Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ

26/11/2020 at 11:16 AM

କନ୍ଧମାଳ ୨୬।୧୧: ଜଗାକୁ ଏକା କରି ଚାଲିଗଲା କାଳିଆ । ବୁଧବାର କଟକ ବଡ ମେଡିକାଲରେ ପ୍ରାଣ ହରାଇଛି ଯୋଡା ମୁଣ୍ଡରୁ ଅଲଗା ହୋଇଥିବା ଶିଶୁ କାଳିଆ । କାଳିଆର ମୃତ୍ୟୁ ଖବର ଶୁଣିବା ପରେ ମିଲୁପଡା ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି । ସମସ୍ତଙ୍କ ଆଖିରେ ଲୁହ । କାହା ଆଖିରୁ ଲୁହ ଶୁଖୁନି ।

କାଳିଆର ମୃତଦେହ ଫିରିଙ୍ଗିଆ ବ୍ଲକର ମିଲୁପଡା ଗାଁରେ ପହଞ୍ଚିବା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା । ସକାଳ ୬ଟା ବେଳେ ଆମ୍ବୁଲାନ୍ସ ଯୋଗେ କାଳିଆର ମୃତଦେହ ଗାଁରେ ପହଞ୍ଚିଥିଲା । ଏହାପରେ କାଳିଆକୁ ଦେଖିବାକୁ ଲୋକଙ୍କ ଭିଡ ଜମିଥିଲା । ସମସ୍ତଙ୍କ ଆଖିରେ ଲୁହ । ବାହୁନି ବାହୁନି କାନ୍ଦୁଥିଲେ ସମସ୍ତେ । ଗାଁ ମଶାଣୀରେ ଆଦିବାସୀ ପରମ୍ପରା ଅନୁଯାୟୀ କାଳିଆର ଶେଷକୃତ ସମ୍ପନ୍ନ କରାଯିବ ।

ଉଲ୍ଲେଖଯୋଗ୍ୟ ଯେ, ଯୋଡା ମୁଣ୍ଡ ଜଗା-କାଳିଆ ସଂପର୍କରେ ପ୍ରଥମେ ନ୍ୟୁଜ୍ ସେଭେନ୍ ରେ ଖବର ପ୍ରସାରଣ ପରେ ତତ୍ପରତା ପ୍ରକାଶ ପାଇଥିଲା । ଚିକିତ୍ସା ପାଇଁ ଉଭୟଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା । ସେଠାରେ ଉଭୟଙ୍କର ଅପରେସନ କରାଯାଇଥିଲା । ଅପରେସନ ସଫଳ ବି ହୋଇଥିଲା । ଜଗା-କାଳିଆ ଯୋଡା ମୁଣ୍ଡରୁ ଅଲଗା ହୋଇଥିଲେ । ସେମାନଙ୍କ ଆରୋଗ୍ୟ କାମନା କରି ଗାଁରେ ପୂଜାର୍ଚ୍ଚନା ମଧ୍ୟ କରାଯାଇଥିଲା । ଏବେ ହଠାତ୍ କାଳିଆର ମୃତ୍ୟୁ ଖବରକୁ ସହଜରେ ଗ୍ରହଣ କରିପାରୁନାହାନ୍ତି ଗ୍ରାମବାସୀ । ଉଭୟେ ସମ୍ପୂର୍ଣ୍ଣ ସୁସ୍ଥ ହୋଇ ଗାଁ ଫେରିବେ ବୋଲି ଭାବିଥିଲେ ଗାଁଲୋକ । ଆଜି କାଳିଆ ଫେରିଛ ସତ ହେଲେ ଜୀବନ୍ତ ନୁହେଁ ମୃତ । କାଳିଆର ମୃତ୍ୟୁ ପରେ ଜଗା ସୁସ୍ଥ ହୋଇ ଗାଁକୁ ଫେରିଆସୁ ବୋଲି ପରିବାର ଲୋକେ କାମନା କରିଛନ୍ତି ।

ଏଭଳି ଦୁଃଖଦ ଖବର ପାଇ ଫିରିଙ୍ଗିଆ ବିଡିଓ ଶାନ୍ତନୁ ନା ଏକ କାଳିଆର ଗାଁକୁ ଯାଇ ଶୋକ ସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଇବା ସହ ଆର୍ଥିକ ସହାୟତା ମଧ୍ୟ ଦେଇଛନ୍ତି । ଗୁରୁବାର ଦିନ ୧୧ଟା ବେଳେ କାଳିଆର ଶେଷକୃତ ସମ୍ପନ୍ନ ହେବା ନେଇ ସୂଚନା ମିଳିଛି ।

   Related Posts