Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜୋ ବିଡେନ୍ ହେଲେ ଡେମୋକ୍ରାଟିକ୍ ପାର୍ଟିର ରାଷ୍ଟ୍ରପତି ପ୍ରାର୍ଥୀ, ୫୦ ରାଜ୍ୟରୁ ଅନଲାଇନ୍ ଭୋଟ୍ ରେ ମିଳିଲା ଜବରଦସ୍ତ ସମର୍ଥନ, ‘ମ୍ୟାନ୍ ଅଫ୍ କରେଜ’ କହିଲେ- ‘ଏହା ମୋ ପାଇଁ ବଡ ସମ୍ମାନ’

19/08/2020 at 3:01 PM

ଓ୍ବାଶିଂଟନ୍ ୧୯।୮: ଡେମୋକ୍ରାଟିକ୍ ପାର୍ଟି ମଙ୍ଗଳବାର ରାତିରେ ଔପଚାରିକ ଭାବେ ଜୋ ବିଡେନ୍ ଙ୍କୁ ଆଗାମୀ ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛନ୍ତି । ନଭେମ୍ବର ୩ ତାରିଖରେ ହେବା ହେବାକୁ ଥିବା ନିର୍ବାଚନରେ ରିପବ୍ଲିକାନ୍ ପାର୍ଟିର ପ୍ରାର୍ଥୀ ଏବଂ ବର୍ତ୍ତମାନର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ତାଙ୍କର ମୁକାବିଲା ହେବ । ପାର୍ଟି ପକ୍ଷରୁ ପ୍ରାର୍ଥୀ ଚୟନ ପରେ ଜୋ ବିଡେନ୍ କହିଥିଲେ ଯେ, ଡେମୋକ୍ରାଟିକ୍ ପାର୍ଟି ପକ୍ଷରୁ ନାମାଙ୍କନ ସ୍ବୀକାର କରିବା ମୋ ଜୀବନର ସମ୍ମାନ ଅଟେ । ନିଜ ରାଜନୈତିକ କ୍ୟାରିୟରରେ ଡେମୋକ୍ରାଟିକ୍ ପାର୍ଟି ପକ୍ଷରୁ ପ୍ରାର୍ଥୀ ଚୟନ କରାଯିବା ଜୋ ବିଡେନ୍ ଙ୍କ ପାଇଁ ଏପର୍ଯ୍ୟନ୍ତର ସବୁଠୁ ବଡ ଉପଲବ୍ଧି ।

ବିଡେନ୍ ଟ୍ବିଟ୍ କରି କହିଛନ୍ତି ଯେ, ‘ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ପଦ ପାଇଁ ଡେମୋକ୍ରାଟିକ୍ ପାର୍ଟିର ନାମାଙ୍କନକୁ ସ୍ବୀକାର କରିବା ମୋ ଜୀବନର ସମ୍ମାନ ।’ ୫୦ ରାଜ୍ୟରୁ ଅନଲାଇନ୍ ଭୋଟ୍ ରେ ମିଳିଛି ଜବରଦସ୍ତ ସମର୍ଥନ । ପ୍ରାଇମେରୀ ବେଳେ ବିଡେନଙ୍କୁ ୨,୬୮୭ ପ୍ରତିନିଧୀଙ୍କ ସମର୍ଥନ ମିଳିଥିଲା । ଯାହା ତାଙ୍କର ନିକଟତମ ପ୍ରତିଦ୍ବନ୍ଦ୍ବୀ ବର୍ଣ୍ଣି ସେଡର୍ସଙ୍କୁ ମିଳିଥିବା ସମର୍ଥନର ଦୁଇ ଗୁଣା । ସେଡର୍ସଙ୍କୁ ୧୦୭୩ ପ୍ରତିନିଧିଙ୍କ ସମର୍ଥନ ମିଳିଛି ।

ଡେମୋକ୍ରାଟିକ୍ ନ୍ୟାସନାଲ କନଭେନସନର ଦ୍ବିତୀୟ ଦିନ ନାମାଙ୍କନ ହୋଇଥିଲା । ଯେଉଁଥିରେ ପୂର୍ବତନ ଏବଂ ବର୍ତ୍ତମାନର ଡେମୋକ୍ରାଟିକ୍ ନେତା ଏବଂ ସ୍ପିକର ବିଡେନଙ୍କୁ ନିଜ ସମର୍ଥନ ଦେଇଥିଲେ । ବିଡେନ୍ ଏକ ଲାଇଭ୍ ଓ୍ବେବକାଷ୍ଟରେ କହିଥିଲେ ଯେ, ଆପଣ ସମସ୍ତଙ୍କୁ ଧନ୍ୟବାଦ, ଏହା ମୋର ଏବଂ ମୋ ପରିବାର ପାଇଁ କୌଣସି ବିଶ୍ବ ଭଳି ହେବା ଉଚିତ୍ । ଆପଣ ସମସ୍ତଙ୍କୁ ଗୁରୁବାର ଦିନ ଭେଟିବି ।

   Related Posts