Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଅଭିଜିତ ଆୟାର ଜେଲରୁ ମୁକୁଳିବା ପରେ ଜଷ୍ଟିସ କାଟଜୁ ଓଡିଶାକୁ କରିଛନ୍ତି ତାତ୍ସଲ୍ୟ: ‘କହିଛନ୍ତି ମୁଁ ବି ଦେଇଥିଲି ଅରୁଚିକର ମନ୍ତବ୍ୟ, ମତେ କେବେ ଜେଲରେ ଭର୍ତ୍ତି କରିବ?’

8/12/2018 at 6:04 PM

ଭୁବନେଶ୍ବର ୭|୧୨: ପଶ୍ଚିମବଙ୍ଗ ସରକାର ବାରମ୍ବାର ଓଡ଼ିଶା ଏବଂ ଓଡ଼ିଆଙ୍କ ଅସ୍ମିତାକୁ ଆଘାତ ଦେଉଛନ୍ତି ତଥାପି ଓଡ଼ିଶା ସରକାର ଚୁପ୍‌ ଅଛନ୍ତି । ଠିକ୍‌ ସେମିତି ଓଡ଼ିଆଙ୍କ ଭାବାବେଗ ଓ ଓଡ଼ିଆ ଜାତିକୁ ନେଇ ଉପହାସ କରୁଥିବାଅବସରପ୍ରାପ୍ତ ବିଚାରପତି ମାର୍କଣ୍ଡେୟ କାଟଜୁ ବାରମ୍ବାର କଟୁ ମନ୍ତବ୍ୟ ଦେଉଥିବା ସତ୍ବେ ନିଦା ବିଷ୍ଣୁ ପାଲଟିଛନ୍ତି ଓଡ଼ିଶା ସରକାର । ଯାହାର ସୁଯୋଗ ନେଇ କାଟଜୁଙ୍କ ପୁଣି ଥରେ ଟ୍ବିଟ୍‌କରି ଓଡ଼ିଶାବାସୀ ଓ ରାଜ୍ୟ ସରକାରଙ୍କୁ ପରୋକ୍ଷରେ ଚାଲେଂଜ୍‌ କରିଛନ୍ତି ।

ଓଡ଼ିଆ, ଓଡ଼ିଶାବାସୀଙ୍କ କଳା ସଂସ୍କୃତି ବିରୋଧରେ ଅରୁଚିକର ମନ୍ତବ୍ୟ ଦେଇ ଅଭିଜିତ୍‌ ଆୟାର ମିତ୍ର ପ୍ରାୟ ୪୩ କାଳ ଜେଲରେ ରହି ଏବେ ଏବେ ମୁକୁଳିଛନ୍ତି । ଆଉ ଜେଲରୁ ବାହାରିବା ପରେ ଅଭିଜିତ୍‌ ଏମିତି କିଛି ଟ୍ବିଟ୍‌ କରିଥିଲେ।

‘‘ ମୁଁ ଦଶମ ଶ୍ରେଣୀରେ ପଢ଼ୁଥିବା ବେଳେ ମୋ ଇଂରାଜୀ ଶିକ୍ଷୟତ୍ରୀ ମୋତେ କହିଥିଲେ, ତୁମର ଜୋକ୍ସଗୁଡ଼ାକ ତୁମର ସିରିୟସ କଥା ତୁଳନାରେ ଅଧିକ ଡର ଲାଗେ’’ । ଆଜି ବୁଝିପାରୁଛି କ’ଣ କହିଥିଲେ ।’’

ଅର୍ଥାତ୍‌ ବ୍ୟଙ୍ଗକଲେ ବି ଭାବିଚିନ୍ତି କରିବା ଦରକାର ସେକଥାକୁ ବୁଝି ଯାଇଛନ୍ତି ଅଭିଜିତ୍‌ ଆୟାର୍‌ । ୪୩ଦିନର ଜେଲହାଓ୍ବା ତାଙ୍କୁ ଏସବୁ କିଛି ବୁଝାଇଦେଇଛି । ହେଲେ ତାଙ୍କଠୁ କିଛି ବି ଶିଖି ପାରିନାହାନ୍ତି ଅବସରପ୍ରାପ୍ତ ବିଚାରପତି ମାର୍କଣ୍ଡେୟ କାଟଜୁ । 

ଦୁଇବର୍ଷ ତଳେ ଓଡ଼ିଆଙ୍କ ଭାବାବେଗକୁ ସେ କିଭଳି ଆଘାତ ଦେଇଥିଲେ, ଓଡ଼ିଆ ଜାତିକୁ ନେଇ ସେ ଯେଉଁ ଉପହାସ କରିଥିଲେ, ସେଥିପାଇଁ ତାଙ୍କୁ କେବେ ଜେଲ ଯିବାକୁ ହେବ ବୋଲି ପଚାରିଛନ୍ତି କାଟଜୁ । ଏବେ ଏକ ଫ୍ରେସ୍‌ ଟ୍ବିଟ୍‌କରି କାଟଜୁ ପଚାରିଛନ୍ତି, କେବେ ମୋତେ ଜେଲ ହାଜତରେ ଭର୍ତ୍ତି କରିବ ?  ମାନେ ଓଡ଼ିଶାବାସୀ ଓ ରାଜ୍ୟ ସରକାରଙ୍କୁ ପରୋକ୍ଷରେ ଚାଲେଂଜ କରିଛନ୍ତି ଏହି ଅବସରପ୍ରାପ୍ତ ବିଚାରପତି ।

କାଟଜୁଙ୍କ ଏହି ମନ୍ତବ୍ୟକୁ ବହୁ ଓଡ଼ିଆ ନାପସନ୍ଦ କରିବା ସହ ସମାଲୋଚନା ବି କରିଛନ୍ତି । ସରକାରଙ୍କୁ ଖୋଲା ଚାଲେଂଜ ଦେଇଥିବାରୁ କାଟଜୁଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ବିଭିନ୍ନ ମହଲରୁ ଦାବି ହୋଇଛି।

ଅଭିଜିତ୍‌ ଆୟାର ହୁଅନ୍ତୁ କି ମାର୍କଣ୍ଡେୟ କାଟଜୁ, ଯେ କେହି ବି ଓଡ଼ିଶା ଓ ଓଡ଼ିଆଙ୍କ ପ୍ରତି ଯେ କେହିବି ଏଭଳି ଅରୁଚିକର ମନ୍ତବ୍ୟ ଦେଉଛନ୍ତି ତାଙ୍କୁ ଉଚିତ୍‌ ଜବାବ୍‌ ଦେବାକୁ ପଡ଼ିବ । ଅଭିଜିତ୍‌ଙ୍କ ଭଳି କାଟଜୁଙ୍କୁ ମଧ୍ୟ ଆଇନ୍‌ର କାଠଗଡ଼ାକୁ ଟଣାଯିବା ଦରକାର । ଓଡ଼ିଶା ଓ ଓଡ଼ିଆଙ୍କ ପ୍ରତି ଏଭଳି ଅସମ୍ମାନକୁ କଦାପି ବରଦାସ୍ତ କରାଯାଇପାରିବ ନାହିଁ ।

   Related Posts