Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ମିଶିବ କାଳିଆ ଓ ପିଏମ୍‌ କିଶାନ ଯୋଜନା- ବାଦ ପଡିଥିବା ହିତାଧିକାରୀ କାଳିଆ ଯୋଜନାରୁ ପାଇବେ ଟଙ୍କା

5/12/2019 at 9:29 PM

ଭୁବନେଶ୍ୱର ୦୫।୧୨ – ଥମୁନାହିଁ ଚାଷୀଙ୍କ ସହାୟତା ପାଇଁ ଉଦ୍ଦିଷ୍ଟ ରାଜ୍ୟ ସରକାରଙ୍କ ‘କାଳିଆ’ ଏବଂ କେନ୍ଦ୍ର ସରକାରଙ୍କ ପିଏମ୍ କିଷାନ ଯୋଜନାକୁ ନେଇ ଚର୍ଚ୍ଚା । କେତେବେଳେ ହିତାଧିକାରୀ ତାଲିକା ତ, ପୁଣି କେତେବେଳେ ଯୋଜନାର ସଫଳ କାର୍ଯ୍ୟକାରିତା ନେଇ ଚାଲିଥିଲା ବାଦିପାଲା । ଏବେ, ଉଭୟ ଯୋଜନାର ମିଶ୍ରଣ ନିଷ୍ପତ୍ତି ପରେ ବି ରାଜନୈତିକ ଆକ୍ଷେପ-ପ୍ରତି ଆକ୍ଷେପର ପର୍ବ କିଛି କମ ନୁହେଁ ।  

 ମିଶିବ ତଥାପି ରହିବ। କାଳିଆ ଓ ପିଏମ କିଶାନ ଯୋଜନା ମିଶିଯିବ । ନେଇ ଗତକାଲିଠାରୁ ଲାଗିଥିବା ସସ୍ପେନସରେ ପୂର୍ଣ୍ଣଛେଦ ଟାଣିଛନ୍ତି ଖୋଦ୍ କୃଷିମନ୍ତ୍ରୀ ଅରୁଣ ସାହୁ । ମନ୍ତ୍ରୀ ମାନିଛନ୍ତି ଯେ ଯେଉଁ ହିତାଧିକାରୀ ମିଶ୍ରଣ ଯୋଜନାରୁ ବାଦ୍ ପଡିଯିବେ ସେମାନଙ୍କୁ ରାଜ୍ୟ ସରକାର କାଳିଆ ଯୋଜନାରେ ସହାୟତା ଦେବେ  ।

ଅର୍ଥାତ ମିଶିକି ବି କାଳିଆ ନିଜ ଅସ୍ତିତ୍ବ ରଖିବ। ଦୁଇ ଯୋଜନା ମିଶିଗଲେ ବି ଯେହେତୁ ପିଏମ୍ କିଷାନରେ ଭୂମିହୀନ ଚାଷୀ ଓ କୃଷି ଶ୍ରମିକଙ୍କ ପାଇଁ କିଛି ବ୍ୟବସ୍ଥା ନ ଥିଲା ସେମାନଙ୍କ ଭିତରୁ ୧୪ ଲକ୍ଷ ୭୦ ହଜାର ହିତାଧିକାରୀଙ୍କୁ ବାର୍ଷିକ ୧୨ ହଜାର ୫ ଶହ ଟଙ୍କା ପୂର୍ବଭଳି  ମିଳିବ କାଳିଆ ଯୋଜନାରୁ । ଏକଥାକୁ ମନ୍ତ୍ରୀ ସ୍ପଷ୍ଟ କରିଛନ୍ତି ।

ଏକଥା ମନ୍ତ୍ରୀ  କହିବା ପରେ ଏବେ ସମସ୍ତଙ୍କ ମନରେ ପ୍ରଶ୍ନ ଯେ ମିଶ୍ରଣ ଯୋଜନାର ନୂଆ ନାଁ କଣ ହେବ । ଯେହେତୁ ମିଶ୍ରଣ ଯୋଜନାରେ କେନ୍ଦ୍ରର ୬ ହଜାର ଓ ରାଜ୍ୟର ୪ ହଜାର ଟଙ୍କା ଏଭଳି ମୋଟ ୧୦ ହଜାର ଟଙ୍କା ମିଳିବ ତାହାଲେ କିଏ ଶ୍ରେୟ ନେବ ତାକୁ ନେଇ ଆଗକୁ ଭିଡା ଓଟରା ହେବ କି ? 

ନିର୍ବାଚନ ପୂର୍ବରୁ ଏହି ଦୁଇ ଯୋଜନାକୁ ନେଇ ବେଶ୍ ତୁତୁ ମେଁମେଁ ହୋଇଥିବା ଦୁଇ ଦଳଙ୍କ  ନୂଆଷ୍ଟାଣ୍ଡ କଣ ହେବ । ଯେଉଁ ହିତାଧିକାରୀଙ୍କ ଉଭୟ ଯୋଜନାରେ ନାଁ ଥିଲା ସେମାନେ କାଳିଆରୁ ୧୦ ଓ ପିଏମ କିଶାନରୁ ୬ ଏଭଳି ୧୬ ହଜାର ପାଇଥାନ୍ତେ। କିନ୍ତୁ ଏହା ବଦଳରେ ଏବେ ସେମାନେ ପାଇବେ ୧୦ ହଜାର । ଅର୍ଥାତ ୬ ହଜାର କ୍ଷତିରେ ରହିବେ କିଛି ହିତାଧିକାରୀ । ହେଲେ ରାଜ୍ୟ ସରକାରଙ୍କ ଏଭଳି ଡବଲ ରୋଲକୁ ସମାଲୋଚନା କରିଛନ୍ତି ବିରୋଧୀ । ରାଜ୍ୟ ସରକାର ଚାଷୀଙ୍କୁ ଠକିଲେ ବିରୋଧୀ ଅଭିଯୋଗ କରିଛନ୍ତି।

 ଏସବୁ ଭିତରେ ଦ୍ବିତୀୟ କିସ୍ତି ଟଙ୍କା କେବେ ମିଳିବ ଅପେକ୍ଷା କରିଛନ୍ତି ଚାଷୀ ।

   Related Posts