ଟାଙ୍ଗୀ୨୦/୧୨: ଜଗା-ବଳିଆ ଲଜ୍ରୁ ଯୁବକଙ୍କ ମୃତଦେହ ଉଦ୍ଧାର। ମୃତ ବ୍ୟକ୍ତି ହେଲେ ଆନ୍ଧ୍ର ପ୍ରଦେଶ ରାଜ୍ୟର ଶ୍ରୀକାକୁଲମ୍ ଜିଲ୍ଲାର କୋଣ୍ଡିଭେଦି, ଆର୍-ବେଲଗାମ୍ ଅଞ୍ଚଳର ଦୁପାନା ତୁଲସିଦାସ୍ ବୋଲି ଜଣାପଡିଛି । ଏହି ଘଟଣାରେ ଟାଙ୍ଗୀ ଥାନା ପୋଲିସ ଏବଂ ଚିଲିକା ତହସିଲଦାର ଘଟଣାସ୍ଥଳରେ ପହଞ୍ଚିଥିଲେ। ସେମାନଙ୍କ ଉପସ୍ଥିତିରେ ବନ୍ଦ ରୁମର କବାଟ ଭାଙ୍ଗି ମୃତଦେହ ଉଦ୍ଧାର କରାଯାଇଛି।
ବର୍ତ୍ତମାନ ସୁଦ୍ଧା ମୃତ୍ୟୁ ର କାରଣ ଜଣାପଡି ନାହିଁ। ମିଳିଥିବା ସୂଚନା ମୁତାବକ, ଦୀର୍ଘ୫ ଦିନ ଧରି ବ୍ୟକ୍ତି ଜଣଙ୍କ ଏଠାରେ ରୁମ୍ ଭଡା ନେଇ ରହୁଥିଲେ। ସୂଚନାଥାଉକି ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା କାଳୁପଡାଘାଟରେ ଜଗା-ବଳିଆ ଲଜ୍ ରହିଛି । ବେଆଇନ ଭାବେ ଦୀର୍ଘ ୮/୧୦ ବର୍ଷ ଧରି ଏହି ଲଜ୍ ଚାଲିଥିବା ଅଭିଯୋଗ ହୋଇଛି । ଲଜର କୌଣସି ପଞ୍ଜିକୃତ ନମ୍ବର ନଥିବା ମଧ୍ୟ ଅଭିଯୋଗ ହୋଇଛି। ଏହି ମୃତ୍ୟୁ ଘଟଣାରେ ଲଜ୍ ମାଲିକଙ୍କୁ ପୋଲିସ ଅଟକ ରଖି ପଚରାଉଚରା କରୁଛି।
