Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଯାତ୍ରାରେ ଅଶ୍ଳୀଳ ନୃତ୍ୟ ପ୍ରଦର୍ଶନ ; ଖଣ୍ଡଗିରି ଥାନାରେ ଯାତ୍ରାପାର୍ଟି ମାଲିକ ଓ କଳାକାରଙ୍କ ନାଁରେ କଳିଙ୍ଗ ସେନା ପକ୍ଷରୁ ଏତଲା

25/02/2019 at 1:43 PM

ଭୁବନେଶ୍ବର ୨୫|୨: ଯାତ୍ରା ପେଣ୍ଡାଲରେ ଅଶ୍ଳୀଳ ନୃତ୍ୟ ପ୍ରଦର୍ଶନ ପ୍ରସଙ୍ଗରେ ଥାନାରେ ଏତଲା ହୋଇଛି । ଯାତ୍ରା ପାର୍ଟି ମାଲିକ ଓ କଳାକାରଙ୍କ ବିରୋଧରେ ଏତଲା ଦିଆଯାଇଛି । କଳିଙ୍ଗ ସେନା ପକ୍ଷରୁ ଖଣ୍ଡଗିରି ଥାନାରେ ଏତଲା ଦିଆଯାଇଛି ।

ଯାତ୍ରାରେ ଅଶ୍ଳୀଳତା ଦିନକୁ ଦିନ ବୃଦ୍ଧି ପାଉଥିବା ଦେଖିବାକୁ ମିଳୁଛି । ଯାତ୍ରା ପାର୍ଟି ମାଲିକମାନେ ନିଜ ନିଜ ବ୍ୟବସାୟକୁ ବଢାଇବା ସହ ଦର୍ଶକଙ୍କୁ ନିଜ ଆଡକୁ ଆକୃଷ୍ଟ କରିବାକୁ ନାନା ଉପାୟ ଆପଣାଉଛନ୍ତି । କେହି କେହି ପାର୍ଟି ମାଲିକମାନେ ଆଇଟମ୍‌ ଗାର୍ଲଙ୍କୁ ଆଣି ଅଶ୍ଳୀଳ ନାଚ ଜରିଆରେ ଦର୍ଶକଙ୍କୁ ଆକୃଷ୍ଟ କରୁଥିବା ଦେଖିବାକୁ ମିଳୁଛି । ଏମିତିକି ଆଇଟମ୍‌ ଗାର୍ଲଙ୍କ ସମ୍ପର୍କରେ ମଧ୍ୟ ମାଇକ୍ ଜରିଆରେ ସହର ସାରା ବୁଲି ବୁଲି ପ୍ରଚାର ମଧ୍ୟ କରାଯାଉଛି । ଯାତ୍ରା ପେଣ୍ଡାଲରେ ଆଇଟମ୍‌ ଗାର୍ଲଙ୍କୁ ଦେଖିବା ପାଇଁ ନାହିଁ ନଥିବା ଭିଡ ମଧ୍ୟ ଜମୁଥିବା ଦେଖିବାକୁ ମିଳୁଛି ।

ତେବେ ଖଣ୍ଡଗିରି ମେଳା ଯାତ୍ରା ମହାକୁମ୍ଭରେ ସଚ୍ଚିଦାନନ୍ଦ ଗଣନାଟ୍ୟର ଆଇଟମ୍‌ ଗାର୍ଲ ରାନୀଙ୍କ ଆଇଟମ୍‌ ଡ୍ୟାନ୍ସ ସହ ଜଣେ ଦର୍ଶକଙ୍କ କାନକୁ ରାନୀ କାମୁଡିଥିବା ନେଇ ଚାରିଆଡେ ଚର୍ଚ୍ଚା । ମହାକୁମ୍ଭରେ ମେଲୋଡି ବେଳେ ଆଇଟମ୍ ଡ୍ୟାନ୍ସର ରାନୀ ନାଚି ନାଚି ନିଜ ବ୍ଲାଉଜ୍ ଖୋଲି ଦେଇଥିବାର ଦୃଶ୍ୟ ଦେଖିବାକୁ ମିଳିଥିଲା । ଏମିତି ମଧ୍ୟ ଜଣେ ଦର୍ଶକଙ୍କ କାନକୁ ରାନୀ କାମୁଡି ରକ୍ତାକ୍ତ କରିଦେଇଥିବା ମଧ୍ୟ ଶୁଣିବାକୁ ମିଳୁଛି । ରାନୀକୁ ମଧ୍ୟ କିଛି ଯାତ୍ରା କଳାକାର, ଡ୍ୟାନ୍ସର ବିରୋଧ କରୁଥିବା ମଧ୍ୟ ଦେଖିବାକୁ ମିଳିଛି ।

   Related Posts