Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

କାଳୀପୂଜା ପାଇଁ ବରଗଡ ପଦ୍ମପୁର ଅଞ୍ଚଳ ଚଳଚଞ୍ଚଳ ; ପଶୁ ବଳି ବଦଳରେ ଖଇରେ ପ୍ରସ୍ତୁତ ଜୁଗାରକୁ ମାଆଙ୍କୁ ଅର୍ପଣ କରୁଛନ୍ତି ଭକ୍ତ

9/11/2018 at 5:07 PM

ବରଗଡ ୯|୧୧:  ବରଗଡ ଜିଲ୍ଲା ପଦ୍ମପୁର ସର୍ଗିବାହାଲରେ ଧୁମଧାମରେ ଚାଲିଛି କାଳୀପୂଜା । ଦୀର୍ଘ ବର୍ଷ ହେବ ମାନସିକ ବ୍ରତଧାରୀ ମାନେ ମାଆ କାଳୀଙ୍କୁ ପଶୁ ବଳି ବଦଳରେ ଲିଆ ବା ଖଇରେ ପ୍ରସ୍ତୁତ ଜୁଗାର ଅର୍ପଣ କରିଛନ୍ତି । ବିଭିନ୍ନ ସଂଗଠନ ଓ ସ୍ଥାନୀୟଲୋକ ବଳିପ୍ରଥାକୁ ବିରୋଧ କରି ସୃଷ୍ଟି କରିଛନ୍ତି ନିଆରା ପରମ୍ପରା ।

ମାଆ କାଳୀଙ୍କ ପୂଜା ପାଇଁ ପଦ୍ମପୁର ସର୍ଗିବାହାଲ ଅଞ୍ଚଳ ଚଳଚଞ୍ଚଳ । ଦୀର୍ଘ ବର୍ଷ ହେବ ପୁରୁଣା ବଳିପ୍ରଥାକୁ ଛାଡି ଲିଆ ବା ଖଇରେ ପ୍ରସ୍ତୁତ ଜୁଗାରକୁ ଅର୍ପଣ କରୁଛନ୍ତି ଭକ୍ତ । ପ୍ରଥମ ଶସ୍ୟ ଧାନରେ ପ୍ରସ୍ତୁତ ଖଇ ଓ ଗୁଡରେ ନିର୍ମିତ ହୋଇଥାଏ ଜୁଗାର। ଖଇ ଓ ଗୁଡକୁ ପାଗ କରି ମୁଆଁ ତିଆରି କରିବା ପରେ ଭକ୍ତ ମାନେ ମାନସିକ ଜୁଗାର ଗୁଡିକୁ ଆକର୍ଷଣୀୟ କରିବା ସହ, ନଗର ପରିକ୍ରମା କରିଥାନ୍ତି । ବିଭିନ୍ନ ପ୍ରକାରର ନୃତ୍ୟ ଓ ବାଦ୍ୟର ତାଳେ ତାଳେ ଶୋଭାଯାତ୍ରା ବାହାରି ମାଆ କାଳୀଙ୍କୁ ଅର୍ପଣ କରିଥାନ୍ତି ମାନସିକଧାରୀ ।

ସର୍ଗିବାହାଲର ବଣିକ ସଂଘ ବଳିପ୍ରଥାକୁ ବନ୍ଦ କରିବାର ଉଦ୍ଦେଶ୍ୟରେ ଆରମ୍ଭ କରିଥିଲେ ଏହି ଜୁଗାର ଯାତ୍ରା । ଏହି ଜୁଗାର ଯାତ୍ରାର ରହିଛି ସ୍ବତନ୍ତ୍ର ପରିଚୟ । ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ସବୁ ସମ୍ପ୍ରଦାୟର ଲୋକ ଯାତ୍ରାରେ ସାମିଲ ହୋଇ ମାଆଙ୍କ ଆଶିଷ ନେଇ ପରିବାରର ମଙ୍ଗଳ କାମନା କରିଥାନ୍ତି । ଯେଉଁ ଭକ୍ତଙ୍କ ମାନସିକ ପୂରଣ ହୋଇଥାଏ ସେ ତା ପରବର୍ଷ ଏକ ଜୁଗାର ମାଆଙ୍କୁ ଅର୍ପଣ କରିଥାଏ । ବଳି ପ୍ରଥା ବନ୍ଦ କରି ନିଆରା ଢଙ୍ଗରେ ପାଳନ ହେଉଥିବା ଜୁଗାର ଯାତ୍ରାକୁ ମିଳିଛି ନୂଆ ପରିଚୟ ।

   Related Posts