Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ଜେଏନୟୁ ଛାତ୍ର ସଂସଦ ନିର୍ବାଚନରେ ସଂଯୁକ୍ତ ବାମ ସଂଗଠନ ବାଜିମାତ, ଏନ.ସାଇ ବାଲାଜୀ ସଭାପତି ନିର୍ବାଚିତ

16/09/2018 at 4:10 PM

ବହୁ ଚର୍ଚିତ ଜବାହାରଲାଲ ନେହରୁ ବିଶ୍ୱ ବିଦ୍ୟାଳୟ ଛାତ୍ର ସଂସଦ ନିର୍ବାଚନରେ ସଂଯୁକ୍ତ ବାମ ସଂଗଠନ ତା’ର ପତିଆରା ଜାରି ରଖିଛି | ୪ଟି ଯାକ ମୁଖ୍ୟ ପଦବୀ ଜିତିଛନ୍ତି ସଂଗଠନର ପ୍ରାର୍ଥୀ |
ସଂଗଠନର ପ୍ରାର୍ଥୀ ଏନ.ସାଇ ବାଲାଜୀ ସଭାପତି ଭାବେ ନିର୍ବାଚିତ ହୋଇଛନ୍ତି |ଏବିଭିପିର ପ୍ରାର୍ଥୀ ଲଳିତ ପାଣ୍ଡେଙ୍କୁ ସେ ୧୧୭୯ ଭୋଟରେ ପରାସ୍ତ କରିଛନ୍ତି | କଂଗ୍ରେସର ଛାତ୍ର ସଂଗଠନ ଏନଏସୟୁଆଇର ପ୍ରାର୍ଥୀ ମାତ୍ର ୪୦୧ ଖଣ୍ଡ ଭୋଟ ପାଇଥିଲେ |
ସେହିଭଳି ସଂଯୁକ୍ତ ବାମ ସଂଗଠନ ତଥା ଡିଏସଏଫର ପ୍ରାର୍ଥୀ ସାରିକା ଚୌଧୁରୀ ଛାତ୍ର ସଂସଦର ଉପ-ସଭାପତି ଭାବେ ନିର୍ବାଚିତ ହୋଇଛନ୍ତି | ସେ ତାଙ୍କ ନିକଟତମ ପ୍ରତିଦ୍ବନ୍ଦୀ ଗୀତାଶ୍ରୀ ବରୁଆଙ୍କୁ ୧୬୮୦ ଭୋଟରେ ପରାସ୍ତ କରିଛନ୍ତି |
ସଂଯୁକ୍ତ ବାମ ସଂଗଠନ ତଥା ଏସଏଫଆଇର ଆଇଜଜ ଅହମଦ ରା଼ଠେର ଛାତ୍ର ସଂସଦର ସାଧାରଣ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି | ସେ ତାଙ୍କ ନିକଟତମ ପ୍ରତିଦ୍ବନ୍ଦୀ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଗଣେଶ ଗୁର୍ଜରକୁ ପରାସ୍ତ କରିଥିଲେ |
ସେହିଭଳି ଅଖିଳ ଭାରତୀୟ ପରିଷଦର ପ୍ରାର୍ଥୀଙ୍କୁ ପରାସ୍ତ କରି ସଂଯୁକ୍ତ ବାମ ସଂଗଠନ ତଥା ଏଏସଆଇଏଫର ପ୍ରାର୍ଥୀ ଅମୁଆ ଜୟଦୀପ ଯୁଗ୍ମ ସମ୍ପାଦକ ଭାବେ ବିଜୟୀ ହୋଇଛନ୍ତି |
ସୂଚନାଯୋଗ୍ୟ ଯେ, ଗତ ବର୍ଷ ମଧ୍ୟ ଜବାହାରଲାଲ ନେହରୁ ବିଶ୍ୱ ବିଦ୍ୟାଳୟ ଛାତ୍ର ସଂସଦର ୪ଟି ଯାକ ମୁଖ୍ୟ ପଦବୀ ସଂଯୁକ୍ତ ବାମ ସଂଗଠନ ଅକ୍ତିଆର କରିଥିଲା |
ସେହିଭଳି ବିଶ୍ୱ ବିଦ୍ୟାଳୟ ଅଧୀନରେ ଥିବା ସ୍କୁଲ ଅଫ ସୋସିଆଲ ସାଇନ୍ସ ଏବଂ ସ୍କୁଲ ଅଫ ଲାଙ୍ଗୁଏଜେସର ୫ଟି ଯାକ କାଉନ୍ସିଲ ପଦବୀ ମଧ୍ୟ ବାମ ସଂଯୁକ୍ତର ପ୍ରାର୍ଥୀ ବିଜୟୀ ହୋଇଛନ୍ତି | ଅନ୍ୟପକ୍ଷରେ ସ୍କୁଲ ଅଫ ଇଣ୍ଟର ନ୍ୟାସନାଲ ଷ୍ଟଡ଼ିଜର ୫ଟି କାଉନସିଲର ପଦବୀ ମଧ୍ୟରୁ ବାମ ସଂଗଠନ ୪ଟି ରେ ବିଜୟୀ ହୋଇଥିବା ବେଳେ କଂଗ୍ରେସର ଛାତ୍ର ସଂଗଠନ ଏନଏସୟୁଆଇ ଗୋଟିଏ କାଉନସିଲର ପଦବୀରେ ବିଜୟୀ ହୋଇଛି | ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ପ୍ରାର୍ଥୀମାନେ ଏହି ୩ଟି ଯାକ ସ୍କୁଲର କାଉନସିଲର ପଦବୀ ପାଇଁ ନିର୍ବାଚନରେ ପରାଜିତ ହୋଇଛନ୍ତି |
ଗତକାଲିଠାରୁ ବିବାଦ ଯୋଗୁଁ ଭୋଟ ଗଣତି ବନ୍ଦ ରହିଥିଲା | ଆରଏସଏସ ସମର୍ଥିତ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର କିଛି ନେତା ଗଣତି କେନ୍ଦ୍ର ମଧ୍ୟକୁ ପ୍ରବେଶ କରି ମାରପିଟ କରିଥିବା ଅଭିଯୋଗ ଯୋଗୁଁ ଗଣତି ବନ୍ଦ ରହିଥିଲା | ଦୀର୍ଘ ୧୪ ଘଣ୍ଟା ପରେ ଆଜି ସକାଳୁ ଭୋଟ ଗଣତି ଅନୁଷ୍ଠିତ ହୋଇଥିଲା |
ଜବାହାରଲାଲ ନେହରୁ ବିଶ୍ୱ ବିଦ୍ୟାଳୟର ଛାତ୍ର ସଂସଦ ପାଇଁ ଗତ ଶୁକ୍ରବାର ଦିନ ଭୋଟ ଗ୍ରହଣ ଅନୁଷ୍ଠିତ ହୋଇଥିଲା | ସୂଚନାଯୋଗ୍ୟ ଯେ, ଦିଲ୍ଲୀ ବିଶ୍ୱ ବିଦ୍ୟାଳୟର ଛାତ୍ର ସଂସଦ ନିର୍ବାଚନରେ ୪ଟି ମୁଖ୍ୟ ପଦବୀ ମଧ୍ୟରୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ପ୍ରାର୍ଥୀ ୪ଟି ରେ ବିଜୟୀ ହୋଇଛନ୍ତି |

   Related Posts