Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜେଏନୟୁ ଛାତ୍ର ସଂସଦ ନିର୍ବାଚନରେ ବାମ ଦଳ ମେଣ୍ଟର ବାଜିମାତ୍, ଆଇଶି ଘୋଷ ସଭାପତି ନିର୍ବାଚିତ

ନୂଆଦିଲ୍ଲୀ ୧୮।୯: ଜବାହରଲାଲ ନେହରୁ ବିଶ୍ବବିଦ୍ୟାଳୟ (ଜେଏନୟୁ) ଛାତ୍ର ସଂସଦ ନିର୍ବାଚନର ଫଳାଫଳ ଘୋଷଣା ହୋଇଛି। ଚଳିତ ବର୍ଷ ବାମଦଳ ଛାତ୍ର ସଂଗଠନ ସମର୍ଥିତ ଏସଏଫଆଇ ଦଳ ନିଜର ଦବଦବା ବଜାୟ ରଖିଛି। ଏସଏଫଆଇ ଦଳ ପକ୍ଷରୁ ଆଇଶି ଘୋଷ ସଭାପତି ଭାବେ ନିର୍ବାଚିତ ହୋଇଛନ୍ତି । ସମସ୍ତ ୪ଟି ପଦରେ ଦଳର ପ୍ରାର୍ଥୀ ବିଜୟୀ ହୋଇଥିବା ଜଣାପଡିଛି ।

ସେହିଭଳି ସାକେତ ମୁନ ଉପସଭାପତି, ସତୀଶ ଚନ୍ଦ୍ର ଯାଦବ ମହାସଚିବ ଏବଂ ମହମ୍ମଦ ଦାନିଶ ସଂଯୁକ୍ତ ସମ୍ପାଦକ ଘୋଷିତ ହୋଇଛନ୍ତି । ଆଇଶି ଘୋଷ ୨୩୧୩, ସୋକେତ ମୁନ ୩୩୬୫, ସତୀଶ ଚନ୍ଦ୍ର ଯାଦବ ୨୫୧୮ ଓ ମହମ୍ମଦ ଦାନିଶ ୩୨୯୫ ଖଣ୍ଡ ଭୋଟ୍ ପାଇ ବିଜୟୀ ହୋଇଛନ୍ତି ।

ସୂଚନାଯୋଗ୍ୟ ଯେ, ସେପ୍ଟେମ୍ଵର ୬ତାରିଖରେ ଜେଏନୟୁ ଛାତ୍ର ସଂସଦ ନିର୍ବାଚନ ପାଇଁ ମତଦାନ ହୋଇଥିଲା। ସେପ୍ଟେମ୍ବର ୮ରେ ପ୍ରକାଶ ପାଇବାକୁ ଥିଲା। ନିର୍ବାଚନରେ ଲିଙ୍ଗଡୋ କମିଶନ ନିୟମ ଉଲଘଂନ ହୋଇଥିବା ଦର୍ଶାଇ ହାଇକୋର୍ଟରେ ଅଭିଯୋଗ ହୋଇଥିଲା। ଫଳରେ ଦିଲ୍ଳୀ ହାଇକୋର୍ଟ ଫଳାଫଳ ପ୍ରକାଶ ଉପରେ ସେପ୍ଟେମ୍ବର ୧୭ ପର୍ଯ୍ୟନ୍ତ ରହିତାଦେଶ ଲଗାଇଥିଲେ। ମାତ୍ର ଗତକାଲି ନିର୍ବାଚନ ଫଳାଫଳ ଘୋଷଣା କରିବା ପାଇଁ ନିର୍ଦ୍ଦେଶ ଦେଇଥିଲେ ।

218 Views

   ସମ୍ବନ୍ଧିତ ଖବର