Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ବିଜୟ ଆଡକୁ ଅଗ୍ରସର ଜୋ ବାଇଡେନ, ଜୋରଦାର ହେଲା ବିରୋଧ ପ୍ରଦର୍ଶନ, ହିଂସା ଆଶଙ୍କାରେ ସାରା ଦେଶରେ ବ୍ୟାପକ ସୁରକ୍ଷା ବ୍ୟବସ୍ଥା

5/11/2020 at 6:21 PM

ନୂଆଦିଲ୍ଲୀ ୦୫/୧୧ : ସାରା ବିଶ୍ବର ନଜର ଏବେ ଆମେରିକା ଉପରେ । କିଏ ହେବ ଆମେରିକାର ନୂଆ ରାଷ୍ଟ୍ରପତି, ତାକୁ ନେଇ ଏବେବି ସସପେନ୍ସ ଲାଗିରହିଛି । ଡେମୋକ୍ରାଟିକ ପାର୍ଟି ପ୍ରାର୍ଥୀ ଜୋ ବାଇେଡନଙ୍କ ପଲ୍ଲା ଏବେ ବି ଭାରି ରହିଛି । ରାଷ୍ଟ୍ରପତି ଭାବେ ନିର୍ବାଚିତ ହେବା ପାଇଁ ୨୭୦ ଇଲେକ୍ଟୋରାଲ ଭୋଟ ଆବଶ୍ୟକ ଥିବା ବେଳେ ମାତ୍ର ୬ଟି ଭୋଟ ଦୂରରେ ଅଛନ୍ତି ଜୋ ବାଇଡେନ । ସେପଟେ ବାଇଡେନ ବିରୋଧରେ ଭୋଟ ଜାଲିଆତି ଅଭିଯୋଗ ଆଣି କୋର୍ଟର ଆଶ୍ରୟ ନେଇଛନ୍ତି ରିପବ୍ଲିକାନ ପ୍ରାର୍ଥୀ ତଥା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।

ସେପଟେ ମୁହାଁମୁହିଁ ହୋଇଛନ୍ତି ଟ୍ରମ୍ପ ଏବଂ ବାଇଡେନଙ୍କ ସମର୍ଥକ । ଆଗକୁ ହିଂସା ଆଶଙ୍କା କରି ସାରା ଦେଶରେ ହାଇଆଲର୍ଟ ଜାରି କରାଯାଇଛି । ହିଂସା ପାଇଁ ଉସୁକାଉଥିବା ଅଭିଯୋଗରେ ୫୦ ଜଣଙ୍କୁ ଗିରଫ କରି ସାରିଲାଣି ପୋଲିସ । ବୁଧବାର ବିଳମ୍ବିତ ରାତିରେ ନ୍ୟୁୟର୍କରେ ପ୍ରାୟ ୫୦ ଜଣଙ୍କୁ ଗିରଫ କରିଥିଲା ପୋଲିସ । ସେପେଟ ପରିସ୍ଥିତି ଅସମ୍ଭାଳ ହେବାରୁ ପୋର୍ଟଲାଣ୍ଡରୁ ୧୧ ଜଣଙ୍କୁ ଉଠାଇ ନେଇଛି ପୋଲିସ । ଭୋଟ ଗ୍ରହଣ ପରେ ଗଣତି ଆରମ୍ଭ ହେବା ମାତ୍ରେ ଜାଲିଆତି ଅଭିଯୋଗ ଆଣି ବିରୋଧ ପ୍ରଦର୍ଶନ କରିଥିଲେ ଟ୍ରମ୍ପଙ୍କ ସମର୍ଥକ ।

ଅନ୍ୟପଟେ ଓ୍ବାଶିଂଟନରେ ବାଇେଡନଙ୍କ ସମର୍ଥକ ଟ୍ରମ୍ପଙ୍କ ବିରୋଧରେ ଜୋରଦାର ନାରାବାଜି କରିଥିଲେ । ଯେତେ ଯେତେ ସମୟ ପାଖଉଛି ଉଭୟ ପକ୍ଷରୁ ବିରୋଧ ପ୍ରଦର୍ଶନ ଜୋରଦାର ହେଉଛି । ଅନେକ ସ୍ଥାନରେ ହିଂସା ଭଳି ପରିସ୍ଥିତି ସୃଷ୍ଟି ହୋଇଛି । ତେବେ ଆଗକୁ ଆମେରିକାରେ ସ୍ଥିତି କେଉଁ ଆଡକୁ ଯାଉଛି ତାହା ଦେଖିବା ବାକି ରହିଲା ।

   Related Posts