ଝାରସୁଗୁଡ଼ା ୧୬।୦୬ : ପୁଣି କଙ୍ଗାରୁ କୋର୍ଟ । ଆଇନକୁ ହାତକୁ ନେଇ ସାଧାରଣଲୋକ । କଙ୍ଗାରୁ କୋର୍ଟରେ ୪ ଜଣଙ୍କୁ ଦିଆଯାଇଛି ଦଣ୍ଡ। ଝାରସୁଗୁଡ଼ା ଜିଲ୍ଲାରେ ଲଇକେରା ବ୍ଲକ ସାହାସପୁର ଗାଁର ଘଟଣା ।
ଖବର ଅନୁଯାୟୀ, ୪ ଜଣ ଯୁବକଙ୍କ ବେକରେ ଦଉଡି ପକେଇ ସେମାନଙ୍କ ହାତରେ ଧରାଯାଇଛି ନଡ଼ିଆ। ବେକରେ ଦଉଡି ପକାଇ ଏବଂ ହାତରେ ନଡ଼ିଆ ଧରି ଗାଁରେ ବୁଲିଛନ୍ତି ୪ ଯୁବକ । ଦାଣ୍ଡରେ ବସିଥିବା କଙ୍ଗାରୁ କୋର୍ଟ ସାମ୍ନାରେ ଏମାନେ ଆଣ୍ଠୁମାଡ଼ି ନିଜ ଦୋଷ ସ୍ୱୀକାର କରିବା ପରେ, ଗାଁରେ ସାହି ସାହି ବୁଲିଛନ୍ତି ଏବଂ ନିଜ ଦୋଷ ପାଇଁ କ୍ଷମା ମାଗିଛନ୍ତି । ଏହି ଘଟଣାର ଭିଡ଼ିଓ ଭାଇରାଲ ହେବାରେ ଲାଗିଛି । ଘଟଣାଟି ଝାରସୁଗୁଡା ଜିଲ୍ଲା ଲଇକେରା ବ୍ଲକ ସାହାସପୁର ଗାଁର ବୋଲି ଜଣାପଡିଛି। ସାହାସପୁର ଗାଁରେ ଏହି ୪ ଯୁବକ ବଳଦ ଓ ଗାଈ ଚୋରୁଥିବା ବେଳେ ସେମାନଙ୍କୁ ନେଇ ହତ୍ୟା କରି ଗୋ ମାଂସ ଖାଉଥିବା କୁହାଯାଉଛି । ଏହା ଜଣାପଡିବା ପରେ ଗତ ସୋମବାର ସାହାସପୁର ଗାଁଲୋକେ ୪ ଯୁବକଙ୍କୁ ଥାନାରେ ଜିମା ନଦେଇ ନିଜେ ଦେଇଛନ୍ତି ଏଭଳି ଦଣ୍ଡ।