ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍କରାଚାର୍ଯ୍ୟଙ୍କୁ ଭେଟିଲେ ପୁରୀ ଜିଲ୍ଲାପାଳ, ରଖିଲେ ପରିକ୍ରମା ପ୍ରକଳ୍ପର ସମ୍ପୂର୍ଣ୍ଣ ତଥ୍ୟ
  • ||
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ବ୍ରହ୍ମପୁର ସୁଧାର ଗୃହରେ ବାପା ମା ଛେଉଣ୍ଡ ନାବାଳକର ଆତ୍ମହତ୍ୟା: ୧୫ ଦିନ ପରେ ବି ପ୍ରଶାସନ ପାଖରେ ନାହିଁ ଖବର

3/11/2018 at 8:30 PM

ବ୍ରହ୍ମପୁର୩|୧୧: ସୁଧାର ଗୃହରେ ନାବାଳକର ଆତ୍ମହତ୍ୟା । ବ୍ରହ୍ମପୁର ରେଲଓ୍ବେ ଷ୍ଟେସନରୁ ଉଦ୍ଧାର ହୋଇଥିବା ଏହି ନାବାଳକକୁ ସିଡବ୍ଲୁସିକୁ ହସ୍ତାନ୍ତର ପରେ ତାକୁ ବ୍ରହ୍ମପୁର ଜ୍ୟୋତି ନଗର ସୁଧାର ଗୃହରେ ରଖାଯାଇଥିଲା । ତେବେ ଏନେଇ ଜିଲ୍ଲା ପ୍ରଶାସନ କି ବ୍ଲକ ପ୍ରଶାସନ ପାଖରେ ଖବର ନଥିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଅଭିଯୋଗ ପରେ ଘଟଣାର ତଦନ୍ତ ନେଇ ଆଶ୍ବାସନା ଦେଇଛନ୍ତି ବ୍ରହ୍ମପୁର ଏସପି । ….

ସୁଧାର ଗୃହର ନାବାଳକର ଆତ୍ମହତ୍ୟା । ଘଟଣାର ୧୫ଦିନ ପରେ ବି ଜିଲ୍ଲା ପ୍ରଶାସନ କି ବ୍ଲକ ପ୍ରଶାସନ ପାଖରେ ଖବର ନାହିଁ । କିଛି ଦିନ ତଳେ ବ୍ରହ୍ମପୁର ରେଲଓ୍ବେ ଷ୍ଟେସନରୁ କିଛି ପିଲାଙ୍କୁ ଉଦ୍ଧାର କରି ସିଡବ୍ଲୁସିକୁ ହସ୍ତାନ୍ତର କରିଥିଲା ରେଲଓ୍ବେ ପୋଲିସ । ଏହାପରେ ସେମାନଙ୍କୁ ସ୍ଥାନୀୟ ଜ୍ୟୋତି ନଗର ସୁଧାର ଗୃହରେ ରଖାଯାଇଥିଲା । ଖବର ପାଇ ପରିବାର ଲୋକେ ସଂପୃକ୍ତ ସୁଧାର ଗୃହରେ ପହଞ୍ଚି ଉଦ୍ଧାର ହୋଇଥିବା ପିଲାଙ୍କ ଭିତରୁ ବାୟା ଦାସକୁ ଘରକୁ ଫେରାଇ ନେବାକୁ ଚାହିଁଥିଲେ । ସୁଧାର ଗୃହ ପକ୍ଷରୁ ସେମାନଙ୍କୁ ପିଲାର ଆଧାର କାର୍ଡ଼ ଆଣି ଆସିବାକୁ କୁହାଯାଇଥିଲା । ହେଲେ ୟା’ ଭିତରେ ବାୟା ଦାସ ସୁଧାର ଗୃହରେ ଆତ୍ମହତ୍ୟା କରିଥିବା ଜାଣିବାକୁ ପାଇଥିଲେ ବାୟା ଦାସଙ୍କ ପରିବାର ।

ସାନଖେମୁଣ୍ଡି ବ୍ଲକ ଡେଙ୍ଗାଡ଼ି ରାଜୀବନଗର ଗାଁର ତାବତିଆ ଦାସ ଏବଂ ଗୋଲି ଦାସଙ୍କ ମୃତ୍ୟୁ ପରେ ତାଙ୍କର ଛୋଟ ଛୋଟ ପିଲା ତିନୋଟି ବେସାହାରା ହୋଇପଡ଼ିଥିଲେ । ଅଭାବ ଅନଟନ ସତ୍ବେ ମାମୁ ମାଇଁ ସେମାନଙ୍କୁ ପାଖରେ ରଖିଥିଲେ ।ହେଲେ ବଡ଼ପୁଅ ବାୟା ଦାସର ଏଭଳି ଅବସ୍ଥାରେ ଆତ୍ମହତ୍ୟା ଜନିତ ମୃତ୍ୟୁ ସେମାନଙ୍କୁ ଦୁଃଖ ଦେଇଛି । ଏବେ ଅନ୍ୟ ଦୁଇ ପିଲାଙ୍କୁ ନେଇ ଚିନ୍ତାରେ ପୂରା ପରିବାର । ସରକାର ଯଦି ସହାୟତାର ହାତ ବଢ଼ାନ୍ତେ ତାହେଲେ ଦୁଇ ଅନାଥ ଶିଶୁଙ୍କ ଭବିଷ୍ୟତ ସୁଧୁରି ଯାଆନ୍ତା ବୋଲି ସେମାନେ ଏବେ ଆଶା କରିବସିଛନ୍ତି ।

ସାନଖେମୁଣ୍ଡି ବ୍ଲକ ଡେଙ୍ଗାଡ଼ି ରାଜୀବନଗର ଗାଁର ଏଭଳି ଏକ ଘଟଣା ସାମ୍ନାକୁ ଆସିବା ପରେ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ସ୍ଥାନୀୟ ପ୍ରତିନିଧିଙ୍କ ପର୍ଯ୍ୟନ୍ତ ସମସ୍ତଙ୍କ ଆକ୍ସନକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ନିଜ ଅଂଚଳର ଗରିବ ଗୁରୁବାଙ୍କ ଅଭାବ ଅସୁବିଧା ବୁଝିବା ସହ ସେମାନଙ୍କ ପାଖରେ ସରକାରୀ ଯୋଜନାର ସହାୟତା ପହଞ୍ଚାଇବା ପାଇଁ ସରକାର ଯେଉଁ ନିର୍ଦେଶ ଦେଇଛନ୍ତି ତାହାକୁ ଏମାନେ କେମିତି ପାଳନ କରୁଛନ୍ତି ତାହା ଏଇ ଘଟଣାରୁ ବେଶ୍‌ ସ୍ପଷ୍ଟ ହୋଇଯାଇଛି । ଏଥି ସହିତ ସୁଧାର ଗୃହର ସୁରକ୍ଷା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହେଉଛି । ବାୟା ଦାସ କାହିଁକି ଓ କେମିତି ଆତ୍ମହତ୍ୟା କଲା ତାର ତଦନ୍ତ ହେବା ଆବଶ୍ୟକ ବୋଲି ମତ ପ୍ରକାଶ ପାଇଛି ।

   Related Posts