Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ମିଳିଲା କନିକା କପୁରଙ୍କ ଦ୍ୱିତୀୟ COVID-19 ଟେଷ୍ଟ ରିପୋର୍ଟ, ଏବେବି ଅଛନ୍ତି ପଜେଟିଭ୍

23/03/2020 at 6:31 PM

ଲକ୍ଷ୍ନୌ ୨୩।୩: ବଲିଉଡ୍ ଗାୟିକା କନିକା କପୁରଙ୍କ ଦ୍ୱିତୀୟ ସିଓଭିଆଇଡି-୧୯ ରିପୋର୍ଟ ସୋମବାର ମିଳିଛି। ସଞ୍ଜୟ ଗାନ୍ଧି ପୋଷ୍ଟଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ ମେଡିକାଲ ସାଇନ୍ସ (ଏସଜିପିଜିଆଇ)ରେ ଏହି ପରୀକ୍ଷଣ କରାଯାଇଥିବା ବେଳେ ତାହା ପଜେଟିଭ ମିଳିଛି। ପୂର୍ବରୁ କରୋନା ସଂକ୍ରମିତ ହୋଇଥିବା ନେଇ ଡାକ୍ତରୀ ରିପୋର୍ଟକୁ ତାଙ୍କ ପରିବାର ଲୋକେ ଗ୍ରହଣ କରିନଥିଲେ। ଏଣୁ ଦ୍ୱିତୀୟବାର ତାଙ୍କର ରିପୋର୍ଟ କରାଯାଇଛି। ତେବେ ତାଙ୍କ ସ୍ୱାସ୍ଥ୍ୟାବସ୍ଥା ଏବେ ସ୍ଥିର ଥିବା ଜଣାପଡିଛି।

ସେପଟେ ଗତ କିଛି ଦିନ ହେଲା କନିକାଙ୍କ ସହ ସମ୍ପର୍କରେ ଆସିଥିବା ଲୋକଙ୍କର ଏବେ ପୋଲିସ ଅନୁସନ୍ଧାନ ଚଳାଇଛି। ସେ ବ୍ରିଟେନରୁ ଫେରିବା ପରେ ଏଠାରେ ୩ଟି କାର୍ଯ୍ୟକ୍ରମରେ କନିକା ଯୋଗଦେଇଥିବା ବେଳେ ତାଙ୍କ ସହ ପ୍ରାୟ ୧୬୦ ଜଣ ସମ୍ପର୍କରେ ଆସିଥିବା ଆକଳନ କରାଯାଉଛି। ଏଣୁ ସରୋଜିନୀ ନଗର ଥାନା ପୋଲିସ ତାଙ୍କ ବିରୋଧରେ ଖାମଖିଆଲି ଯୋଗୁ ଦଣ୍ଡବିଧି ଆଇନର ୧୮୮, ୨୬୯ ଓ ୨୭୦ ଧାରାରେ ଏଫଆଇଆର ରୁଜୁ କରିଥିଲା।

ଲକ୍ଷ୍ନୌ ମୁଖ୍ୟ ଚିକିତ୍ସାଧିକାରୀଙ୍କ ଅଭିଯୋଗ ଆଧାରରେ ତାଙ୍କ ବିରୋଧରେ ପୋଲିସ ଏହି ଏତଲା ରୁଜୁ କରି ଏବେ ତଦନ୍ତ ଜାରି ରଖିଛି। ତେବେ କରୋନା ପଜେଟିଭ ଜଣାପଡିବା ପରେ କନିକାଙ୍କୁ ଆଇସୋଲେସନରେ ରଖାଯାଇଥିବା ବେଳେ ତାଙ୍କ ସ୍ୱାସ୍ଥ୍ୟାବସ୍ଥା ଉପରେ କଡା ନଜର ରଖିଛନ୍ତି ଡାକ୍ତର। ଆଇସୋଲେସନରେ ରହିବା ଲାଗି କର୍ତ୍ତୃପକ୍ଷଙ୍କ ନିର୍ଦ୍ଦେଶ ସତ୍ତ୍ୱେ ସେ କାର୍ଯ୍ୟକ୍ରମରେ ଭାଗ ନେଉଥିଲେ ବୋଲି ଅଭିଯୋଗ ହୋଇଥିଲା।       

   Related Posts