ମୁମ୍ବାଇ ୨୦/୦୯ : ବଲିଉଡ ଅଭିନେତ୍ରୀ କଙ୍ଗନା ରଣାୱତ ମହାରାଷ୍ଟ୍ର ସରକାର ଓ ଵୃହନମୁମ୍ବାଇ ମହାନଗର ପାଳିକା (ବିଏମସି) ନାଁରେ ଏକ ଖାସ ସନ୍ଦେଶ ଲେଖିଛନ୍ତି । ଏହି ନୋଟରେ ସେ ବିଏମସିକୁ ରାଜ୍ୟ ସରକାରଙ୍କ ପାଳିତ ବୋଲି କହିଛନ୍ତି । କଙ୍ଗନା ନିଜ ଇନ୍ସଟାଗ୍ରାମ ଷ୍ଟୋରୀରେ କୋଠା ଭାଙ୍ଗିବାକୁ ନେଇ ମୁମ୍ବାଇ ନଗର ନିୟମ ଅଧିନିୟମ ୧୮୮୮ ଧାରା ୩୫୧ରେ ଉଲ୍ଲେଖ ନିୟମ ସମ୍ପର୍କରେ କହିଛନ୍ତି ।
ଏଥିରେ ଲେଖା ହୋଇଛି, କୋଠାର ସଂରଚନା କ୍ଷତିଗ୍ରସ୍ତ କରିବା ସମ୍ବନ୍ଧରେ ନଗର ନିଗମ ନିୟମ-ବ୍ୟକ୍ତି ବିଶେଷଙ୍କୁ ୧୫ ଦିନ ନୋଟିସ ଦେବାପରେ କୋଠା ଭଙ୍ଗାରୁଜା କରାଯାଇପାରିବ । ସଂରଚନା ଅବୈଧ ହୋଇଥିଲେ ମଧ୍ୟ ଯଦି ନଗର ନିଗମ ନିୟମ ଉଲଂଘନ କରେ ତାହେଲେ ତାଙ୍କୁ କ୍ଷତିପୂରଣ ଦେବାକୁ ପଡିଥାଏ । ଏହିଭଳି ମାମଲାରେ ଯେଉଁ ଅଧିକାରୀମାନେ ନିୟମ ଉଲଙ୍ଘନ କରିଥାନ୍ତି ତାଙ୍କ ଠାରୁ କ୍ଷତିପୂରଣ ଅସୁଲ କରାଯାଇଥାଏ ।
{"id":332143,"sizeSlug":"large"}ନିଜ ପୋଷ୍ଟର କ୍ୟାପସନରେ କଙ୍ଗନା ଲେଖିଛନ୍ତି, 'ମହାରାଷ୍ଟ୍ର ସରକାର ଓ ତାଙ୍କ ପାଳିତଙ୍କ ପାଇଁ ଏକ ଖାସ ସନ୍ଦେଶ'
ସୂଚନାଯୋଗ୍ୟ ଯେ, ମୁମ୍ବାଇ ମହାନଗର ପାଳିକା କଙ୍ଗନାଙ୍କ ଆବେଦନ ଉପରେ ଆଫିଡେଭିଟ୍ ଦାଖଲ କରି ୨ କୋଟି କ୍ଷତିପୂରଣକୁ ନିରାଧାରା ଓ ଫର୍ଜୀ କହିଛି । ବିଏମସି କଙ୍ଗନାଙ୍କ କାର୍ଯ୍ୟାଳୟ ଭାଙ୍ଗିଥିବାରୁ ୨ କୋଟି ଟଙ୍କା କ୍ଷତିପୂରଣ ଦାବି କରିଥିଲେ । ବର୍ତ୍ତମାନ ବିଏମସି ଏହି କ୍ଷତିପୂରଣକୁ ନିରାଧାରା ବୋଲି କହିଛି ।
ଆଫିଡେଭିଟରେ ବିଏମସି କହିଛି, ଅଭିଯୋଗକାରୀ ମିଥ୍ୟା ଉଦ୍ଦେଶ୍ୟରେ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ଏବଂ ସଠିକ ତଥ୍ୟକୁ ଚାପି ଦେଇଛନ୍ତି । ସେ କୌଣସି ରିଲିଫ ପାଇଁ ଉତ୍ତରଦାୟୀ ନୁହନ୍ତି ।