Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ସିନେମାରେ ଜୟ ଲଳିତାଙ୍କ ଭଳି ଦେଖା ହେବା ଲାଗି କଙ୍ଗନା ଏମିତି ବଢ଼ାଇଲେ ଓଜନ, ପ୍ରଥମ ଟିଜର ହେଲା ଭାଇରାଲ

25/11/2019 at 5:34 PM

ମୁମ୍ବାଇ୨୫/୧୧: ବଲିଉଡର କ୍ଵିନ୍ କଙ୍ଗନା ରାଣାୱତ ତାଙ୍କର ସବୁ ଫିଲ୍ମରେ ନିଷ୍ଠାର ସହ କାମ କରିବାକୁ ନେଇ ଚର୍ଚ୍ଚାରେ ଥାଆନ୍ତି। ଲୁକ୍ସକୁ ନେଇ ହେଉ କିମ୍ଵା ଅଭିନୟ ସବୁଥିରେ ସେ ତାଙ୍କର ଶତ ପ୍ରତିଶତ ଦେଇଥାନ୍ତି । ଏହା ମଧ୍ୟରେ ସେ ଦିବଙ୍ଗତ ନେତ୍ରୀ ଜୟଲଳିତାଙ୍କ ବାୟୋପିକ୍ ଥଲଇବୀକୁ ନେଇ ଚର୍ଚ୍ଚାକୁ ଆସିଛନ୍ତି । ଫିଲ୍ମର ଫାଷ୍ଟ ଲୁକ୍ ରିଲିଜ୍ ହୋଇଛି।

 ଏହି ପୋଷ୍ଟରକୁ ଦେଖିଲେ ଜଣା ପଡୁଛି କି ଜୟଲଳିତାଙ୍କ ଭଳି ଦେଖାଯିବାକୁ ନେଇ କଙ୍ଗନା ଖୁବ୍ ପରିଶ୍ରମ କରିଛନ୍ତି । ଏପରକି ପେଟ ବଢ଼ାଇବା ପାଇଁ କଙ୍ଗନା ହର୍‌ମୋନ ପିଲ୍‌ସ ଟ୍ୟାବଲେଟ୍‌ ମଧ୍ୟ ଖାଇଛନ୍ତି। ରିଲିଜ ହୋଇଥିବା ପୋଷ୍ଟରରେ ତ କଙ୍ଗନାଙ୍କୁ ଏକ ଭିନ୍ନ ଅବତାର ଦେଖିବାକୁ ମିଳିଛି ।

ତାମିଲ, ତେଲୁଗୁ ଓ ହୀନ୍ଦି ଭାଷାରେ ଫିଲ୍ମ ରିଲିଜ୍ ହେବାକୁ ଥିବା ବେଳେ ଏହାର ଟିଜରରେ ଜୟଲଳିତାଙ୍କ ଅଭିନୟ ଜୀବନ ଓ ରାଜନୈତିକ ଜୀବନକୁ ଖୁବ୍ କମ ସମୟ ମଧ୍ୟରେ ଚମତ୍କାର ଭାବେ  ପ୍ରଦର୍ଶିତ କରାଯାଇଛି । ଫଟୋକୁ ଫିଲ୍ମର ପ୍ରଯୋଜକ ବିଷ୍ଣୁ ଇନ୍ଦୁରି ମୁଭିର ଫଟୋ ଓ ଟିଜର ଟ୍ବିଟ୍ କରିଛନ୍ତି । ସେହିପରି ଟିଜରରେ କଙ୍ଗନାଙ୍କୁ ଯେଉଁଭଳି ଭାବରେ ମେକଅପ ଦିଆଯାଇ ଜୟଲଳିତାଙ୍କ ଛାପ ଦିଆଯାଇଛି, ତାହାକୁ ଲୋକେ ପ୍ରଶଂସା କରିବାରେ ଲାଗିଛନ୍ତି। ଟିଜର ପ୍ରଥମ ଭାଗରେ କଙ୍ଗନା ଜୟଲଳିତାଙ୍କ ଲୋକପ୍ରିୟ ଗୀତରେ ନାଚୁଥିବା ଦେଖିବାବାକୁ ମିଳିଛି ।

 ସେହିପରି ଦ୍ବିତୀୟ ଭାଗରେ ଶହ ଶହ ଲୋକଙ୍କ ଆଗରେ ଜୟାଙ୍କ ପରି ହାତ ହଲାଉଥିବାର ଦେଖାଯାଇଛି । ଏହି ଦୁଇଟି ଦୃଶ୍ୟରେ ତାଙ୍କର ଦୁଇଟି ପେସା ବିଷୟରେ କୁହାଯାଇଛି। ଦିବଂଗତ ଅଭିନେତ୍ରୀ ତଥା ରାଜନେତ୍ରୀ ଜେ. ଜୟଲଳିତାଙ୍କ ଜୀବନୀକୁ ନେଇ ଫିଲ୍ମ ତିଆରି ହେଉଥିବା ଖବର ପୂର୍ବରୁ ଚର୍ଚ୍ଚାର ବିଷୟ ପାଲଟିଥିଲା । ଫିଲ୍ମରେ ଜୟଲଳିତାଙ୍କ ଭୂମିକାରେ ଅଭିନେତ୍ରୀ କଙ୍ଗନାଙ୍କୁ ଦର୍ଶକ ଦେଖିବାକୁ ପାଇବେ ବୋଲି ସୂଚନା ମିଳିଥିବା ବେଳେ ଏବେ ଫିଲ୍ମର ପ୍ରଥମ ପୋଷ୍ଟର ଓ ଟିଜର ରିଲିଜ୍ ହୋଇଛି ।

ତାମିଲରେ ଥଲଇବୀ ଏବଂ ହିନ୍ଦୀରେ ଜୟା ନାମକ ଏହି ଫିଲ୍ମକୁ ସାଉଥର ନିର୍ଦ୍ଦେଶକ ଏଏଲ ବିଜୟ ନିର୍ଦ୍ଦେଶନା ଦେଇଛନ୍ତି। ଏହି ଫିଲ୍ମ ୨୦୨୦ ଜୁନ ୨୬ରେ ରିଲିଜ୍ ହେବ। ବାହୁବଳୀ ଏବଂ ମଣିକର୍ଣ୍ଣିକାର ଲେଖକ ବିଜୟେନ୍ଦ୍ର ପ୍ରସାଦ ଏହି ଫିଲ୍ମ ଲେଖିଛନ୍ତି। କଙ୍ଗନା ରାଣାୱତଙ୍କ କଥା ଦେଖିବାକୁ ଗଲେ ସେ ଧାକଡରେ ନଜର ଆସିବେ।

   Related Posts