Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ରସୁଲଗଡ ଛକରେ ଲଜ୍ଜା : ଯୁବତୀଙ୍କୁ ଦୁଷ୍କର୍ମ ଉଦ୍ୟମ କରି ରକ୍ତାକ୍ତ କଲା ଯୁବକ, ସବୁ ଦେଖିଲେ କିନ୍ତୁ କେହି ପାଟି ଖୋଲିଲେନି

29/10/2021 at 8:15 AM

ଭୁବନେଶ୍ୱର ୨୯/୧୦: ମଞ୍ଚେଶ୍ୱର ଥାନା ରସୁଲଗଡ଼ ଛକ ଉପରେ ଘଟିଛି ଏକ ଲୋମହର୍ଷଣକାରୀ ଘଟଣା । ଜଣେ ଯୁବତୀଙ୍କୁ ଗୋଡାଇ ଗୋଡାଇ ଦୁଷ୍କର୍ମ ଉଦ୍ୟମ କରିବା ସହ ରକ୍ତାକ୍ତ କରିଛି ଜଣେ ଯୁବକ । ଘଟଣା ଘଟିଛି ରାତି ସାଢ଼େ ୧୦ଟା ବେଳେ । ଥାନା ଠାରୁ ୫ ଶହ ଓ ଫାଣ୍ଡି ଠାରୁ ୧୦୦ ମିଟର ଦୂରରେ । ପୁଲିସ୍‌ ଏ ବିଷୟରେ ସବୁ ଜାଣିଛି । ହେଲେ ମାମଲାକୁ ଚାପି ଦେବାକୁ ଉଦ୍ୟମ କରିଛି । ସବୁଠାରୁ ଦୁଃଖର ବିଷୟ ହେଲା ଏହି ଜଘନ୍ୟକାଣ୍ଡକୁ ଲୋକମାନେ ଦେଖୁଥିଲେ । ହେଲେ କେହି ଯୁବତୀଙ୍କୁ ଉଦ୍ଧାର କରିନଥିଲେ ।

ମଞ୍ଚେଶ୍ୱର ଥାନାକୁ ଲାଗି ରହିଛି ଶାହି ଏକ୍ସ୍‌ପୋର୍ଟ ନାମକ ଏକ ସୂତା କମ୍ପାନୀ । ସେଠାରେ ୨ ହଜାରରୁ ଅଧିକ ଯୁବତୀ ଓ ମହିଳା କାମ କରନ୍ତି । ମଙ୍ଗଳବାର ରାତି ୧୦ ଟାରେ ଡ୍ୟୁଟି ସରିବା ପରେ କିଛି ଯୁବତୀ ଓ ମହିଳା ଘରକୁ ଫେରୁଥିଲେ । ରସୁଲଗଡ଼ ଛକ ନିକଟରେ ଜଣେ ଯୁବକ ଜାଣିଶୁଣି ଯୁବତୀଙ୍କୁ ବାଇକ୍‌ରେ ଧକ୍କା ଦେଇଥିଲା । ଯୁବତୀ ପ୍ରତିବାଦ କରିବାରୁ ଯୁବକ ଜଣଙ୍କ ବାଇକ୍‌ରୁ ଓହ୍ଲାଇ ଯୁବତୀଙ୍କ ସମ୍ବେଦନଶୀଳ ଅଙ୍ଗକୁ ଛୁଇଁବା ସହ ତାଙ୍କୁ ସେହିଠାରେ ମାଡି ବସିଥିଲା । ଏହା ଦେଖି ବାଟରେ ଯାଉଥିବା ଅନ୍ୟ ଯୁବତୀମାନେ ଭୟରେ ଧାଇଁ ପଳାଇ ଥିଲେ । ସେପଟେ ଯୁବତୀ ଜଣଙ୍କ କୌଶଳକ୍ରମେ ଯୁବକ କବଳରୁ ଖସି ଯାଇ ପାଲାମଣ୍ଡପ ନିକଟରେ ଥିବା ଏକ ମନ୍ଦିର ଭିତରେ ପଶି ଯାଇଥିଲେ । ହେଲେ ଯୁବକ ଜଣଙ୍କ ମନ୍ଦିର ଭିତରେ ପଶି ଯୁବତୀଙ୍କୁ ଅସଦାଚରଣ କରିବା ସହ ଆକ୍ରମଣ କରି ରକ୍ତାକ୍ତ କରିଦେଇଥିଲା । ଦୀର୍ଘ ୧୫ ମିନିଟ୍‌ରୁ ଅଧିକ ସମୟ ଧରି ଯୁବତୀଙ୍କୁ ଦୁର୍ବ୍ୟବହାର କରିଥିଲା । ଯୁବତୀ ଜଣଙ୍କ ଚିତ୍କାର କରୁଥିଲେ । ହେଲେ କେହି ତାଙ୍କୁ ଉଦ୍ଧାର କରୁନଥିଲେ । ଅନ୍ୟ ଜଣେ ଯୁବତୀ ପୁଲିସ୍‌କୁ ଫୋନ କରିଥିଲେ । ପିସିଆର ୨୦ ମିନିଟ୍‌ ପରେ ଘଟଣାସ୍ଥଳରେ ପହଞ୍ଚିଲା । ସେତେବେଳେକୁ ଅଭିଯୁକ୍ତ ଜଣଙ୍କ ସେଠାରୁ ଚମ୍ପଟ ମାରିସାରିଥିଲା ।

ପୁଲିସ୍‌ ସ୍ଥାନୀୟ ଲୋକଙ୍କୁ ପଚରା ଉଚରା ପରେ ଜାଣିବାକୁ ପାଇଲା ଯେ ଯୁବକ ଜଣଙ୍କ ରସୁଲଗଡ଼ ଅଞ୍ଚଳର । ତେବେ ପୁଲିସ୍‌ ଯୁବତୀଙ୍କୁ ସହଯୋଗ କରିବା ବଦଳରେ ଆଇନର ପାଠ ପଢ଼ାଇଥିଲା । ଏମିତି କେସ୍‌ କଲେ ଜୀବନ ବରବାଦ ହେବ ଚାକିରି ଚାଲିଯିବ । ରହିବାକୁ ହଷ୍ଟେଲ୍‌ ମିଳିବ ନାହିଁ… । ଥାନାକୁ ଆସ ବୁଝାସୁଝା କରିବା । ହେଲେ ଯୁବତୀ ଜଣଙ୍କ ପୁଲିସ କଥାରେ ରାଜି ହୋଇ ନଥିଲେ । ଥାନାରେ ଏତଲା ଦେଇଥିଲେ । ମାତ୍ର ପୁଲିସ୍‌ ଠାରୁ କୌଣସି ସହଯୋଗ ନମିଳିବାରୁ ସେ ଭୟରେ ଘରକୁ ଚାଲି ଯାଇଥିଲେ । ତେବେ ଏ ବିଷୟରେ ଜୋନ୍‌ ଏସିପି ଓ ଥାନା ଆଇଆଇସି ମୁହଁ ଖୋଲିବାକୁ ନାରାଜ । ଆଶ୍ଚର୍ଯ୍ୟ କଥା ହେଉଛି ଏତେ ବଡ଼ ଘଟଣା ସଂପର୍କରେ ଥାନା ଅଧିକାରୀ କମିଶନର କି ଡିସିପିଙ୍କୁ ବି ଜଣାଇ ନାହାନ୍ତି । ଏନେଇ ରସୁଲଗଡ଼ ଛକରେ ଥିବା ବ୍ୟବସାୟୀମାନେ କହିଛନ୍ତି, କିଛି ଯୁବକ ସବୁବେଳେ ଯୁବତୀଙ୍କୁ ଅଶ୍ଳୀଳ ଇଙ୍ଗୀତ କରିବା ସହ ଅସଦାଚରଣ କରୁଛନ୍ତି । ହେଲେ ଲୋକ ଲଜ୍ୟା ଭୟରେ କେହି ଥାନାରେ ଏତଲା ଦେଉ ନାହାନ୍ତି ।

   Related Posts