Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ୟ ରାଜ୍ୟକୁ ବସ ସେବା ବନ୍ଦ, ୫୦ ପ୍ରତିଶତ କର୍ମଚାରୀରେ ଚାଲିବ ସରକାରୀ ଅଫିସ, କୋଚିଂ ସେଣ୍ଟରରେ ଅଫ୍‌ଲାଇନ୍‌ କ୍ଲାସ୍‌ ମନା । ବିବାହ ପାଇଁ ସର୍ବାଧିକ ୫୦ ଜଣ ଏବଂ ଅନ୍ତିମ ସଂସ୍କାର ପାଇଁ ଅତିବେଶୀରେ ୨୦ ଜଣଙ୍କୁ ଅନୁମତି
  • ||
  • ବାକି ୨୦ ଜିଲ୍ଲାର ସହରାଞ୍ଚଳରେ କାଲିଠୁ ନାଇଟ୍‌ କର୍ଫ୍ୟୁ
  • ||
  • ଛତିଶଗଡ଼ ସୀମାନ୍ତ ୧୦ ଜିଲ୍ଲାର ସହରାଞ୍ଚଳରେ ବଦଳିଲା ନାଇଟ୍‌ କର୍ଫ୍ୟୁ ସମୟ
  • ||
  • ରାଜ୍ୟରେ ଫେରିଲା କୋଭିଡ୍‌ କଟକଣା
  • ||
  • ୨୧ ଆଇଏଏସ୍‌ଙ୍କୁ କୋଭିଡ୍‌ ପର୍ଯ୍ୟବେକ୍ଷଣ ଦାୟିତ୍ୱ
  • ||
  • ୨୧ ଆଇଏଏସ୍‌ଙ୍କୁ କୋଭିଡ ପର୍ଯ୍ୟବେକ୍ଷକ ଦାୟିତ୍ବ
  • ||
  • ଭଦ୍ରକ : ବୈତରଣୀ ନଦୀରେ ବୁଡି ଭାଇ-ଭଉଣୀଙ୍କ ସଲୀଳ ସମାଧି, ପିଉସୀଙ୍କ ଘରୁ ଫେରିବା ବେଳେ ଅଘଟଣ
  • ||
  • ମାଲକାନଗିରି : ମାନିଲେନି କୋଭିଡ୍ ନିୟମ, ସିଲ୍ ହେଲା ଦୋକାନ
  • ||
  • ଧର୍ମଗଡ : ଧର୍ମଗଡ ବଣିକ ସଂଘର ବଡ ନିଷ୍ପତ୍ତି, ଶନିବାର ଓ ରବିବାର ସଂପୂର୍ଣ୍ଣ ବନ୍ଦ ରହିବ ସହର
  • ||
  • କଟକ : ସ୍ବରେଜ ମ୍ୟାନ୍‌ହୋଲ୍‌ରେ ଶ୍ବାସରୁଦ୍ଧ ହୋଇ ୨ ଜଣଙ୍କ ମୃତ୍ୟୁ, ଜଣେ ଗୁରୁତର
  • ||

କଳାହାଣ୍ଡିରେ କୃଷି ଅଧିକାରୀଙ୍କୁ ଖୁଣ୍ଟରେ ବାନ୍ଧିଦେଲେ ଚାଷୀ

24/09/2018 at 6:28 PM

ଭବାନୀପାଟଣା ୨୪|୯: କଳାହାଣ୍ଡି ଜିଲ୍ଲାରେ ୟୁରିଆ ସାରର କୃତ୍ରିମ ଅଭାବକୁ ନେଇ ନେଇ ନର୍ଲା କୃଷି ଅଧିକାରୀ ହୀନସ୍ତା । ୟୁରିଆ ସାର କଳାବଜାରୀ ଅଭିଯୋଗ ପରେ ଉତ୍ୟକ୍ତ ଚାଷୀ  କୃଷି ଅଧିକାରୀଙ୍କୁ ବିଦ୍ୟୁତ ଖୁଣ୍ଟ ରେ ବାନ୍ଧି ଦେଇଛନ୍ତି । ଏହାପରେ ଆକ୍ସନ ମୋଡ୍‌କୁ ଆସି ବିଭିନ୍ନ ସାର ଗୋଦାମରେ ଚଢାଉ କରିଛି ଜିଲ୍ଲା ପ୍ରଶାସନ ।…

ଜନ ଅସନ୍ତୋଷର ପରିଣତି । ବିଦ୍ୟୁତ ଖୁଣ୍ଟରେ ବନ୍ଧା ହୋଇଛନ୍ତି କଲାହାଣ୍ଡି ନର୍ଲା ବ୍ଲକର କୃଷି ଅଧିକାରୀ ତ୍ରିନାଥ ବାଗ । ଜିଲ୍ଲା ପ୍ରଶାସନର ନୀରବତା ପାଇଁ ତାଙ୍କୁ ଏହି ଦଶା ଭୋଗିବାକୁ ପଡିଛି । ଜିଲ୍ଲାରେ ଗତ କିଛି ଦିନ ହେଲା ୟୁରିଆ ସାରର ଘୋର ଅଭାବ ଦେଖାଦେଇଛି । ହେଲେ କଳାବଜାରରେ ୟୁରିଆ ସାର ଚଢାଦରରେ ବିକ୍ରି ହେଉଛି । ଏନେଇ ଜିଲ୍ଲା ପ୍ରଶାସନକୁ ଲୋକେ ବାରମ୍ବାର ଆଭିଯୋଗ ସତ୍ବେ କୌଣସି ସମାଧାନହେଉନାହିଁ । ତେବେ ରୁପ୍ରା ରୋଡ ସ୍ଥିତ ଏକ ରାଇସ ମିଲ୍‌ରୁ, ଉତ୍କଳ ଷ୍ଟୋରର ୩ଶହ ବସ୍ତା ୟୁରିଆ ସାର ବୋଝେଇ ଏକ ଟ୍ରକକୁ ଚାଷୀ ଠାବ କରିଥିଲେ । ଏହାକୁ ଜବତ ପାଇଁ ଲୋକେ ସ୍ଥାନୀୟ କୃଷି ଅଧିକାରୀଙ୍କୁ କହିଥିଲେ । ହେଲେ ଏହା ତାଙ୍କ  ଅଧିକାର ଭୁକ୍ତ ନୁହେଁ ବୋଲି କହିବାରୁ କୃଷି ଅଧିକାରୀଙ୍କୁ ଲୋକେ ତାଙ୍କୁ ବିଦ୍ୟୁତ ଖୁଣ୍ଟରେ ବାନ୍ଧି  ଜିଲ୍ଲାପାଳଙ୍କୁ ଜଣାଇଥିଲେ ।

ଘଟଣାସ୍ଥଳରେ ଭବାନୀପାଟଣା ଉପଜିଲ୍ଲାପାଳ ମିର୍ଦ୍ଦା ଟପ୍ପୋ ପହଞ୍ଚି କୃଷି ଅଧିକାରୀଙ୍କୁ ଉଦ୍ଧାର କରିଥିଲେ । ପରେ ସାର ଡିଲର ରିତେଶ ଅଗ୍ରୱାଲଙ୍କ ଲାଇସେନ୍ସ ରଦ୍ଦ ପାଇଁ ସୁପାରିଶ କରାଯାଇଛି । ସେହିଭଳି କେସିଙ୍ଗା କୋଣାର୍କ ସୁତାକଳ ପରିସରରେ ଥିବା ଗୋଦାମରେ ବିଭିନ୍ନ କଂପାନୀ ର ଗଛିତ ୧୫ହଜାର ମେଟ୍ରିକ ଟନ ୟୁରିଆ ସାର ଚଢାଉ ବେଳେ ଠାବ କରାଯାଇଛି । ଏତେ ପରିମାଣର ୟୁରିଆ ସାର କାହିଁକି ଏଠାରେ ଗଚ୍ଛିତ ରଖାଯାଇଛି ତାର ତଦନ୍ତ ଚାଲିଛି ।

କୃଷି ଅଧିକାରୀଙ୍କୁ ବନ୍ଧା ଯିବା ଘଟଣାରେ ନର୍ଲା ଥାନାରେ ଏକ ମାମଲା ରୁଜୁ ହୋଇଛି । କଳାହାଣ୍ଡିରେ ୟୁରିଆ ସାର ଅଭାବ ଓ ଚଢା ଦରରେ ବିକ୍ରୀ ଅଭିଯୋଗ ବାରମ୍ବାର ହୋଇ ଆସୁଛି । ହେଲେ ନା ପ୍ରଶାସନ ଏଥିପ୍ରତି ଧ୍ୟାନ ଦେଉଛି ନା ରାଜନେତା । ଯାହାର ପ୍ରତିଫଳନ ଆଜି ଦେଖିବାକୁ ମିଳିଛି ।

   Related Posts