ନୂଆଦିଲ୍ଲୀ ୦୫/୦୯ : ରାଜ୍ୟରେ ବିଜେପି କ୍ଷମତାକୁ ଆସିବାକୁ କାର୍ଯ୍ୟକର୍ତ୍ତାଙ୍କୁ ୫ ମନ୍ତ୍ର ଦେଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଏହା ସହ ରାଜ୍ୟ ସରକାରଙ୍କ ପ୍ରତି କଡା ଆଭିମୁଖ୍ୟ ରଖିଛନ୍ତି ରାଷ୍ଟ୍ରୀୟ ଅଧ୍ୟକ୍ଷ । ଭର୍ଚୁଆଲ କାଯ୍ୟକାରିଣୀରେ ବିଜେପି ଆକ୍ଷେପ କରିଛି କୋଭିଡ ପରିଚାଳନା ଠାରୁ ବନ୍ୟା ପରିଚାଳନା ସବୁଥିରେ ରାଜ୍ୟ ସରକାର ଫେଲ ମାରିଛନ୍ତି। ଏହା ସହିତ ଆବାସ ଯୋଜନା ଆଦି ପ୍ରସଙ୍ଗକୁ ନେଇ ରାଜନୈତିକ ଚିଠା ପ୍ରସ୍ତାବ ଗ୍ରହଣ କରିଛି । ଆସନ୍ତା ତିନି ମାସରେ ଦଳ ଏସବୁ ପ୍ରସଙ୍ଗରେ ଆନ୍ଦୋଳନକୁ ଓହ୍ଲାଇବ ବୋଲି ନିଷ୍ପତ୍ତି ନେଇଛି ।
୨୦୨୪ ନିର୍ବାଚନରେ ରାଜ୍ୟରେ ସରକାର ଗଢିବ ବିଜେପି । ଏଭଳି ଆହ୍ବାନ ଦେଇ ବିଜେପି କର୍ମକର୍ତ୍ତାଙ୍କୁ ୫ ମନ୍ତ୍ର ଦେଇଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା। ରାଜ୍ୟ ବିଜେପିର ପ୍ରଥମ ଭର୍ଚୁଆଲ କାଯ୍ୟକାରିଣୀରେ କର୍ମକର୍ତ୍ତାଙ୍କୁ ନିଜର ପ୍ରଭାବ ଏବଂ ଦକ୍ଷତା ବଢ଼ାଇବାକୁ ପରାମର୍ଶ ଦେଇଛନ୍ତି। ୨୦୧୪ରେ ବିଜେପିକୁ ୨୧%, ଏଥର ଲୋକସଭା ନିର୍ବାଚନରେ ବିଜେପିକୁ ରାଜ୍ୟରେ ୩୮% ଭୋଟ ମିଳିଥିଲା। ଆଗାମୀ ନିର୍ବାଚନରେ ଏହାକୁ ୫୦% ଉପରକୁ ନେବାକୁ ସଂକଳ୍ପ ନେବା ଲାଗି ସେ ଆହ୍ବାନ ଦେଇଥିଲେ । ସେହିପରି ଏହି କାର୍ଯକାରିଣୀକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ସମ୍ବୋଧନ କରିଥିଲେ ।
ରାଜ୍ୟ କାର୍ଯ୍ୟକାରିଣୀରେ ରାଜନୈତିକ ଚିଠା ପ୍ରସ୍ତାବ ଗ୍ରହଣ କରିଛି ବିଜେପି । ରାଜ୍ୟ ସରକାରୀଙ୍କ ବିଭିନ୍ନ ପ୍ରସଙ୍ଗରେ ଆକ୍ଷେପ କରିଛି। କୋଭିଡ୍ ପରିଚାଳନା ଓ ବନ୍ୟା ପରିଚାଳନାରେ ରାଜ୍ୟ ସରକାର ବିଫଳ ହୋଇଥିବା କହିଛି । ସେହିପରି ପ୍ରବାସୀଙ୍କୁ କାମ ନମିଳିବା, ଆବାସ ଯୋଜନାରେ ଅନିୟମିତତା, ବଗଲା ଧର୍ମଶାଳା , ନାରୀ ନିର୍ଯାତନା ଓ ଆଇନ ଶୃଙ୍ଖଳା ପ୍ରସଙ୍ଗକୁ ନେଇ ବିଜେପି ଆନ୍ଦୋଳନକୁ ଓହ୍ଲାଇବାକୁ ରୋଡ ମ୍ୟାପ ପ୍ରସ୍ତୁତ କରିଛି । ଏହା ସହ କେନ୍ଦ୍ର ସରକାରଙ୍କ ସଫଳତାକୁ ନେଇ ରାଜ୍ୟ କାଯ୍ୟକାରିଣୀରେ ଧନ୍ୟବାଦ ପ୍ରସ୍ତାବ ପାରିତ କରିଛି ଦଳ ।
ଭର୍ଚୁଆଲ କାର୍ଯ୍ୟକାରିଣୀରେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡ଼ଙ୍ଗୀ, ରାଜ୍ୟ ପ୍ରଭାରୀ ଅରୁଣ ସିଂହ ଓ ସୈଦାନ ସିଂହ ପ୍ରମ୍ମୁଖ ଉପସ୍ଥିତ ଥିବାବେଳେ ଭିଡିଓ କନଫରେନ୍ସ ଯୋଗେ ୩୦୦ ରୁ ଅଧିକ ସଦସ୍ୟ ସାମିଲ ହୋଇଥିଲେ।
