ମାଲକାନଗିରି ୦୭/୦୯: ବିକାଶରେ ବାଧାସୃଷ୍ଟି କରି ଅଡ଼ୁଆରେ ଲାଲବାହିନୀ । ମାଲକାନଗିରିର ସ୍ବାଭିମାନ ଅଞ୍ଚଳରେ ଚାଲିଥିବା ବିଭିନ୍ନ ଉନ୍ନୟନମୂଳକ କାର୍ଯରେ ବାଧାସୃଷ୍ଟି କରୁଥିବାରୁ ମାଓବାଦୀଙ୍କ ଉପରେ ଜୋରଦାର ଗର୍ଜିଛନ୍ତି ଜୋଡ଼ାମ୍ବ ପଞ୍ଚୟତବାସୀ ।
ମାଓପ୍ରବଣ ବିଚ୍ଛିନ୍ନାଞ୍ଚଳର ୮ ପଞ୍ଚାୟତକୁ ବାହ୍ୟଜଗତ ସହ ଯୋଡ଼ିବାକୁ ନିର୍ମାଣ ହୋଇଛି ଗୁରୁପ୍ରୀୟା ସେତୁ। ଏହି ସେତୁ ନିର୍ମାଣ ହେବା ପରେ ଏହିସବୁ ପଞ୍ଚାୟତରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ଚାଲୁରହିଛି । କିନ୍ତୁ ଏହି କାମରେ ବାଧା ଦେଉଛନ୍ତି ମାଓବାଦୀ ।
ଏହା ବିରୋଧରେ ସ୍ବାଭିମାନଅଞ୍ଚଳ ଆଦିବାସୀ ଶାନ୍ତି ପରିଷଦର ଆହ୍ହାନ କ୍ରମେ ଜୋଡାମ୍ବ ପଞ୍ଚାୟତବାସୀ ମାଓବାଦୀ ବିରୋଧୀ ନାରା ସହ ବିଶାଳ ଶୋଭାଯାତ୍ରା କରିଥିଲେ । ପରେ ଦର୍ଲାବେଢ଼ା ଗାଁ ନିକଟରେ ପ୍ରଜାମେଳି ଆୟୋଜିତ ହୋଇଥିଲା । ଯେଉଁଥିରେ ଶହ ଶହ ସଂଖ୍ୟାରେ ଆଦିବାସୀ ପୁରୁଷ ଓ ମହିଳା ଯୋଗଦେଇ ସ୍ବାଭିମାନ ଅଞ୍ଚଳରେ ହିଂସା ବଦଳରେ ଶାନ୍ତି ଦରକାର ବୋଲି ଦାବି କରିଥିଲେ ।