Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||
  • ସମ୍ବଲପୁର : ଗୋଶାଳା କଲପଡାରେ ଖାଲରେ ଖସିପଡି ୨ ଶିଶୁ ମୃତ
  • ||
  • ଢେଙ୍କାନାଳ : ଭିଜିଲାନ୍ସ ଜାଲରେ ଥାନା ଅଧିକାରୀ, ଯୌତୁକ ମାମଲାରେ ଦଫା କାଟିବାକୁ ନେଉଥିଲେ ୬ହଜାର ଟଙ୍କା
  • ||
  • ନବରଙ୍ଗପୁର : କୁନ୍ଦେଇ ସରପଞ୍ଚ ନିଲମ୍ବିତ, ଭାରତମାଳା ଯୋଜନାକୁ ବିରୋଧ କରିବାରୁ କାର୍ଯ୍ୟାନୁଷ୍ଠାନ
  • ||
  • ୨ ଦିନିଆ କନ୍ଧମାଳ ଗସ୍ତରେ ଶିଶୁ ସୁରକ୍ଷା ଅଧିକାର ଅଧ୍ୟକ୍ଷା
  • ||
  • ବ୍ରହ୍ମପୁର : ବ୍ରହ୍ମପୁର ଫାଷ୍ଟଗେଟ୍ ଅଞ୍ଚଳରୁ ଜଣଙ୍କ ମୃତଦେହ ଠାବ, ହତ୍ୟା ସନ୍ଦେହ
  • ||
  • ନୀଳଗିରି: ହାତୀ ଆତଙ୍କରେ ଅଞ୍ଚଳବାସୀ
  • ||
  • ମାଲକାନଗିରି : ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ
  • ||
  • କେନ୍ଦୁଝର : ବାଇକ୍ ଧକ୍କାରେ ଜଣେ ଗୁରୁତର, ମେଡିକାଲରେ ଭର୍ତ୍ତି
  • ||

ଗୁଜରାଟକୁ ଦାଦନ ଖଟିବାକୁ ଯାଇଥିଲେ କନ୍ଧମାଳର ଦୁଇ ଭଉଣୀ : ବଡ ଭଉଣୀ ଫେରିଲା, ସାନର ମିଳୁନି ପତ୍ତା- ପାଗଳ ଭଳି ଖୋଜୁଛି ମା

20/12/2018 at 6:19 PM

ଫୁଲବାଣୀ ୨୦|୧୨:ପେଟ ଚାଖଣ୍ଡକ ପାଇଁ ଗୁଜରାଟକୁ ଦାଦନ ଖଟିବାକୁ ଯାଇଥିଲେ କନ୍ଧମାଳ ଦୁଗୁଡିପାରୀ ଗାଁର ଦୁଇ ଭଉଣୀ। ଗୋପାଳ ଫିସେରୀ ନାମକ ଏକ ଚିଙ୍ଗୁଡି ଫ୍ୟାକ୍ଟ୍ରିରେ କାମ କରୁଥଲେ । ତେବେ ବଡ ଭଉଣୀ ଗାଁକୁ ଫେରି ଆସିଛି । ହେଲେ ସାନ ଭଉଣୀର ପତ୍ତା ନାହିଁ । ବହୁ ଖୋଜାଖୋଜା ପରେ ନିରାଶ ହେବା ପରେ  ଝିଅକୁ ଫେରାଇ ଆଣିବା ପାଇଁ  ପ୍ରଶାସନ ନିକଟରେ ଆକୁଳ ନିବେଦନ କରିଛି ମା । 

ଦୁଇ ଓଳି ଦୁଇ ମୁଠାଖାଇବା ଯୋଗାଡ଼ ସହ ଘରେ ଥିବା ମା’ ପାଖକୁ ଟଙ୍କା ପଠାଇବେ । ଏଇ ଆଶାରେ କନ୍ଧମାଳ ଜି.ଉଦୟଗିରି ଦୁଗୁଡିପାରୀ ଗାଁର ଦୁଇ ଭଉଣୀ ରସ୍ତିମା ପ୍ରଧାନ ଓ ସଚିନା ପ୍ରଧାନ ଗଲେ ଗୁଜରାଟ । ଗିରି ସୋମନାଥ ଜିଲ୍ଲାର ଓନାରେଥିବା ଗୋପାଳ ଫିସେରୀରେ କାମ କରୁଥିଲେ ଦି ଭଉଣୀ । 

ଗତ ନଭେମ୍ବର ୨୭ ରେ ଦୁଇଭଉଣୀ କାମରୁ ଫେରି ଶୋଇଥିଲେ। ବଡ଼ ଭଉଣୀ ଉଠିଲା ବେଳକୁ ସାନ ଭଉଣୀ ସଚିନା ପାଖରେ ନାହିଁ । ବହୁତ ଖୋଜାଖୋଜି କରିବା ପରେ ବି ମିଳିଲାନି କୌଣସି ଖୋଜ ଖବର । ଶେଷରେ କଂପାନୀର ସୁପରଭାଇଜରଙ୍କୁ ଫୋନ୍ କରି ଜଣାଇଲେ ରସ୍ତିମା । ଖବର ପାଇ ବାପା-ମା ଗୁଜୁରାଟ ଗଲେ । ସୁପରଭାଇଜରଙ୍କୁ ପଚରାଉଚରା କଲେ । କଂପାନୀମାଲିକଙ୍କୁ ବି ଯୋଗାଯୋଗ କଲେ । ତଥାପି କିଛି ଲାଭ ହେଲାନି, ନିରାଶ ହୋଇ ବଡ ଝିଅକୁ ସାଥୀରେ ନେଇ  ଫେରିଲେ ।

ଝିଅକୁ ନପାଇ ମା’ଏବେ ଭୋକ ଶୋଷ ଭୁଲି ପାଗଳପ୍ରାୟ ହୋଇଗଲେଣି । ସଚିନା ଜୀବିତ କି ନାହିଁ ସେ କଥା ଜାଣିବେ କେମିତି?  ଝିଅକୁ ଫେରାଇ ଆଣିବା ଲାଗି ଜିଲ୍ଲା ଶ୍ରମ ଅଧତ୍କାରୀଙ୍କ ନିକଟରେ ଗୁହାରୀ କରିଥିଲେ ।  ଅଭିଯୋଗର ତଦନ୍ତ ଚାଲିଛି।  ସଚିନାକୁ ଯେପରି ଅତି ଶୀଘ୍ର ଫେରାଇ ଆଣି ହେବ ଗୁଜୁରାଟ ପୋଲିସ ପ୍ରଶାସନ ସହ ଯୋଗାଯୋଗ କରୁଥିବା କଥା କହିଛନ୍ତି ଜିଲ୍ଲା ଶ୍ରମ ଅଧିକାରୀ ।

ଏତେ ଯୋଜନା ପରେ ବି କାମ ଧନ୍ଦା ନପାଇ ଦାଦନ ଖଟିବାକୁ ରାଜ୍ୟ ବାହାରକୁ ଯାଉଛନ୍ତି । ହେଲେ କିଏ ନିର୍ଯାତନା ସହି ସହି ଫେରୁଛି ତ ଆଉ କିହାର ମୃତ ଦେହ ଆସୁଛି। ପୁଣି କାହାର କିଛି ଖୋଜ ଖବର ନାହିଁ…

   Related Posts