକୁ ମନା କରିଦେଇଛନ୍ତି।

ଏ ନେଇ କନ୍ନନ ତାଙ୍କ ଟ୍ୱିଟର ହ୍ୟାଣ୍ଡଲରେ ବିଭାଗଙ୍କ ପତ୍ର ସହ ଏକ ପୋଷ୍ଟ କରିଛନ୍ତି। ଯେଉଁଥିରେ ଉପୁଜିଥିବା ପରିସ୍ଥିତିରେ ସେ ଜଣେ ସାଧାରଣ ନାଗରିକ ଭଳି କରୋନା ମହାମାରୀ ବିରୋଧରେ ଲଢିବାକୁ ପ୍ରସ୍ତୁତ, କିନ୍ତୁ ଜଣେ ଆଇଏଏସ୍ ଅଫିସର ଭାବେ ପୁଣି ଥରେ କାର୍ଯ୍ୟରେ ଯୋଗଦେବାକୁ ଚାହାନ୍ତି ନାହିଁ ବୋଲି ଲେଖିଛନ୍ତି।

ସେ ଆଉ ଏକ ପୋଷ୍ଟରେ ପ୍ରଶାସନିକ ସେବାରୁ ସେ ଇସ୍ତଫା ଦେବାର ୮ ମାସ ପରେ ତାଙ୍କୁ ବିଭାଗ ଏହି ପତ୍ର ଦେଇଥିବା ସୂଚିତ କରିଛନ୍ତି। ତେବେ ସରକାର କେବଳ ଲୋକ ଓ ଅଧିକାରୀଙ୍କୁ ଉତ୍ପୀଡନ କରିଜାଣନ୍ତି। ମୁଁ ଜାଣେ ସେମାନେ ମୋତେ ପୁଣି ହତାସ କରିବେ। ଏଣୁ ବିପରୀତ ପରିସ୍ଥିତିରେ ଜଣେ ସ୍ୱେଚ୍ଛାସେବୀ ଭାବେ ସେ ସରକାରଙ୍କୁ ସହଯୋଗ କରିବାକୁ ପ୍ରସ୍ତୁତ, କିନ୍ତୁ ପୁଣି ଥରେ ଆଇଏଏସ ଯୋଗଦେବେ ନାହିଁ ବୋଲି ଉଲ୍ଲେଖ କରିଛନ୍ତି।

ଗତବର୍ଷ ଅଗଷ୍ଟମାସରେ କେନ୍ଦ୍ର ସରକାର ଜମ୍ମୁ-କାଶ୍ମୀରରୁ ସମ୍ବିଧାନର ଧାରା ୩୭୦ ପ୍ରତ୍ୟାହାର ଘୋଷଣା କରିଥିଲେ। ସରକାରଙ୍କ ଏପରି ନିଷ୍ପତ୍ତିରେ କ୍ଷୁବ୍ଧ କନ୍ନନ ସେହିମାସ ୨୭ ତାରିଖରେ ଚାକିରୀରୁ ଇସ୍ତଫା ଦେଇଥିଲେ। ତାଙ୍କ ଇସ୍ତଫା ପତ୍ର କାର୍ମିକ ଓ ପ୍ରଶିକ୍ଷଣ ବିଭାଗ ପାଇଥିଲେ ହେଁ ତାଙ୍କର ଇସ୍ତଫା ମଞ୍ଜୁର କରିନାହାନ୍ତି। ଯେତେବେଳେ ଇସ୍ତଫା ମଞ୍ଜୁର ହୁଏ ସେତେବେଳେ ଜଣେ ସରକାରୀ କର୍ମଚାରୀ ତା ପଦରୁ ଅବ୍ୟହତି ନେଇ ପାରେ ବୋଲି ବିଭାଗ ପତ୍ରରେ ତାଙ୍କୁ ସୂଚିତ କରିଛନ୍ତି। ଏଣୁ ତାଙ୍କୁ ପଦବୀରେ ଦ୍ୱିତୀୟବାର ଯୋଗଦେବାକୁ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଥିଲେ ହେଁ ସେ ଏହାକୁ ଅଗ୍ରାହ୍ୟ କରିଛନ୍ତି।

   Related Posts