Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶିଷ୍ଟ ଲେଖିକା ମନୋରମା ମହାପାତ୍ରଙ୍କ ପରଲୋକ
  • ||
  • ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହ, ରାଜ୍ୟପାଳଙ୍କୁ ଭେଟି ଦେଲେ ରିଜାଇନ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୫ ହଜାରରୁ ଅଧିକ କରୋନା ପଜିଟିଭ୍, ୨୮୧ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୯୫ କୋଭିଡ୍ ପଜିଟିଭ୍
  • ||
  • ଉପରୁ ମୁଣ୍ଡରେ କମୁଛି ବନ୍ୟାଜଳ ପ୍ରବାହ, ବନ୍ଦ ହେଲା ହୀରାକୁଦର ୪ ଗେଟ୍
  • ||
  • ବିଲକୁ ଯାଇଥିଲେ ଚାଷୀ, ଦଳି ମାରିଦେଲା ଦନ୍ତା
  • ||
  • ଗୋଟିଏ ଟ୍ରକ୍ ଧକ୍କା ଦେଲା, ଆଉ ଏକ ଟ୍ରକ୍ ଚାପିଦେଲା : ରାସ୍ତା ପାର୍ ବେଳେ ଜୀବନ ହାରିଲେ ସୁବାଷ
  • ||
  • ରାତିରେ ହଠାତ ଘରେ ପଶିଗଲା ଦନ୍ତା, ନାବାଳକକୁ ଆକ୍ରମଣ କରି ମାରିଦେଲା…
  • ||
  • ଦେବୀଗଡା ଘାଟ ନିକଟରୁ ବିଶାଳ ଅଜଗର ଉଦ୍ଧାର, ବନ୍ୟା ଜଳରେ ଭାସି ଆସିଥିବା ସନ୍ଦେହ
  • ||

ଦୀର୍ଘ ୬ମାସ ପରେ ଖୋଲିଲା କାକଟପୁରର ଅଧିଷ୍ଠାତ୍ରୀ ଦେବୀ ମା’ ମଙ୍ଗଳାଙ୍କ ମନ୍ଦିର, ମା’ଙ୍କ ଦର୍ଶନ କରି ଭାବ ବିହ୍ବଳ ହେଲେ ଭକ୍ତ

4/08/2021 at 11:16 AM

କୋଣାର୍କ ୪।୮: କରୋନା ଦ୍ବିତୀୟ ଲହର ପାଇଁ ଦୀର୍ଘ ୬ ମାସ ପ୍ରତୀକ୍ଷାର ଅନ୍ତ ଘଟିଛି । ଭକ୍ତ ଓ ଭଗବାନଙ୍କ ମିଳନ ହୋଇଛି । କରୋନା କଟକଣା କୋହଳ ହେବା ପରେ ଖୋଲିବାକୁ ଯାଇଛି ଧାର୍ମିକ ପୀଠସ୍ଥଳୀ । କାକଟପୁରର ଅଧିଷ୍ଠାତ୍ରୀ ଦେବୀ ମା’ ମଙ୍ଗଳାଙ୍କ ମନ୍ଦିର ବୁଧବାର ସକାଳୁ ସମ୍ପୂର୍ଣ୍ଣ ରୀତି ନୀତି ଅନୁସାରେ ସକାଳ ୫ଟାରେ ମନ୍ଦିର ପହଡ଼ ଖୋଲା ଯାଇଛି । ୬ ମାସ ପରେ ପୁଣି ଏକାଠି ହୋଇଛନ୍ତି ଭକ୍ତ ଓ ଭଗବାନ । କୋଟି କୋଟି ଓଡିଆଙ୍କ ଆତ୍ମାକୁ ମିଳିଛି  ଆସ୍ବସ୍ତି ।

କରୋନା କଟକଣାରେ ବନ୍ଦ ହୋଇଥିବା ମନ୍ଦିର ଖୋଲିବା  ପରେ ଖୁସି ହୋଇଛନ୍ତି ଭକ୍ତ ଓ ସେବାୟତ । ସମ୍ପୂର୍ଣ୍ଣ ନିୟମ ଭିତରେ ଖୋଲିଛି ମା’  ମଙ୍ଗଳା ମନ୍ଦିର ପ୍ରଥମେ ଭକ୍ତଙ୍କୁ ଥର୍ମାଲ ସ୍କାନିଂ ସହିତ ସାନିଟାରୀ କରି ମନ୍ଦିର ଭିତରକୁ ଯିବା ପାଇଁ ଅନୁମତି ଦିଆଯାଇଛି । ମାସ୍କକୁ ବାଧ୍ୟତାମୂଳକ କରିବା ସହିତ ମଙ୍ଗଳା ମନ୍ଦିର ଭିତରେ ବାରିକେଟ୍ ବ୍ୟବସ୍ଥା କରାଯାଇଛି । ସାମାଜିକ ଦୂରତା ରକ୍ଷା କରି ଭକ୍ତମାନେ ପୂର୍ବଦ୍ବାର ପଟେ ମା’ଙ୍କୁ ଦର୍ଶନ କରି ଉତ୍ତର ଦ୍ବାର ପ୍ରସ୍ଥାନର ବ୍ୟବସ୍ଥା କରାଯାଇଛି ।

ଏପଟେ ମା’ ମଙ୍ଗଳା ମନ୍ଦିରରେ ଭୋଗ କରିବା ପାଇଁ ମନା କରାଯାଇଥିବା ବେଳେ ଦୂର ଦୂରାନ୍ତରୁ ଆସୁଥିବା ଭକ୍ତମାନେ ଏବେ ସିଧାସଳଖ ସୁବିଧାରେ ମା’ଙ୍କ ଦର୍ଶନ କରି ଭାବ ବିହ୍ବଳ ହୋଇଛନ୍ତି । ମା’ ମଙ୍ଗଳା ପୀଠରେ ବୁଧବାର ଦୀର୍ଘ ଦିନ ପରେ ଭକ୍ତିମୟ ପରିବେଶ ସୃଷ୍ଟି ହୋଇଛି ।

   Related Posts