Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||

ଲଜ୍ଜା – ପୁଣି ଗଣଦୁଷ୍କର୍ମର ଶିକାର ହେଲେ ଆଉ ଜଣେ ଯୁବତୀ , ଭିଡିଓ ଭାଇରାଲ୍‌ ପରେ ମାମଲା ରୁଜୁ

23/09/2019 at 4:45 PM

 କଳାହାଣ୍ଡି /ଭୁବନେଶ୍ୱର – କଳାହାଣ୍ଡି କୋକସରା ଅଂଚଳରେ ଜଣେ ଯୁବତୀ ବନମାଳିପୁର ନିକଟ ଜାରିଙ୍ଗି ଜଙ୍ଗଲରେ ଗଣଦୁଷ୍କର୍ମର ଶିକାର ହୋଇଛନ୍ତି । ପୀଡ଼ିତାଙ୍କ ବୟାନ ଅନୁସାରେ ପୋଲିସ ଜଣେ ଅଭିଯୁକ୍ତକୁ ଧରି ମାମଲାର ତଦନ୍ତ ଚଳାଇଥିବାବେଳେ ଅନ୍ୟ ଅଭିଯୁକ୍ତମାନଙ୍କୁ  ଗିରଫ କରିବାକୁ ପ୍ରୟାସ ଜାରି ରଖିଛି ।  ସେପଟେ ଏଭଳି ସମ୍ବେଦନଶୀଳ ଘଟଣାରେ ଅଭିଯୁକ୍ତମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନର ଭରସା ଦେଇଛନ୍ତି ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ୍ ଦିବ୍ୟ ଶଙ୍କର ମିଶ୍ର । ମହିଳା କମିଶନ ମଧ୍ୟ ଏହି ଘଟଣାରେ ନିଜ ଆଡ଼ୁ ମାମଲା ରୁଜୁ କରି ତଦନ୍ତ ପାଇଁ ୩ଜଣିଆ ଟିମ୍ କଳାହାଣ୍ଡି ପଠାଇବାକୁ ନିଷ୍ପତ୍ତି ନେଇଛନ୍ତି । ଏଥି ସହ ଘଟଣାର ତଦନ୍ତ ଦାୟିତ୍ୱ କ୍ରାଇମବ୍ରାଂଚକୁ ଦେବାକୁ ସରକାରଙ୍କୁ ଅନୁରୋଧ କରିବେ ବୋଲି ମହିଳା କମିଶନ ଅଧ୍ୟକ୍ଷା ମୀନତି ବେହେରା କହିଛନ୍ତି ।

କଳାହାଣ୍ଡିରେ ଲଜ୍ଜା । ପୁଣି ଗଣଦୁଷ୍କର୍ମର ଶିକାର ହେଲେ ଆଉ ଜଣେ ଯୁବତୀ । ଅଭିଯୁକ୍ତଙ୍କୁ ଧରିବାକୁ ପ୍ରୟାସ ଚଳାଇଛି ପୋଲିସ । ଦୋଷୀଙ୍କ ବିରୋଧରେ ଷ୍ଟ୍ରଙ୍ଗ ଆକ୍ସନର ଭରସା ଦେଲେ ଗୃହ ରାଷ୍ଟ୍ର ମନ୍ତ୍ରୀ । ନିଜ ଆଡ଼ୁ ମାମଲା ରୁଜୁ କଲେ ମହିଳା କମିଶନ ଅଧ୍ୟକ୍ଷା । ସେପ୍ଟେମ୍ବର ୧୪ ତାରିଖ । ସ୍ଥାନୀୟ କୋକସରା ଅଂଚଳର ଜଣେ ଯୁବତୀ କୌଣସି କାମରେ ଆସିଥିଲେ ଭବାନୀପାଟଣା । ବସ୍ ଫେଲ୍ ହେବାରୁ କୋକସରା ଅଂଚଳର ଜଣେ ଚିହ୍ନା ପରିଚିତ ଯୁବକଙ୍କ ସାଙ୍ଗରେ ଗାଁକୁ ଫେରୁଥିଲେ । ହେଲେ ଫେରିବା  ବାଟରେ ବନମାଳିପୁର ନିକଟରେ ଯୁବତୀଜଣଙ୍କୁ ଟେକି ନେଇଥିଲେ ୪ଜଣ ଦୁର୍ବୃତ୍ତ । ପାଖରେ ଥିବା ଜାରିଙ୍ଗି ଜଙ୍ଗଲରେ ଦୁଷ୍କର୍ମ କରିଥିବା ନେଇ ପୋଲିସ ନିକଟରେ ବୟାନ ଦେଇଛନ୍ତି ପୀଡ଼ିତା । ପ୍ରଥମେ ଭାଇରାଲ ଭିଡିଓ ଆଧାରରେ ନିଜ ଆଡ଼ୁ ମାମଲା ରୁଜୁ କରିଥିବା ଜୁନାଗଡ଼ ପୋଲିସ, ପରେ ପୀଡ଼ିତାଙ୍କ ବୟାନ ଅନୁସାରେ ଯୁବତୀଙ୍କୁ ସାଙ୍ଗରେ ନେଇ ଯାଇଥିବା ଯୁବକକୁ ଧରି ଆରମ୍ଭ କରିଛି ତଦନ୍ତ ।

ସେପଟେ କଳାହାଣ୍ଡିର ଏହି ଗଣଦୁଷ୍କର୍ମ ଘଟଣାକୁ ଗୁରୁତର ସହ ନେଇଛନ୍ତି ଗୃହରାଷ୍ଟ୍ର କ୍ୟାପ୍ଟେନ୍ ମନ୍ତ୍ରୀ ଦିବ୍ୟ ଶଙ୍କର ମିଶ୍ର । ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନର ଭରସା ଦେଇଛନ୍ତି । ସେହିଭଳି ଘଟଣାରେ ନିଜ ଆଡ଼ୁ ମାମଲା ରୁଜୁ କରିଛନ୍ତି ମହିଳା କମିଶନ । ମାମଲାର ତଦନ୍ତ ପାଇଁ ଆସନ୍ତା କାଲି କମିଶନଙ୍କ ୩ଜଣିଆ କମିଟି କଳାହାଣ୍ଡି ଯିବେ । ଏଥି ସହ ଘଟଣାର ତଦନ୍ତ ଭାର କ୍ରାଇମବ୍ରାଞ୍ଚକୁ ଦେବା ସହ ଦୁଷ୍କର୍ମ ସମୟର ଭିଡିଓ ଭାଇରାଲ ରୋକିବା ଲାଗି ପଦକ୍ଷେପ ନେବାକୁ ସରକାରଙ୍କୁ ଅନୁରୋଧ କରିବେ ବୋଲି ମହିଳା କମିଶନ ଅଧ୍ୟକ୍ଷା ମିନତୀ ବେହେରା କହିଛନ୍ତି ।

ରାଜ୍ୟରେ ଗଲା ୨ମାସ ଭିତରେ ସ୍ପେଶାଲ ପକ୍ସୋ କୋର୍ଟରେ ଚାରି ଚାରିଟି ନାବାଳିକା ଦୁଷ୍କର୍ମ ମାମଲାର ବିଚାର କରାଯାଇ ୪ଜଣଙ୍କୁ ଫାଶୀ ଦଣ୍ଡରେ ଦଣ୍ଡିତ କରାଯାଇଥିଲେ ମଧ୍ୟ ଏହାର ପ୍ରଭାବ ଏଭଳି କିଛି ଯୌନ ପିପାଶୁଙ୍କ ଉପରେ ପଡ଼ୁନଥିବା ଦେଖିବାକୁ ମିଳୁଛି । ଯାହାର ପରିଣାମ ସ୍ବରୂପ ପୁଣି ସାମ୍ନାକୁ ଆସିଛି କଳାହାଣ୍ଡିର ଏହି ଗଣଦୁଷ୍କର୍ମ ଘଟଣା । ଏଭଳି ଘଟଣାରେ ଦୃଢ଼ କାର୍ଯ୍ୟାନୁଷ୍ଠାନ ଏବଂ ଦୃଷ୍ଟାନ୍ତମୂଳକ ଦଣ୍ଡବିଧାନ ହିଁ ଏଭଳି ଘଟଣାକୁ ରୋକିପାରିବ ।

   Related Posts