Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

କରୋନାରେ କଂଗ୍ରେସ ବିଧାୟିକାଙ୍କ ମୃତ୍ୟୁ, ଦୀର୍ଘ ଦିନ ହେଲା ହସ୍ପିଟାଲ୍‌ରେ ଥିଲେ

24/04/2021 at 9:28 PM

ଇନ୍ଦୋର ୨୪/୪:  ସାନ, ବଡ଼ କିମ୍ବା ଧନୀ-ଗରିବ କାହାକୁ ଛାଡ଼ୁନି କରୋନା। ଥରେ ଧରିନେଲେ ମୃତ୍ୟୂ ପର୍ଯ୍ୟନ୍ତ ଘୋଷାରି ନେଉଛି। ଏବେ ଦେଶର ସ୍ଥିତି ସଙ୍ଗିନ ହୋଇପଡ଼ିଛି। ସମସ୍ତେ ତ୍ରାହି ତ୍ରାହି କରୁଛନ୍ତି। ନେତା-ମନ୍ତ୍ରୀ ବି କରୋନାରେ ଆକ୍ରାନ୍ତ ହେଉଛନ୍ତି। କେହି କେହି କରୋନାରେ ପ୍ରାଣ ମଧ୍ୟ ହରାଉଛନ୍ତି। ଉତ୍ତରପ୍ରଦେଶରେ ୨୪ ଘଣ୍ଟାରେ ଦୁଇ ବିଜେପି ବିଧାୟକଙ୍କ ଜୀବନ କରୋନା ନେଇଥିବା ବେଳେ ଜଣେ କଂଗ୍ରେସ ବିଧାୟିକା କୋଭିଡ୍‌ରେ ପ୍ରାଣ ହରାଇଛନ୍ତି। କରୋନାରେ ମଧ୍ୟପ୍ରଦେଶର କଂଗ୍ରେସ ବିଧାୟିକା କଳାବତୀ ଭୁରିଆଙ୍କ ମୃତ୍ୟୁ ହୋଇଛି।

ଶନିବାର ସେ ଏକ ଘରୋଇ ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି।  ମୃତ୍ୟୂ ବେଳକୁ ତାଙ୍କୁ ୪୯ ବର୍ଷ ବୟସ ହୋଇଥିଲା। କରୋନା ପୀଡ଼ିତ ଥିବା ଜଣାପଡ଼ିବା ପରେ ବିଧାୟିକାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସିତ ଅବସ୍ଥାରେ ତାଙ୍କ ମୃତ୍ୟୁ ହୋଇଛି। କଳାବତୀ ଭୁରିଆ ଅଲିରାଜପୁର ଜିଲ୍ଲାର ଜୋବଟ ବିଧାନସଭା ଆସନରୁ ବିଜୟୀ ହୋଇଥିଲେ। ବିଧାୟିକା କଳାବତୀଙ୍କ ପରଲୋକରେ ସମସ୍ତ ରାଜନୈତିକ ଦଳ ଶୋକ ପ୍ରକାଶ କରିଛନ୍ତି। ବହୁ ବରିଷ୍ଠ ନେତା ମନ୍ତ୍ରୀ ମଧ୍ୟ ଶୋକ ବ୍ୟକ୍ତ କରିଛନ୍ତି।

ମଧ୍ୟପ୍ରଦେଶରେ ସ୍ଥିତି ଅସମ୍ଭାଳ ହୋଇପଡ଼ିଥିବା ବେଳେ କରୋନାକୁ କାବୁ କରିବାକୁ ସରକାର ନାକେଦମ ହୋଇଛନ୍ତି। କଳାବତୀଙ୍କ ପରିବାର ପକ୍ଷରୁ ମିଳିଥିବା ସୂଚନା ଅନୁସାରେ ଗତ କିଛି ଦିନ ହେଲା ସେ ହସ୍ପିଟାଲରେ ଥିଲେ। ସେଠାକାର ଡାକ୍ତରଙ୍କ ଅନୁସାରେ କଳାବତୀଙ୍କ ଫୁସ୍‌ଫୁସ୍‌ ୭୦ ପ୍ରତିଶତ ସଂକ୍ରମିତ ହୋଇସାରିଥିଲା। ତାଙ୍କୁ ଭେଣ୍ଟିଲେଟର ସପୋର୍ଟରେ ରଖିବା ପରେ ମଧ୍ୟ ସ୍ବାସ୍ଥ୍ୟବସ୍ଥାରେ ସୁଧାର ଆସିନଥିଲା। ଶେଷରେ ଶନିବାର ତାଙ୍କର ମୃତ୍ୟୁ ହୋଇଛି। କଳାବତୀ ଭୁରିଆ ୨୦୧୮ରେ  ପ୍ରଥମ ଥର ବିଧାନସଭାକୁ ନିର୍ବାଚିତ ହୋଇଥିଲା । ଏହା ପୂର୍ବରୁ ସେ ୧୯୯୦ରେ ସରପଞ୍ଚ ଏବଂ ୨୦୦୦-୨୦୧୮ ପର୍ଯ୍ୟନ୍ତ ଜିଲ୍ଲା ପଞ୍ଚାୟତ ଅଧ୍ୟକ୍ଷା ଥିଲେ।

   Related Posts