Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ସାମ୍ବାଦିକଙ୍କ ଉପରେ ଆକ୍ରମଣ ବଢୁଛି, ଆକ୍ରମଣକାରୀଙ୍କ ବିରୋଧରେ ପୋଲିସ ଲଗାଉଛି କୋହଳ ଦଫା

2/02/2019 at 6:39 PM

ଭୁବନେଶ୍ବର୨|୧: ଦିନକୁ ଦିନ ରାଜ୍ୟରେ କାର୍ଯ୍ୟରତ ସାମ୍ବାଦିକଙ୍କ ଉପରେ ବଢି ଚାଲିଛି ଆକ୍ରମଣ । କେତେବେଳେ ଖବର ସଂଗ୍ରହ ପାଇଁ ଯିବାବେଳେ ତ ଆଉ କେତେବେଳେ ଅନ୍ୟାୟକୁ ପ୍ରତିବାଦ କଲାବେଳେ । ହେଲେ ନା ଆକ୍ରମଣକାରୀଙ୍କ ଉପରେ ତ୍ବରିତ୍ କାର୍ଯ୍ୟାନୁଷ୍ଠାନ ହେଉଛି ନା ସାମ୍ବାଦିକଙ୍କ ସୁରକ୍ଷା ପାଇଁ ସରକାର କୌଣସି ନିର୍ଦ୍ଧିଷ୍ଟ  ଆଇନକାନନୁ ବ୍ୟବସ୍ଥା ଅଛି । ଚତୁର୍ଥ ସ୍ତମ୍ଭ ଭାବେ ଗଣତନ୍ତ୍ରକୁ ଧରି ରଖିବାରେ ପ୍ରମୁଖ ଭୂମିକା ନିଭାଉଥିବା ଗଣମାଧ୍ୟମ ଉପରେ ଆକ୍ରମଣକୁ ସାଧାରଣ ଲୋକେ ନିନ୍ଦା କରୁଥିବା ବେଳେ  ରାଜନେତାମାନେ ଏନେଇ ମୁହଁ ନଖୋଲିବା ଉଦ୍‌ବେଗର ବିଷୟ ହୋଇଛି । ….

ପୁରୀରେ ପଟ୍ଟାମୁଣ୍ଡାଇ, ଭୁବନେଶ୍ବରରୁ ପାରାଦୀପ । ବିପଦରେ ଗଣତନ୍ତ୍ରର ଚତୁର୍ଥ ସ୍ତମ୍ଭ । ସବୁଠି ରାଜ୍ୟର କାର୍ଯ୍ୟରତ  ସାମ୍ବାଦିକଙ୍କ ଉପରେ ଆକ୍ରମଣ । କେତେବେଳେ ନିଜ କର୍ତ୍ତବ୍ୟ ସମ୍ପାଦନ ପାଇଁ ଯାଇଥିବା ସାମ୍ବାଦିକଙ୍କ ଉପରେ ଆକ୍ରମଣ ହେଲାଣି ତ ଆଉ କେଉଁଠି ଅନ୍ୟାୟକୁ ବିରୋଧ କରିବାରୁ ଟାର୍ଗେଟ୍‌ କରାଯାଉଛି ।  

ରାସ୍ତା ଦୁର୍ଘଟଣାର ଖବର ସଂଗ୍ରହ କରୁଥିବା ବେଳେ ଗତକାଲି ପ୍ରମେୟର ପ୍ରତିନିଧି ବିକ୍ରମ ଆଚାର୍ଯ୍ୟଙ୍କୁ ମରଣାନ୍ତକ ଆକ୍ରମଣ କରିଛନ୍ତି ଦୁର୍ବୃତ୍ତ । ସେହିଭଳି କିଛି ଦିନ ତଳେ ରାଜଧାନୀର ଏକ ସିନେମା  ହଲ୍‌ରେ ଗୁଣ୍ଡାମି କରୁଥିବା କିଛି ଛାତ୍ରଙ୍କୁ ବିରୋଧ କରିବାରୁ ପ୍ରମେୟର ସାମ୍ବାଦିକକୁ ମରଣାନ୍ତକ ଆକ୍ରମଣ ହୋଇଥିଲା ।

ନିକଟରେ  ପଟ୍ଟାମୁଣ୍ଡାଇ, ପାରାଦୀପରେ ମଧ୍ୟ ସାମ୍ବାଦିକଙ୍କ ଉପରେ ଆକ୍ରମଣ ଘଟଣା ସାମ୍ନାକୁ ଆସିଛି ।  ସାମ୍ବାଦିକଙ୍କ ଉପରେ  ଆକ୍ରମଣ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି । ପୋଲିସକୁ ଏତଲା ଦିଆଗଲେ ବି ଅନେକ ସମୟରେ ଏତଲା ରଖୁନାହିଁ ପୋଲିସ । ଆଉ କୋଉଠି ଅଦୃଶ୍ୟ ଚାପରେ ପୋଲିସ ଅପରାଧୀଙ୍କୁ ଧରୁନି ତ ଆଉ କେଉଁଠି ଧର୍ମକୁ ଆଖିଠାର ମାରିବା ଭଳି ଅପରାଧୀଙ୍କୁ ଧରି ଛାଡ଼ି ଦେଉଛି ।  ଏଭଳି ଘଟଣାକୁ ନିନ୍ଦା କରିବା ସହ ସୁରକ୍ଷା ପାଇଁ ପୋଲିସ ମହାନିର୍ଦ୍ଦେଶକଙ୍କ ହସ୍ତକ୍ଷେପ ଲୋଡ଼ିଛନ୍ତି ସାମ୍ବାଦିକମାନେ ।

ପୁରୀ ଘଟଣାରେ ୨ ଜଣଙ୍କୁ ଅଟକ ରଖିଛି ପୋଲିସ ।  ସେହିଭଳି ପଟ୍ଟାମୁଣ୍ଡାଇ ସାମ୍ବାଦିକଙ୍କୁ ଆକ୍ରମଣ ଘଟଣାରେ ଜଣେ ଅଭିଯୁକ୍ତକୁ ଗିରଫ କରାଯାଇଛି । ତେବେ ମହାରାଜା  ସିନେମା ହଲ୍‌ ଘଟଣାରେ ଗିରଫ ହୋଇଥିବା ଦୁର୍ବୃତ୍ତଙ୍କ ଉପରେ ପୋଲିସ ଏମିତି କୋହଳ ଦଫା ଲଗାଇଲା ଯେ ସେମାନଙ୍କୁ ସଙ୍ଗେ ସଙ୍ଗେ ଜାମିନ୍‌ ମିଳିଗଲା ।  କେବଳ ସେତିକି ନୁହେଁ ସାମ୍ବାଦିକଙ୍କ ଉପରେ ଆକ୍ରମଣ ବଢ଼ୁଥିବା ବେଳେ ରାଜ୍ୟ ସରକାର ବି ସେମାନଙ୍କ ସୁରକ୍ଷା ଦିଗରେ କୌଣସି ପଦକ୍ଷେପ ନେଉନାହାନ୍ତି । ରାଜନୈତିକ ବ୍ୟକ୍ତି ପଦୁଟିଏ ମୁହଁ ଖୋଲୁନାହାନ୍ତି । ଏପରିକି କୌଣସି ରାଜନୈତିକ ଦଳ ସେମାନଙ୍କ ମ୍ୟାନିଫେଷ୍ଟୋରେ ସାମ୍ବାଦିକଙ୍କ ସୁରକ୍ଷା ନେଇ ଧାଡିଟିଏ ହେଲେ ରଖୁ ନାହାନ୍ତି ।

ସାଧାରଣ ଲୋକଙ୍କ ଅଧିକାର ପାଇଁ ଦିନରାତି ଲଢ଼ୁଥିବା ସାମ୍ବାଦିକମାନେ ନିଜ କର୍ତ୍ତବ୍ୟ ପଥରେ ଏଭଳି ଆକ୍ରମଣର ଶିକାର ହେଉଛନ୍ତି । ହେଲେ  ସାମ୍ବାଦିକଙ୍କ ସୁରକ୍ଷା ପାଇଁ ଯେମିତି କାହାରି କିଛି କର୍ତବ୍ୟ ନାହିଁ । ନାଁ ରାଜନୈତିକ ବ୍ୟକ୍ତି ବିଶେଷ ଏଥି ପ୍ରତି ଧ୍ୟାନ ଦେଉଛନ୍ତି ନା’ ପୋଲିସ ପ୍ରଶାସନର ସୁରକ୍ଷା ମିଳୁଛି । ଏମିତିରେ ଯେଉଁମାନେ ଗଣମାଧ୍ୟମର କଣ୍ଠରୋଧ କରିବାକୁ ଭାବୁଛନ୍ତି, ସେମାନେ ଜାଣିବା ଦରକାର ବିନା ଗଣମାଧ୍ୟମରେ ଗଣତନ୍ତ୍ରର ସ୍ଥିତି କ’ଣ ? ଏବଂ ସମାଜିକ ସ୍ଥିତି କ’ଣ ?

   Related Posts