Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ପରକୀୟା ପ୍ରୀତିରୁ ଗଲା କଳ୍ପନା ଏବଂ ତାଙ୍କ ଝିଅଙ୍କ ଜୀବନ, ସ୍ବାମୀଙ୍କୁ ମଧ୍ୟ ମିଳୁଥିଲା ଧମକ

15/02/2020 at 9:09 AM

ଝାରସୁଗୁଡା ୧୫।୨: ଝାରସୁଗୁଡା ଜିଲ୍ଲା ବ୍ରଜରାଜନଗରରୁ ତିନି ତିନି ଥର ବିଧାୟକ ହୋଇଥିବା ଅନୁପ ସାଏ ଏବେ ଜେଲର ଚାରିକାନ୍ଥ ଭିତରେ । ୨୦୧୬ ମସିହାରେ ମା’ ଓ ଝିଅଙ୍କ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ହେଉଛନ୍ତି ଅନୁପ । ପରକୀୟା ପ୍ରୀତିରୁ ଗଲା ମା’ ଓ ଝିଅଙ୍କ ଜୀବନ । ପୂର୍ବତନ ବିଧାୟକ ଜେଲ ଗଲେ । ଏହି ବହୁ ଚର୍ଚ୍ଚିତ ହତ୍ୟାକାଣ୍ଡ ଉପରୁ ସାଢେ ୩ ବର୍ଷ ପରେ ପରଦା ହଟାଇବାରେ ସଫଳ ହୋଇଛି ଛତିଶଗଡ ପୋଲିସ ।

ରାଜନେତାଙ୍କ କ୍ରାଇମ୍ । ଓଡିଶାର ବହୁ ଚର୍ଚ୍ଚିତ ରାଜନେତା ଅନୁପ ସାଏଙ୍କୁ କାଠଗଡାରେ ଠିଆ ହେବାକୁ ପଡିଛି । ତାହା ପୁଣି ପରକୀୟା ପ୍ରୀତି ଓ ଅୟସ ଜୀବନଯାପନ ପାଇଁ । ନିଜେ ବିବାହିତ ହୋଇ ପିଲା ଛୁଆର ସଂସାର କରିଥିବା ଅନୁପ ନିଜ ଜାଲରେ ପକାଇଥିଲେ ଆଉ ଜଣେ ବିବାହିତା ମହିଳା କଳ୍ପନା ଦାଶଙ୍କୁ । କଳ୍ପନା ରାଜପୁର ଅଞ୍ଚଳର ଥିବାବେଳେ ପୂର୍ବରୁ ସୁନିଲ ଶ୍ରୀବାସ୍ତବଙ୍କୁ ବିବାହ କରିଥିଲେ ।

କିନ୍ତୁ ଅନୁପ ସାଏ ୨୦୧୧ ମସିହାରେ ବିଧାୟକ ଥିବାବେଳେ କଳ୍ପନାଙ୍କୁ ନିଜ ଜୀବନ ସଙ୍ଗିନୀ କରିବାକୁ  ଉଦ୍ୟମ କରି ତାଙ୍କ ସହ ଲିଭ୍ ଇନ୍ ରିଲେସନସିପରେ ରହୁଥିଲେ। ଲିଭ୍ ଇନ୍ ରିଲେସନସିପରେ ରହିବାକୁ ନିଜ ପରିବାରଠାରୁ ଦୂରରେ ଭୁବନେଶ୍ବରର ସୁନ୍ଦରପଦାରେ ଏକ ତିନି ମହଲା କୋଠା ତିଆରି କରିବା ସହ କଳ୍ପନାଙ୍କ ଝିଅ ପ୍ରଭାତିକୁ ନାମୀ ଘରୋଇ ସ୍କୁଲରେ ପାଠ ପଢ଼ାଉଥିଲେ ଅନୁପ ସାଏ । ଅନୁପଙ୍କୁ ବିବାହ କରିବା ପାଇଁ ଜିଦ ଓ କୋଠାକୁ ନିଜ ନାମରେ କରାଇବା ପାଇଁ ବାଧ୍ୟ କରିବାରୁ ମା’ ଓ ଝିଅଙ୍କ ଜୀବନ ଚାଲିଗଲା ।

ତିନି ଥର ବିଧାୟକ ରହି ଲୋକଙ୍କ ନିକତଟର ହୋଇଥିବା ଅନୁପ ମୃତ କଳ୍ପନାଙ୍କ ସହ ତାଙ୍କ ୧୩ ବର୍ଷର ଝିଅ ପ୍ରଭାତୀକୁ ମଧ୍ୟ ଛାଡିନଥିଲେ । ନିଜେ ଅନୁପ ହତ୍ୟାକାଣ୍ଡ ଭିଆଇଥିବା ଏସପିଙ୍କ ନିକଟରେ ସ୍ବୀକାର କରିଥିଲେ ।

ଏହି ଘଟଣାର ପର୍ଦ୍ଦାଫାସ ହେବା ପରେ କଳ୍ପନାଙ୍କ ସ୍ବାମୀ ସୁନୀଲ ଶ୍ରୀବାସ୍ତବ ନିଜ ଝିଅର ହତ୍ୟାକୁ ସହଜରେ ଗ୍ରହଣ କରିପାରୁନାହାନ୍ତି । କୋହଭରା କଣ୍ଠରେ କହିତିଲେ, ଝିଅକୁ କାହିଁକି ମାରିଲେ ବୋଲି । ଏହି ହତ୍ୟାକାଣ୍ଡର ଖବର ପାଇବାର ବର୍ଷେ ପର୍ଯ୍ୟନ୍ତ ଅପେକ୍ଷା କରିବା ପରେ କିପରି ଦୋଷୀ ଧରାପଡିବ ସେଥିପାଇଁ ଚେଷ୍ଟା କରିବାବେଳେ ଅନୁପଙ୍କ ଧମକର ଶିକାର ହୋଇଥିବା କହିଛନ୍ତି କଳ୍ପନାଙ୍କ ସ୍ବାମୀ ।

   Related Posts