Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଉତ୍ତରାଖଣ୍ଡ ରାସ୍ତା ଦେଇ ହେବ କୈଲାସ ମାନସରୋବର ଯାତ୍ରା, ପୂରା ହେଲା ପ୍ରଧାନମନ୍ତ୍ରୀ ମୋଦୀଙ୍କ ସ୍ଵପ୍ନ

8/05/2020 at 6:25 PM

ନୂଆଦିଲ୍ଲୀ ୦୮।୦୫: ଉତ୍ତରାଖଣ୍ଡର ପିଥୌରଗଢରୁ କୈଳାସ ମାନସରୋବର ଯାତ୍ରାରେ ଆଜି ଏକ ଅଧ୍ୟାୟ ଯୋଡି ହୋଇ ଯାଇଛି। ଏବେ ଉତ୍ତରାଖଣ୍ଡର ପାରମ୍ପରିକ ଲିପୁଲେଖ ସୀମା ପର୍ଯ୍ୟନ୍ତ ସଡକରେ ଯିବା ପରେ ତୀର୍ଥଯାତ୍ରୀ ସଡକ ମାର୍ଗରୁ କୈଳାସ ମାନସରୋବରର ଦର୍ଶନ କରି ଗୋଟିଏ-ଦୁଇ ଦିନରେ ଫେରି ପାରିବେ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶୁକ୍ରବାର ପିଥୌରଗଢ ଧାରଚୁଲାରୁ ଲିପୁଲେଖକୁ ସଂଯୋଗ କରୁଥିବା ସଡକକୁ ଭିଡିଓ କନଫରେନ୍ସିଂ ଜରିଆରେ ଉଦଘାଟନ କରିଛନ୍ତି। ଏହି ଅବସରରେ ସିଡିଏସ  ଜେନେରାଲ ବିପିନ ରାଓ୍ଵତ, ସ୍ଥଳ ସେନାଧ୍ୟକ୍ଷ ଜେନେରାଲ ଏମ.ଏମ. ନରଓ୍ଵାଣେ ଓ ବିଆରଓ ପ୍ରମୁଖ ଲେଫ୍ଟନାଣ୍ଟ ଜେନେରାଲ ହରପାଲ ସିଂହ ଉପସ୍ଥିତ ଥିଲେ।

୧୭ ହଜାରରୁ ଅଧିକ ଫୁଟ୍ ଉଚ୍ଚତାରେ ୮୦ କିଲୋମିଟର ଲମ୍ବା ଏହି ରୋଡ୍‌ କୈଳାସ ମାନସରୋବରକୁ ଲିପୁଲେଖ ସହିତ ସଂଯୋଗ କରିବ। ଏହି ରୋଡ୍‌ର କାମ ଅନେକ ବର୍ଷରୁ ଜାରି ରହିଥିଲା। ମାତ୍ର ଉଚ୍ଚ ଉଚ୍ଚ ପାହାଡ ଓ ମୁସ୍କିଲ ପରିସ୍ଥିତି କାରଣରୁ ନିର୍ମାଣରେ ଅଧିକ ସମୟ ଲାଗିଛି। ଏବେ କୈଳାସ ମାନସରୋବର ଯିବାକୁ ତିନି ସପ୍ତାହରୁ ଅଧିକ ସମୟ ଲାଗୁଛି। କିନ୍ତୁ ଲିପୁଲେଖ ରାସ୍ତାରେ ବର୍ତ୍ତମାନ ତୀର୍ଥଯାତ୍ରୀ ମାତ୍ର ୯୦ କିଲୋମିଟର ସଡକ ପଥରେ ଯାତ୍ରା କରି କୈଳାଶ ମାନସରୋବର ପହଞ୍ଚି ପାରିବେ।

ସୂଚନା ଅନୁଯାୟୀ ଉଚ୍ଚ ପାହାଡରେ ସଡକ ନିର୍ମାଣର ଏହି କାମରେ ବାୟୁସେନାର ଏମଆଇ-୧୭ ଓ ୨୬ଟି ହେଲିକପ୍ଟରକୁ ନିୟୋଜିତ କରାଯାଇଛି। ପିଏମଓର ଅଧିକାରୀ ନିଜେ ଏହି ପ୍ରକଳ୍ପ ଉପରେ ନଜର ରଖିଛନ୍ତି। ପାହାଡ କାଟିବା ଲାଗି ଅଷ୍ଟ୍ରେଲିଆରୁ ସ୍ଵତନ୍ତ୍ର ଅତ୍ୟାଧୁନିକ ମେସିନ ମଗାଯାଇଥିଲା। ଏହି ମେସିନ ସାହାଯ୍ୟରେ ପ୍ରାୟ ତିନି ମାସରେ ୩୫ କିଲୋମିଟରରୁ ଅଧିକ ଦୂରତା ପର୍ଯ୍ୟନ୍ତ ପାହାଡ  କଟାଯାଇ ପାରିଛି।

ଘଟିଆବଗଢରୁ ନେଇ ଲିପୁଲେଖ ପର୍ଯ୍ୟନ୍ତ ପ୍ରାୟ ୭୫.୫୪ କିଲୋମିଟର ରାସ୍ତାର କାମ ବିଆରଓ କରୁଛି। ଲିପୁଲେଖ ଆଡକୁ ୬୨ କିଲୋମିଟର ପର୍ଯ୍ୟନ୍ତ ରାସ୍ତା କାମ ପୂରା ହୋଇ ସାରିଛି। ଘଟିଆବଗଢରୁ ଆଗକୁ ରାସ୍ତା ତିଆରିରେ ଉଚ୍ଚ ପାହାଡ ଥିବାରୁ ଏହାକୁ କାଟିବାରେ ବହୁତ ମୁସ୍କିଲ ହୋଇଛି। କୈଳାସ ମାନସରୋବର ତୀର୍ଥଯାତ୍ରୀଙ୍କୁ ସୁବିଧା ପ୍ରଦାନ  କରିବା  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏଜେଣ୍ଡାରେ ଥିଲା।

   Related Posts