Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ଦୁର୍ଘଟଣାଗ୍ରସ୍ତ ବାୟୁସେନା ବିମାନ ଏଏନ୍-୩୨ ନିକଟରେ ପହଞ୍ଚିଲେ ଉଦ୍ଧାରକାରୀ ଦଳ

12/06/2019 at 7:10 PM

ଇଟାନଗର ୧୨।୬:  ବାୟୁସେନା ବିମାନ ଏଏନ-୩୨ର ଭଗ୍ନାବଶେଷ ମିଳିବା ପରେ ବୁଧବାର ସେଠାକୁ ଉଦ୍ଧାରକାରୀ ଦଳ ପହଞ୍ଚିଛନ୍ତି। ଲିପୋ ପାର୍ବତ୍ୟମାଳାର ଉତ୍ତରଦିଗରେ ପ୍ରାୟ ୧୬ କିଲୋମିଟର ଦୂରରେ ବିମାନର ଭଗ୍ନାବଶେଷ ଠାବ ହୋଇଛି। ୱିଙ୍ଗ କମାଣ୍ଡର ରତ୍ନାକର ସିଂହଙ୍କ ସୂଚନା ଅନୁସାରେ ମଙ୍ଗଳବାର ବାୟୁସେନା ଦୁର୍ଘଟଣାଗ୍ରସ୍ତ ବିମାନକୁ ଠାବ କରିବା ପରଠାରୁ ସେଠାରେ ପହଞ୍ଚିବାକୁ ଉଦ୍ୟମ ଜାରି ରହିଛି। ବାୟୁସେନା, ସ୍ଥଳସେନା ଓ ପର୍ବତାରୋହୀଙ୍କ ଏକ ମିଳିତ ଟିମକୁ ଦୁର୍ଘଟଣାସ୍ଥଳ ନିକଟରେ ଏୟାର ଡ୍ରପ କରାଯାଇଛି।

ୱିଙ୍ଗକମାଣ୍ଡର ସିଂହଙ୍କ ସୂଚନା ଅନୁସାରେ ଭାରତୀୟ ବାୟୁସେନାର ୯ ଓ ସେନାର ୪ ଜଣ ପର୍ବତାରୋହୀଙ୍କୁ  ସମସ୍ତ ଉପକରଣ ସହ ଘଟଣାସ୍ଥଳକୁ ପଠାଯାଇଥିବା ବେଳେ ସେମାନଙ୍କୁ ବାଟ କଢେଇ ନେବାକୁ ୨ ଜଣ ସ୍ଥାନୀୟ ନାଗରିକଙ୍କୁ ମଧ୍ୟ ପଠାଯାଇଛି। ଏମାନଙ୍କ ମଧ୍ୟରୁ କେତେଜଣ ଦୁର୍ଘଟଣାସ୍ଥଳରେ ପହଞ୍ଚି ସାରିଥିବା ବେଳେ ଅନ୍ୟମାନେ ପାହାଡରେ ଟ୍ରେକିଂ କରୁଥିବା ସିଂହ କହିଛନ୍ତି।

ମଙ୍ଗଳବାର ବିମାନର ଦୁର୍ଘଟଣାସ୍ଥଳ ଚିହ୍ନଟ ପରେ ସେନା ସେଠାରେ ଆଡଭାନ୍ସଡ ଲାଇଟ୍ ହେଲିକପ୍ଟର ଓହ୍ଳାଇବାକୁ ଉଦ୍ୟମ କରିଥିଲା। ତେବେ ଘଞ୍ଚ ଜଙ୍ଗଲ ଯୋଗୁ ତାହା ସମ୍ଭବ ହୋଇପାରିନଥିଲା। ଗତ ୩ ତାରିଖ ଦିନ ଦୁର୍ଘଟଣାଗ୍ରସ୍ତ ବିମାନଟି ଆସାମ ଜୋରହାଟରୁ ଅଋଣାଚଳପ୍ରଦେଶର ଆଡଭାନ୍ସ ଲ୍ୟାଣ୍ଡିଂ ଗ୍ରାଉଣ୍ଡ ମେଚୁକା ଅଭିମୁଖେ ଉଡାଣ କରିଥିଲା। ମାତ୍ର ୨୫ ମିନିଟର ଉଡାଣ ପରେ ଗ୍ରାଉଣ୍ଡ କଣ୍ଟ୍ରୋଲ ସହ ବିମାନର ସମ୍ପର୍କ ବିଛିନ୍ନ ହୋଇଥିଲା। ତା ପରଠାରୁ ବାୟୁସେନା ନିଖୋଜ ବିମାନର ସନ୍ଧାନ ପାଇଁ ଅନେକ ଉଦ୍ୟମ କରି ବିଫଳ ହୋଇଥିଲା।  

   Related Posts