Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ରାଜଧାନୀରେ ଗୁଳି ମାଡ ଖାଇଥିବା ଯୁବତୀଙ୍କ ଘରୁ ମଦବୋତଲ, ଗଞ୍ଜେଇ ଭଳି ବିଭିନ୍ନ ଆପତ୍ତିଜନକ ଜିନିଷ ଜବତ

11/02/2020 at 5:48 PM

ଭୁବନେଶ୍ୱର ୧୧।୦୨ -ରାଜଧାନୀର ଇମ୍ଫୋସିଟି ଥାନା ବଜରଙ୍ଗ ବିହାରରେ ଯୁବତୀଙ୍କୁ ଗୁଳିମାଡ଼ ଘଟଣାରେ ଇନ୍‌ଭେଷ୍ଟିଗେସନ ଜାରି ରଖିଛି କମିଶନରେଟ୍‌ ପୋଲିସ । ସୋମବାର ଯୁବତୀଙ୍କ ପୁରୁଷ ବନ୍ଧୁ ଆଶିଷ ନାୟକକୁ ଗିରଫ କରିଥିବା ବେଳେ ବୁଧବାର ଆଉ ୨ଯୁବକଙ୍କୁ ଅଟକ ରଖି ପଚରା ଉଚରା ଚଳାଇଛି । ଗୁଳିକାଣ୍ଡ ପରେ ଆଶିଷ ତା’ ସାଙ୍ଗକୁ ବନ୍ଧୁକ ଫିଙ୍ଗିବାକୁ ଦେଇଥିବା କହିବା ପରେ ରଘୁନାଥପୁର କେନାଲ ଅଂଚଳରେ ଛାନଭିନ୍‌ କରିଛି ପୋଲିସ । …

ଗୁଳି ବାଜିଥିବା ଯୁବତୀ ଡାକ୍ତରଖାନାରେ । ଗୁଳି ଫୁଟାଇଥିବା ଅଭିଯୁକ୍ତ ଗିରଫ ହୋଇଛି । ହେଲେ ଗୁଳି ଫୁଟିଥିବା ବନ୍ଧୁକର ସନ୍ଧାନ ପାଉନି ପୋଲିସ । ରାଜଧାନୀର ଇମ୍ଫୋସିଟି ଥାନା ବଜରଙ୍ଗ ବିହାରରେ ଯୁବତୀଙ୍କୁ ଗୁଳିମାଡ଼ ଘଟଣାର ୨୪ଘଣ୍ଟା ପରେ ବି ପୂରା ମାମଲାର ପର୍ଦ୍ଦାଫାସ୍‌ କରିପାରିନି କମିଶନରେଟ୍‌ ପୋଲିସ । ସୋମବାର ଯୁବତୀଙ୍କ ପୁରୁଷ ବନ୍ଧୁ ଆଶିଷ ନାୟକକୁ ଗିରଫ କରିଥିବା ବେଳେ ବୁଧବାର ଆଉ ୨ଜଣ ଯୁବକଙ୍କୁ ଧରି ପଚରାଉଚରା ଚଳାଇଛି । ଗୁଳିକାଣ୍ଡ ପରେ ଆଶିଷ ତା’ର ସାଙ୍ଗକୁ ବନ୍ଧୁକ ଫିଙ୍ଗିବାକୁ ଦେଇଥିବା କହିବା ପରେ ସଂପୃକ୍ତ ସାଙ୍ଗକୁ ଧରି ରଘୁନାଥପୁର କେନାଲ ଅଂଚଳରେ ଛାନଭିନ୍‌ କରିଥିଲେ ବି ବନ୍ଧୁକ ମଳିନି । ଗୋଟେ ପଟେ ଅଭିଯୁକ୍ତ ଆଶିଷ ନାୟକ ବିରୋଧରେ ପୂର୍ବରୁ ବିଭିନ୍ନ ଥାନାରେ ଅପରାଧିକ ମାମଲା ଥିବା ଜାଣିବାକୁ ପାଇଛି ପୋଲିସ । ଏମିତିକି ନୟାପଲ୍ଲୀ ଅଂଚଳରେ ଏକ ବୋମାମାଡ଼ ଘଟଣାରେ ପୂର୍ବରୁ ଗିରଫ ହୋଇଥିଲା ଆଶିଷ ।

କେବଳ ଭୁବନେଶ୍ବର କାହିଁକି ଖୋର୍ଦ୍ଧା ଥାନାରେ ମଧ୍ୟ ଆଶିଷ ବିରୋଧରେ ମାମଲା ରହିଥିବା ଜଣାପଡ଼ିଛି । ଅନ୍ୟପଟେ ସୋମବାର ଯୁବତୀ ଜଣକ ରହୁଥିବା ବଜରଙ୍ଗ ବିହାର ଭଡ଼ା ଘରେ ଯେଉଁଠାରେ ଗୁଳିକାଣ୍ଡ ଘଟିଥିଲା ସେଇ ଘରକୁ ଯାଇ ଛାନଭିନ୍‌ କରିଥିଲା ଫୋରେନ୍‌ସିକ୍‌ ଟିମ୍‌ । ଯୁବତୀଙ୍କ ଘରୁ ମଦବୋତଲ, ଗଞ୍ଜେଇ ଭଳି ବିଭିନ୍ନ ଆପତ୍ତିଜନକ ଜିନିଷ ମିଳିଥିବା ଜଣାପଡ଼ିଛି । ଏମିତିରେ ଯୁବତୀଙ୍କ ରୁମରେ ଆଶିଷ ରହିଥିବା ଏବଂ ଗୁଳିକାଣ୍ଡ ପରେ ବନ୍ଧୁକ ଗାଏବ୍‌ ହୋଇଯିବା ଘଟଣାକୁ ନେଇ ଏକ ଅପରାଧିକ ଷଡ଼ଯନ୍ତ୍ରର ଗନ୍ଧ ସ୍ପଷ୍ଟ ବାରିହେଉଛି । ଯାହାର ଗୁମର ଖୋଲିବାକୁ ଚେଷ୍ଟା କରୁଛି ପୋଲିସ । ଅଭିଯୁକ୍ତ ସହ ସମ୍ପୃକ୍ତ ଯୁବତୀଙ୍କୁ ସାମ୍ନାସାମ୍ନି ଜେରା କରିବାକୁ ଚାଲିଛି ଚେଷ୍ଟା । ଇତି ମଧ୍ୟରେ ପୋଲିସ ଆଉ ଜଣେ ଯୁବକକୁ ମଧ୍ୟ ଅଟକ ରଖିଥିବା କଥା କୁହାଯାଉଛି । ଯିଏ କି ଯୁବତୀଙ୍କ ପ୍ରଥମ ବଏଫ୍ରେଣ୍ଡ ବୋଲି କୁହାଯାଉଛି । ଏମିତିରେ ପ୍ରଶ୍ନ ଉଠୁଛି ଏପର୍ଯ୍ୟନ୍ତ ସାମ୍ନାକୁ ଆସିଥିବା ୩ଜଣ ଯୁବକ ଓ ଗୁଳିକାଣ୍ଡର ଶିକାର ଯୁବତୀ ସମସ୍ତେ ଗୋଟିଏ ଗୋଷ୍ଠୀର କି ? ବଜରଙ୍ଗ ବିହାରରେ ଥିବା ଯୁବତୀଙ୍କ ଭଡ଼ା ଘରେ ଏମାନେ ନିୟମିତ ଭାବେ ଏକାଠି ହେଉଥିଲେ କି ? ଏମାନଙ୍କ କୌଣସି ବଡ଼ ଅପରାଧ ଘଟାଇବାର ଯୋଜନା ଥିଲା କି ? ଯୁବତୀ ରହୁଥିବା ଭଡ଼ା ଘରର ମାଲିକ କିଏ ?  ତାଙ୍କ ସମ୍ପର୍କରେ ପୋଲିସ କୌଣସି ସୁରାକ୍‌ ପାଇଛି କି ? ହୁଏତ ପୋଲିସର ଇନ୍‌ଭେଷ୍ଟିଗେସନ ପୂରା ହେବା ପରେ ଏସବୁ ପ୍ରଶ୍ନର ଉତ୍ତର ସାମ୍ନାକୁ ଆସିପାରିବ ।

   Related Posts