କଟକ ୨୬।୧୨ - କଟକ ସହରରେ ଥବା ବସ୍ତି ପିଲାଙ୍କ କଲ୍ୟାଣ ପାଇଁ କର୍ଯ୍ୟ କରୁଥୁବା ହମାରା ବଚପନ୍ ଟ୍ରଷ୍ଟ ପକ୍ଷରୁ ବଡଦିନ ଅବସରରେ ପିଲାମାନଙ୍କ ମଧ୍ୟରେ କବାଡି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଗୋରା କବର ଖେଳ ପଡ଼ିଆରେ ଏହି କବାଡ଼ି ପ୍ରତିଯୋଗିତା ଅନୁଷ୍ଠିତ ହୋଇଥିଲା ।ଗଣେଶ ଘାଟ, କାଠଯୋଡ଼ି, କୃଷକ ବଜାର, ତୁଳସୀପୁର ହରିଜନ ସାହି, କାଠଯୋଡ଼ି-ଏ, ପେଟନାଳ, ପୁରୀଘାଟ ,ବାଉରୀ ସାହି, ଛତ୍ର ବଜାର ଓ ତଥିଳା ସାହି ଆଦି ବସ୍ତିର ଜୁନିୟର ଓ ସିନିୟର ପ୍ରତିଯେଗୀମାନେ ଅଂଶ ଗ୍ରହଣ କରିଥଲେ। କବାଡି ପ୍ରତିଯୋଗିତାରେ ସମୁଦାୟ ୧୬ଟି ଦଳ ଓ ୨ଶହରୁ ଅଧିକ ପ୍ରତିଯୋଗୀ ଅଂଶ ଗ୍ରହଣ କରିଥିଲେ ।
{"id":203263,"sizeSlug":"large"}
କନିଷ୍ଠ ବିଭାଗରେ ଛତ୍ରବଜାର ଦଳ ଚମ୍ପିଅନ୍ ହୋଇଥିଲା । କାଠଯୋଡ଼ି-ଏ ଦଳ ରନର୍ସ ଅପ୍ ହୋଇଥିଲା। ସେହିପରି ସବ୍ ଜୁନିୟର ବିଭାଗରେ ତଥିଳା ସାହି ଚମ୍ମିଅନ୍ ହୋଇଥିବା ବେଳେ ପୁରୀଘାଟ ବାଉରୀ ସାହି ରନର୍ସ ଅପ୍ ହୋଇଥିଲା।
ଏହିସବୁ କୃତୀ ପ୍ରତିଯେଗୀଙ୍କୁ ଡିସିପି ଅଖିଳଶ୍ୱର ସିଂ ପୁରସ୍କୃତ କରିଥିଲେ।
ହମାରା ବଚପନ ଟ୍ରଷ୍ଟର ସହର ସଂଯୋଜିକା ଗୀତା ପାଣିଗ୍ରାହୀ କାର୍ଯ୍ୟକ୍ରମ ପରିଚାଳନା କରିଥିଲେ।ହମାରା ବଚ୍ପନ୍ ଟ୍ରଷ୍ଟର ପ୍ରତିଷ୍ଠାତା ଧରିତ୍ରୀ ପଟ୍ଟନାୟକ, ଓଡ଼ିଶା କବାଡ଼ି ସଂଘର ସାଧାରଣ ସମ୍ପାଦକ ଅଜୟ ବେହେରା ଏଥିରେ ଅନ୍ୟତମ ଅତିଥି ଭାବେ ଯୋଗ ଦେଇଥିଲେ ।
