ପାଟଣା ୧୨।୧୦: ମାଛ ଧରିବାକୁ ଯାଇ ନଦୀରେ ଭାସି ଯୁବକ ନିଖୋଜ ଘଟଣା । ଏବେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକ କପୁଣ୍ଡି ଗ୍ରାମର ସହଦେବ ବିଶୋଇ । କେନ୍ଦୁଝର ଜିଲ୍ଲା ପାଟଣା ଥାନା କପୁଣ୍ଡି ଗାଁ ନିକଟ ବୈତରଣୀ ନଦୀରେ ଘଟିଛି ଘଟଣା ।
ଖବର ଅନୁଯାୟୀ, ସହଦେଵ ନିଜ ସାଙ୍ଗ ସହ ବୈତରଣୀ ନଦୀରେ ମାଛ ମାରୁଥିବା ସମୟ ରେ ଭାସିଯାଇ ନିଖୋଜ ହୋଇଯାଇଥିଲେ। ଖବର ପାଇ ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟ ଜାରି ରଖିଥିଲେ । ତେବେ ନିଖୋଜ ସ୍ଥାନର କିଛି ଦୂରରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି। ପୋଲିସ ମୃତଦେହକୁ ଜବତ କରି ବ୍ୟବଛେଦ ପାଇଁ ପାଟଣା ମେଡିକାଲକୁ ପଠାଇଛି।
