ଆଠମଲ୍ଲିକ ୨୮।୦୬: ଆମ୍ବଗଛରୁ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଅନୁଗୋଳ ଜିଲ୍ଲା ଆଠମଲ୍ଲିକ କିଶୋରନଗର ବ୍ଲକ ନାକଚି ଗାଁର ଥିବା ଆମ୍ବଗଛରୁ ମୃତଦେହ ଉଦ୍ଧାର ହୋଇଛି । ମୃତକ ନାକଚି ଗାଁର ବିଜୟ ଲହରାଙ୍କ ଜ୍ୱାଇଁ ଅନିଲ ଲହରା ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ଛାନ୍ଭିନ୍ ଜାରି ରଖିଛି ।
{"id":292771,"sizeSlug":"large"}ସୂଚନାଯୋଗ୍ୟ ଯେ, ଅନିଲ ଲହରାଙ୍କ ଘର ଦଶପଲ୍ଲା ଅଞ୍ଚଳରେ । ଅନିଲ୍ ବିଜୟ ଲହାରଙ୍କ ଝିଅଙ୍କୁ ବିବାହ କରି ଶ୍ୱଶୁର ଘରେ ଦୀର୍ଘ ପାଞ୍ଚବର୍ଷ ହେବ ରହିଆସୁଛନ୍ତି । କିନ୍ତୁ ଆଜି ଗାଁ ନିକଟରେ ଥିବା ଏକ ଆମ୍ବ ଗଛରେ ଝୁଲନ୍ତା ଅବସ୍ଥାରେ ମୃତଦେହ ଦେଖିବାକୁ ମିଳିଥିଲା । ଗ୍ରାମବାସୀ ମାନେ ଅନିଲଙ୍କ ଶବ ନାକଚି ମହେଶ୍ୱରୀ ମନ୍ଦିର ପାଖ ଗଛରେ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ, ପରେ ତୁରନ୍ତୁ ଘଟଣାସମଂପର୍କପରେ ପୋଲିସକୁ ଖବର ଦେଇଥିଲେ । ହଣ୍ଡପା ପୋଲିସ ଖବର ପାଇ ତୁରନ୍ତ ଘଟଣାସ୍ତଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଥିଲା ।
ସେଠାରେ ଉପସ୍ଥିତ ଥିବା ଲୋକମାନଙ୍କୁ ପଚରା ଉଚରା ଜାରି ରଖିଥିଲା । ଅନିଲଙ୍କ ଝୁଲନ୍ତା ଶବ ଯେଉଁ ପ୍ରକାର ରହିଛି ସେଥିରୁ ଅନିଲର ମୁତୁ ସନ୍ଦେହଜନ ଲାଗୁଛି । ସେପଟେ ଅନିଲଙ୍କ ପରିବାର ଲୋକ ଘଟଣାସ୍ତଳରେ ପହଞ୍ଚିବାରେ ବିଳମ୍ବ ହେଉଥିବାରୁ ଶବ ଵ୍ୟଵଛେଦ ହୋଇପାରୁନାହିଁ । ତେବେ ଅନିଲଙ୍କ ମୃତ୍ୟୁ କିଭଳି ଓ କେମିତି ହେଲା ସେନେଇ ବିଭିନ୍ନ ଦିଗରୁ ତଦନ୍ତ ଆରମ୍ଭ କରିଛି ପୋଲିସ । ଖାସ୍ କରି ଶବ ବ୍ୟବେଚ୍ଛେଦ ରିପୋର୍ଟ ଆସିବା ପରେ ଘଟଣାସଂପର୍କରେ ଜଣାପଡିବ । ବର୍ତ୍ତମାନ ସୁଦ୍ଧା ଅନିଲଙ୍କ ମୃତ୍ୟୁ ନେଇ କୌଣସି ପ୍ରକାରର ଅଭିଯୋଗ ହୋଇନାହିଁ । ପରିବାର ଲୋକଙ୍କ ଆସିବା ପରେ କିଛି ତଥ୍ୟ ସାମ୍ନାକୁ ଆସିବ ବୋଲି ସାଧାରଣରେ ଆଲୋଚନା ହେଉଛି ।