Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

ଚୀନ୍‌ ସହ ବ୍ୟବସାୟୀକ ସମ୍ପର୍କ କାଟିଲେ ଜମ୍ମୁ-କାଶ୍ମୀର ବେପାରୀ, ୧୦.୫ କୋଟି ଟଙ୍କାର ଅର୍ଡର ବାତିଲ

27/06/2020 at 7:15 PM

ଜମ୍ମୁ ୨୭।୬: ସୀମାରେ ଉତ୍ତେଜନାକୁ ନେଇ ଜମ୍ମୁ-କାଶ୍ମୀର ବ୍ୟବସାୟୀମାନେ ଚୀନ୍‌ରୁ ସେମାନଙ୍କର ରାଜମା ଓ ସୁଣ୍ଠି ଅର୍ଡର ବାତିଲ କରିଦେଇଛନ୍ତି। ଏହା ବଦଳରେ ଦେଶୀୟ ରାଜମାର କାରବାର ଲାଗି ମାଡ୍ରାସରୁ  ସାମ୍ପଲ ମଗାଇଥିବା ବେଳେ ତୁର୍କିରୁ ଆମଦାନୀ ଲାଗି ନୂଆ ଅର୍ଡର ଦେଇଥିବା ଜଣାପଡିଛି।  ଫଳରେ ଚୀନ୍‌ ସାଢେ ୧୦ କୋଟି ଟଙ୍କାର ରପ୍ତାନୀ ହରାଇଛି।

ଜମ୍ମୁ-କାଶ୍ମୀରକୁ ନେଇ ପାକିସ୍ତାନ ପ୍ରାୟ ଦରଦ ଦେଖାଉଥିବା ବେଳେ ଚୀନ୍‌ ଏଥିରେ ତାକୁ ସହଯୋଗ କରୁଛି। ତେବେ ବିପରୀତ ପରିସ୍ଥିତିରେ ଜମ୍ମୁ-କାସଶ୍ମୀର ମଧ୍ୟ ସେମାନଙ୍କୁ ମୁହଁ ମୋଡିବା ଚୀନ ବ୍ୟବସାୟୀଙ୍କୁ ଗୁରୁତର ପ୍ରଭାବିତ କରିଛି। ଜମ୍ମୁ-କାଶ୍ମୀରରେ ଚୀନ୍‌ ରାଜମାର ବେଶ ଚାହିଦା ରହିଛି। ଏଣୁ ଅନାଜ ମଣ୍ଡି ୱେର ହାଉସ୍‌ର ବ୍ୟବସାୟୀମାନେ ଚୀନ୍‌ରୁ ପ୍ରାୟତଃ ଆମଦାନୀ କରିଥାନ୍ତି। ତେବେ ଭାରତ ସୀମାରେ ଚୀନ୍ ସୈନିକ ସୃଷ୍ଟି କରିଥିବା ପରିସ୍ଥିତି ଲାଗି ବ୍ୟବସାୟୀ ଚୀନ୍‌ରୁ ମୁହଁ ଫେରାଇଛନ୍ତି।

ଚୀନ୍‌କୁ ୯ କୋଟି ଟଙ୍କାର ରାଜମା ଓ ଦେଢ କୋଟି ଟଙ୍କାର ଶୁଣ୍ଠି ଅର୍ଡର ଦିଆଯାଇଥିଲା। ତେବେ ବ୍ୟବସାୟୀ ଆଉ ସେ ସବୁ ସାମଗ୍ରୀ ଏବେ ଚୀନ୍‌ରୁ ନ ଆଣି ତୁର୍କିରୁ ଆଣିବା ଲାଗି ଅର୍ଡର ଦେଇଛନ୍ତି। ଏଥିରେ ତୁର୍କିକୁ ମଧ୍ୟ ସେତେ ବେଶି ଅର୍ଡ଼ର ଦିଆଯାଇନଥିବା ଜଣାପଡିଛି। ବର୍ତ୍ତମାନର ବଜାର ଆବଶ୍ୟକତା ପୂରଣ ଲାଗି ସାଢେ ୪ କୋଟି ଟଙ୍କାର ରାଜମା ଅର୍ଡର କରିଥିବା ବେଳେ ମାଡ୍ରାସରୁ ସାମ୍ପୁଲ ମଗାଇଛନ୍ତି। ଯଦି ଦକ୍ଷିଣ ଭାରତୀୟ ରାଜମା ଆବଶ୍ୟକତା ପୂରଣ ଲାଗି ସହାୟକ ହେବ ତେବେ ମୋଟ ଆମଦାନୀ ମାଡ୍ରାସରୁ ମଗାଯିବ ବୋଲି ବ୍ୟବସାୟୀ କହିଛନ୍ତି।

ସେପଟେ ୱେର ହାଉସ୍ ବ୍ୟବସାୟୀ ସେମାନଙ୍କ ଅର୍ଡର ରଦ୍ଦ କରିବାରୁ ଚୀନ୍‌ ବ୍ୟବସାୟୀଙ୍କ ଚିନ୍ତା ବଢିଛି। ଏ ନେଇ ସେମାନେ ସରକାରଙ୍କୁ ମଧ୍ୟ ସୂଚିତ କରିଥିବା ଭାରତୀୟ ରାଜମା ବ୍ୟବସାୟୀ କହିଛନ୍ତି। ଚୀନ୍‌ରେ ରାଜମାର ବଜାର ନାହିଁ। ଏଣୁ ଭାରତୀୟ ବ୍ୟବସାୟୀ ଚୀନ୍‌ ବହିଷ୍କାର କରିବା ଯୋଗୁ ସେ ସବୁ ପଦାର୍ଥ ଏବେ ନଷ୍ଟ ହେବାର ଆଶଙ୍କା କରାଯାଉଛି। ଜମ୍ମୁ-କାଶ୍ମୀର ଦୈନିକ ୪ରୁ ୫ ଟନ୍‌ ଚୀନ୍‌ ରାଜମା ଓ ଶୁଣ୍ଠିର ଆବଶ୍ୟକ କରୁଛି। ଏହି ସବୁ ସାମଗ୍ରୀ ଏବେ ଦେଶୀୟ ବଜାରରୁ ଓ ଅନ୍ୟ ମିତ୍ର ରାଷ୍ଟ୍ରରୁ ସଂଗ୍ରହ ଲାଗି ସରକାର ପଦକ୍ଷେପ ନେବେ ବୋଲି ଆଶା କରାଯାଉଛି।

   Related Posts