Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ରାଗ ବ୍ରହ୍ମ ଚଣ୍ଡାଳ: ହଠାତ ଶ୍ୱଶୁର ଘରେ ପଶି, ଶାଶୁ-ଶ୍ୱଶୁର ଓ ପତ୍ନୀଙ୍କ ଉପରକୁ ଆଖିବୁଜା ଗୁଳି କଲେ ଆଇଆରପି ଯବାନ, ୩ଜଣଙ୍କ ମୃତ୍ୟୁ

10/03/2021 at 5:17 PM

କାଶ୍ମୀର ୧୦/୦୩ : ଜାମ୍ମୁ ସତବାରିରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ସତବାରି ଅଞ୍ଚଳରେ ଜଣେ ପୋଲିସକର୍ମୀ ନିଜ ଶ୍ୱଶୁରଘର ପଶି ନିଜ ପତ୍ନୀ, ଶାଶୁ-ଶ୍ୱଶୁରଙ୍କୁ ଗୁଳି କରି ହତ୍ୟା କରିଛନ୍ତି। ପୋଲିସକର୍ମୀ ପାଖାପାଖି ୧୨ ରାଉଣ୍ଡ ଗୁଳି କରିଥିବା କୁହାଯାଉଛି। ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବହୁ ଦିନ ହେଲା ବିବାଦ ଚାଲିଥିଲା। ଅଭିଯୁକ୍ତ ପୋଲିସକର୍ମୀଙ୍କୁ ଗିରଫ କରାଯାଇଛି। ପରିବାର ଲୋକ ଅଭିଯୋଗ କରିଛନ୍ତି ଯେ ଡ୍ୟୁଟି ସାରିବା ପରେ ତାଙ୍କୁ ଅସ୍ତ୍ର ଘରକୁ ନେଇ ଯିବାକୁ ଅନୁମତି କେମିତି ମିଳିଲା।

ସୂଚନା ଅନୁଯାୟୀ, ମଙ୍ଗଳବାର ରାତିରେ ପୋଲିସକର୍ମୀ ରାଜେନ୍ଦ୍ର କୁମାର ଓରଫ ମଜନୁସ ନିଜ ଶ୍ୱଶୁର ଘରକୁ ଯାଇଥିଲେ। ଘରେ ପଶି ସେ ନିଜ ସର୍ଭିସ ରାଇଫଲରେ ଘରେ ଉପସ୍ଥିତ ସଦସ୍ୟଙ୍କ ଉପରକୁ ଗୁଳି କରିଥିଲେ। ପାଖାପାଖି ୧୨ ରାଉଣ୍ଡ ଫାୟାର କରିଥିଲେ। ଘଟଣାସ୍ଥଳରେ ହିଁ ତାଙ୍କ ଶାଶୁଙ୍କ ମୃତ୍ୟୁ ହୋଇଯାଇଥିଲା। ତାଙ୍କ ପତ୍ନୀ ସୀମା ଦେବୀ ଓ ଶ୍ୱଶୁର ଗୁରୁତର ଆହତ ହୋଇଛନ୍ତି।

ନିଜର ଦୁଇ ଶଳା ଓ ଦାଦା ଶ୍ୱଶୁରଙ୍କ ଉପରକୁ ମଧ୍ୟ ସେ ଗୁଳି କରିଥିଲେ। କିନ୍ତୁ ସେମାନେ ଲୁଚି ଯାଇଥିଲେ। ଝରକା ପଟେ ତାଙ୍କ ଉପରକୁ ଗୁଳି କରିଥିଲେ। ଫାୟାର କରିବାପରେ ନିଜ କାରରେ ସେଠାରେ ପଳାଇ ଯାଇଥିଲେ। ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ୩ ଆହତଙ୍କୁ ହସ୍ପିଟାଲରେ ଭର୍ତ୍ତି କରିଥିଲା। କିନ୍ତୁ ଶାଶୁଙ୍କର ମୃତ୍ୟୁ ହୋଇସାରିଥିଲା। ଚିକିତ୍ସାଧୀନ ଅବସ୍ଥାରେ ପତ୍ନୀ ଓ ଶ୍ୱଶୁରଙ୍କ ମୃତ୍ୟୁ ହୋଇଛି। 

ଘଟଣା ପରେ ପୋଲିସ ଟିମ ଅନେକ ସ୍ଥାନରେ ଚଢ଼ଉ କରି ଅଭିଯୁକ୍ତ ରାଜେନ୍ଦ୍ର କୁମାରକୁ ଗିରଫ କରିଛି। ଯାଞ୍ଚ ବେଳେ ଜଣାପଡିଛି ଯେ ସେ ଆଇଆରପି ଯବାନ। ସେ ବର୍ତ୍ତମାନ ସିକ୍ୟୁରିଟି ୱିଙ୍ଗରେ ନିୟୋଜିତ ଥିଲେ। ଯାଞ୍ଚରୁ ଜଣାପଡିଛି ଯେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବହୁ ସମୟ ଧରି ବିବାଦ ଚାଲିଥିଲା। ଯେଉଁଥିପାଇଁ ମହିଳା ନିଜ ବାପଘରକୁ ଚାଲି ଆସିଥିଲେ। ଅନେକଥର ମାରପିଟ କରି ପତ୍ନୀଙ୍କୁ ଘରୁ ବି ବାହାର କରିଦେଇଥିଲେ।

ମୃତକଙ୍କ ସମ୍ପର୍କୀୟ କହିଛନ୍ତି ଯେ ଫାଇରିଙ୍ଗ ସମୟରେ ଦୁଇ ଶିଶୁ ମଧ୍ୟ ସେଠାରେ ଉପସ୍ଥିତ ଥିଲେ। ଘରକୁ ପଶିବା ପୂର୍ବରୁ ପୋଲିସ କର୍ମୀ ନିଜ ଦାଦା ଶ୍ୱଶୁରଙ୍କୁ ପଚାରିଥିଲେ ଯେ ଘରେ ସମସ୍ତେ ଅଛନ୍ତି ନା ନାହିଁ। ଦାଦା ଶ୍ୱଶୁରଙ୍କୁ ମିଠା ଦେଇ କହିଥିଲେ ତାଙ୍କର ପ୍ରମୋସନ ହୋଇଛି। ଏହି ବାହାନାରେ ସେ ରାଇଫଲ ନେଇ ଘରକୁ ପଶିଥିଲେ ଓ ସମସ୍ତଙ୍କ ଉପରକୁ ଗୁଳି କରିଥିଲେ। ରାଜେନ୍ଦ୍ର କୁମାରଙ୍କ ବିରୋଧରେ ମାମଲା ରୁଜ୍ଜୁ କରାଯାଇଛି।

   Related Posts