Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

‘ଘରେ ସମସ୍ତଙ୍କୁ କରୋନା, ଗଲାଣି ଦୁଇ ଜୀବନ…ଶବ ଉଠାଇବାକୁ ଆସିଲେନି କେହି’…ସାମ୍ବାଦିକଙ୍କ ଭିଡିଓ ଭାଇରଲ୍‌

10/06/2020 at 11:48 AM

ନୂଆଦିଲ୍ଲୀ ୧୦।୦୬ : ମନୁଷ୍ୟ ପରିସ୍ଥିତିର ଦାସ । ଏହି ପଙକ୍ତି ଅନେକ ଦାର୍ଶନିକଙ୍କ ମୁହଁରୁ ଶୁଣିବାକୁ ମିଳେ । କିନ୍ତୁ ଯେତେବେଳେ ନିଜ ସହ ଏଭଳି କିଛି ବିତେ ସେତେବେଳେ ମନୋବଳ ଭାଙ୍ଗିଯାଏ । ହୃଦୟ ଫାଟିଯାଏ । ବୁଦ୍ଧିବାଟ ଦେଖାଯାଏ ନାହିଁ । କରୋନା ଭୂତାଣୁ ବା କୋଭିଡ୍‌-୧୯ ଏଭଳି ଅନେକ ପରିବାରରେ କୋହ ଭରିଦେଇଛି । ଲକ୍ଷ ଲକ୍ଷ ପରିବାରରେ ଶୋକର ଛାୟା । ଭାରତର ରାଜଧାନୀ ଦିଲ୍ଲୀରେ ଏବେ କରୋନା ତାଣ୍ଡବଲୀଳା କରୁଛି । ଗୋଟିଏ ଗୋଟିଏ ପରିବାର ଧ୍ୱଂସ ହୋଇଯାଉଛି । ଅଜୟ ଝା ନାମକ ଜଣେ ସାମ୍ବାଦିକଙ୍କ ପୁରା ପରିବାର କରୋନା ଆକ୍ରାନ୍ତ । ଗତ ୧୦ ଦିନରେ ତାଙ୍କର ଦୁଇ ଜଣ ସମ୍ପର୍କୀୟଙ୍କ କରୋନାରେ ମୃତ୍ୟୁ ଘଟିଛି । ସୋସିଆଲ ମିଡିଆରେ ସାମ୍ବାଦିକ ଜଣକ ଅତି କୋହଭରା ଭିଡିଓ ସେୟାର କରିଛନ୍ତି । ତାଙ୍କର ଏହି ଭିଡିଓକୁ କଂଗ୍ରେସ ସାଂସଦ ରାହୁଲ ଗାନ୍ଧୀ ବି ସେୟାର କରିଛନ୍ତି ଏବଂ ସହାୟତାର ହାତ ବଢ଼ାଇବା ପାଇଁ ପ୍ରତିଶ୍ରୁତି ଦେଇଛନ୍ତି ।

ନିଜ ଭିଡ଼ିଓରେ ଅଜୟ ଝା କହିଛନ୍ତି ଯେ, ମୋ ଘରେ ସମସ୍ତେ କରୋନା ପଜିଟିଭ୍‌ । ଗତ ୧୦ ଦିନରେ ଦୁଇ ଜଣଙ୍କ ଶବ ଉଠିଲାଣି । ପ୍ରଥମେ ଶ୍ୱଶୁର ଏବଂ ଏହାର ଦୁଇ ଦିନ ପରେ ଶାଶୁ ଶେଷ ନିଃଶ୍ୱାସ ତ୍ୟାଗ କଲେ । ଅତି କଷ୍ଟରେ ଜୀବନ ବିତୁଛି । ଶାଶୁ ଶ୍ୱଶୁରଙ୍କ ମୃତଦେହ ପଡି ରହିଲା, କେହି ଉଠାଇଲେନି । ଆମ୍ବୁଲାନ୍ସ ଆସି ଫେରିଗଲା । ସମସ୍ତେ ପରସ୍ପର ଉପରେ ଦାୟିତ୍ୱ ଫୋପାଡୁଛନ୍ତି । ଅରବିନ୍ଦ କେଜରିୱାଲ ସରକାର ଦାବି କରୁଛି ଯେ ସବୁକିଛି ସୁବିଧା ଅଛି କିନ୍ତୁ ସତ କଥା ହେଉଛି କିଛି ନାହିଁ । ଲୋକଙ୍କୁ କେବଳ ଭଗବାନ ଭରସା ବୋଲି କହିଛନ୍ତି ଅଜୟ । ସେ ଆହୁରି କହିଛନ୍ତି ଯେ, ତାଙ୍କ ପରିବାର ଅତି କଷ୍ଟରେ ଅଛି । ତାଙ୍କର ଦୁଇ ଦୁଇଟି ଛୋଟ ଛୁଆ ଅଛନ୍ତି, ଯେଉଁମାନଙ୍କ ଆଖିରେ ଲୁହ ଝରୁଛି । ମା’ ବାପାଙ୍କୁ ହରାଇ ପତ୍ନୀ ଭାଙ୍ଗି ପଡିଛି । ସାହସ ଜୁଟାଇଲେ ବି ଜୁଟାଇ ପାରୁନାହିଁ । ସରକାରଙ୍କଠାରୁ ସାହାଯ୍ୟ ଲୋଡୁଛି । ଏହି ଭିଡିଓ ଶୁଣି ସାହାଯ୍ୟର ହାତ ଆସିବ ବୋଲି ଆଶା ରଖିଛନ୍ତି ଅଜୟ ।

   Related Posts