Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

“ଧନ୍ୟବାଦ କେଜ୍ରିଓ୍ବାଲ ଜି… ସତ୍ୟ ମେବ୍ ଜୟତେ” : ଦେଶଦ୍ରୋହ ମାମଲା ପାଇଁ ଦିଲ୍ଲୀ ସରକାରଙ୍କ ମଞ୍ଜୁରୀ ପରେ କହ୍ନେୟା କୁମାରଙ୍କ ପ୍ରତିକ୍ରିୟା

29/02/2020 at 10:09 AM

ନୂଆଦିଲ୍ଲୀ ୨୯।୦୨: ଜବାହର ଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ) ଛାତ୍ରସଂଘର ପୂର୍ବତନ ସଭାପତି ଓ ସିପିଆଇ ନେତା କହ୍ନେୟା କୁମାରଙ୍କ ବିରୋଧରେ ଦେଶଦ୍ରୋହ ମାମଲା ଚାଲିବ । କହ୍ନେୟା କୁମାରଙ୍କ ବିରୋଧରେ ଦେଶଦ୍ରୋହ ମାମଲା ଚାଲିବାକୁ ଅନୁମତି ଦେଇଛନ୍ତି ଦିଲ୍ଲୀ ସରକାର । ଦେଶ ବିରୋଧୀ ଶ୍ଲୋଗାନ ଦେଇଥିବାରୁ ତାଙ୍କ ନାମରେ ଏହି ମାମଲା ଚାଲିବ ପାଇଁ ଦିଲ୍ଲୀ ସରକାର ଅନୁମତି ଦେଇଛନ୍ତି । ତେବେ ତାଙ୍କ ବିରୋଧରେ ଦେଶଦ୍ରୋହ ମାମଲା ଚାଲିବାକୁ ନେଇ ଦିଲ୍ଲୀ ସରକାରଙ୍କୁ କଟାକ୍ଷ କରି ଧନ୍ୟବାଦ ଜଣାଇଛନ୍ତି କହ୍ନେୟା କୁମାର ।

ନିଜ ବିରୋଧରେ ଦେଶଦ୍ରୋହ ମାମଲା ଚାଲିବାକୁ ନେଇ ଦିଲ୍ଲୀର କେଜ୍ରିଓ୍ବାଲ ସରକାରଙ୍କୁ କଟାକ୍ଷ କରିଛନ୍ତି କହ୍ନେହ କୁମାର । ସେ ଟ୍ବିଟ୍‌ କରି କହିଛନ୍ତି ଯେ, ମୋ ବିରୋଧରେ ଦେଶଦ୍ରୋହ ମାମଲା ଚଲାଇବାକୁ ଅନୁମତି ଦେଇଥିବାରୁ କେଜ୍ରିଓ୍ବାଲ ସରକାରଙ୍କୁ ଧନ୍ୟବାଦ ଜଣାଉଛି । ମାମଲାକୁ ଫାଷ୍ଟ୍ର ଟ୍ରାକ୍‌ କୋର୍ଟରେ ସ୍ପିଡ ଟ୍ରାଏଲ କରାଯାଉ ଲେଖିଛନ୍ତି ।

ଗୁରୁବାର ଦିନ ଦିଲ୍ଲୀର କେଜ୍ରିଓ୍ବାଲ ସରକାର ଜେଏନ୍‌ୟୁ ଛାତ୍ରସଂଘର ପୂର୍ବତନ ଅଧ୍ୟକ୍ଷ କହ୍ନେୟା କୁମାରଙ୍କ ଉପରେ ଦେଶଦ୍ରୋହ ମାମଲା ଚାଲିବା ପାଇଁ ମଂଜୁରୀ ଦେଇଛନ୍ତି । ଦିଲ୍ଲୀ ସ୍ପେଶାଲ ସେଲ୍‌ କେଜ୍ରିଓ୍ବାଲ୍‌ ସରକାରଙ୍କୁ କହ୍ନେୟା କୁମାରଙ୍କ ବିରୋଧରେ କେସ୍‌ ଚଲାଇବା ପାଇଁ ଅନୁମତି ମାଗିଥିଲେ । ବହୁଦିନ ଧରି ଏ ସମ୍ପର୍କିତ ମାମଲାର ଫାଇଲ୍‌ ଅଟକି ରହିଥିଲା ।

କିଛି ଦିନ ତଳେ ଦିଲ୍ଲୀ ପଟିଆଲା ହାଉସ କୋର୍ଟ ଦିଲ୍ଲୀ ପୋଲିସର ସ୍ପୋଶାଲ ସେଲ୍‌କୁ ନିର୍ଦ୍ଦେଶ ଦେଇଥିଲେ ଯେ, କେଜ୍ରିଓ୍ବାଲ ସରକାର ଏହି ମାମଲାରେ ନିଜ ପକ୍ଷ ରଖନ୍ତୁ । ଏହାପରେ ଦିଲ୍ଲୀ ପୋଲିସ ସ୍ପେଶାଲ ସେଲ୍‌ ପୁଣି ଥରେ ଚିଠି ଲେଖି କେଜ୍ରିଓ୍ବାଲ ସରକାରଙ୍କୁ କେସ୍‌ ଚଲାଇବା ପାଇଁ ଅନୁମତି ମାଗିଥିଲେ । ଏବେ ଗୁରୁବାର ଦିନ କେଜ୍ରିଓ୍ବାଲ ସରକାର କହ୍ନେୟା କୁମାରଙ୍କ ସମେତ ୮ଜଣଙ୍କ ନାଁରେ ଦେଶଦ୍ରୋହ ମାମଲା ଚାଲିବାକୁ ଅନୁମତି ଦେଇଛନ୍ତି ।

   Related Posts