ଭୁବନେଶ୍ୱର, ୨୨/୦୫: ଇଡିରେ ହାଜର ହେଲେ ଖଣି ମାଲିକ ତଥା ପୂର୍ବତନ ବିଧାୟକ ଜିତେନ୍ଦ୍ର ନାଥ ପଟ୍ଟନାୟକ ଓରଫ ଜିତୁ ପଟ୍ଟନାୟକ । ଘରୁ ଲକ୍ଷ ଲକ୍ଷ ଟଙ୍କା ମିଳିବା ଘଟଣାରେ ସେ ହାଜର ହୋଇଛନ୍ତି ।
ସୂଚନାନୁସାରେ, ଗତ ମେ ମାସ ୧୧ ତାରିଖରେ ଜିତୁ ପଟନାୟକଙ୍କ ଯୋଡ଼ା ଓ ଭୁବନେଶ୍ୱର ସ୍ଥିତ ୪ଟି ସ୍ଥାନରେ ଇଡି ଚଢଉ କରିଥିଲା । ତାଙ୍କ ଘରୁ ନଗଦ ୯୫ ଲକ୍ଷ ଟଙ୍କା ସହ ୧୬୬ କୋଟି ଟଙ୍କାର ଫିକ୍ସ ଡିପୋଜିଟ୍ ମଧ୍ୟ ଜବତ କରାଯାଇଥିଲା । ଏନେଇ ଖୋଲତାଡ କରିବା ପାଇଁ ଜିତୁଙ୍କୁ ହାଜର ହେବାକୁ ଇଡି ନୋଟିସ କରିଥିଲା । ନୋଟିସ ଆଧାରରେ ସେ ଇଡିରେ ହାଜର ହୋଇଥିବା ସୂଚନା ମିଳିଛି ।