Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରୁ ଶିଶୁଙ୍କ ସୁରକ୍ଷା ପାଇଁ କମିଟି ଗଠନ, ସବୁ କୋଭିଡ୍ ହସ୍ପିଟାଲ୍ରେ ହେଲ୍ପ ଡେସ୍କ ବାଧ୍ୟତାମୂଳକ
  • ||
  • ଜଟିଳ ହେବାରେ ଲାଗିଛି ଭୁବନେଶ୍ଵରରେ କରୋନା ସ୍ଥିତି, ଆଜି ୧୩୫୩ ପଜିଟିଭ୍ ଚିହ୍ନଟ
  • ||
  • ଜୁନ ୧୫ ଯାଏଁ ଶ୍ରୀମନ୍ଦିର ବନ୍ଦ, ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନର ବଡ ନିଷ୍ପତ୍ତି
  • ||
  • ଆଜି ସୁସ୍ଥରେ ରେକର୍ଡ, ସୁସ୍ଥ ହୋଇ ଘରକୁ ଫେଲେ ୧୨୦୭୭ ଆକ୍ରାନ୍ତ
  • ||
  • ୧୭ ମେ ସୋମବାର ଖୋଲିବ କେଦାରନାଥ ଧାମ କବାଟ ।। ତୀର୍ଥ ପୁରୋହିତ ସୀମିତ ସଂଖ୍ୟକ ଲୋକଙ୍କ ଉପସ୍ଥିତିରେ ବିଧିବିଧାନ ସହ କବାଟ ଖୋଲିବ ।। ପ୍ରଧାନମନ୍ତ୍ରୀଙ୍କ ପକ୍ଷରୁ ଜନତାଙ୍କ କଲ୍ୟାଣ ନିମନ୍ତେ ହେବ ପ୍ରଥମ ପୂଜା ।।
  • ||
  • ଆଗାମୀ ୩ ଦିନରେ ରାଜ୍ୟକୁ ମିଳିବ ଭ୍ୟାକସିନ୍‌ର ୫୧ ଲକ୍ଷ ଡୋଜ୍‌
  • ||
  • ୨୪ରେ ବଙ୍ଗୋପସାଗରରେ ଲଘୁଚାପ, ନେଇପାରେ ଅବପାତର ରୂପ
  • ||
  • ସଂକ୍ରମଣ ସାମାନ୍ୟ କମିଲା : ଦେଶରେ ୨୪ ଘଣ୍ଟାରେ ୩ ଲକ୍ଷ ୧୧ ହଜାରରୁ ଅଧିକ ପଜିଟିଭ୍, ୪୦୭୭ ମୃତ
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧୭୩୨ ପଜିଟିଭ୍
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୩୧୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ରାମ ବିଳାସ ପାସଓ୍ଵାନଙ୍କ ନିଧନ ଉପରେ ପ୍ରଶ୍ନ ଉଠାଇଲେ ଜିତନରାମ ମାଝୀ, ପ୍ରଧାନମନ୍ତ୍ରୀଙ୍କଠାରେ କଲେ ବିଚାର ବିଭାଗୀୟ ତଦନ୍ତ ଦାବି

2/11/2020 at 5:25 PM

ପାଟନା ୦୨।୧୧: ବିହାର ବିଧାନସଭା ନିର୍ବାଚନ ୨୦୨୦ର ଦ୍ଵିତୀୟ ପର୍ଯ୍ୟାୟ ମତଦାନ ଆସନ୍ତାକାଲି ଅର୍ଥାତ ନଭେମ୍ଵର ୩ରେ ହେବ। ଅନ୍ୟପଟେ ତୃତୀୟ ପର୍ଯ୍ୟାୟ ମତଦାନ ପାଇଁ ନିର୍ବାଚନୀ ପ୍ରଚାର ଜୋରସୋରରେ ଚାଲିଛି। ପ୍ରାର୍ଥୀଙ୍କ ମଧ୍ୟରେ ଆରୋପ ପ୍ରତ୍ୟାରୋପ ଜୋର ଧରିଛି। ନେତାଙ୍କ ମଧ୍ୟରେ ବ୍ୟକ୍ତିଗତ ଟିକାଟିପ୍ପଣୀ ପାଇଁ ପ୍ରତିଯୋଗିତା ଚାଲିଛି। ଏହି ସମୟରେ ଏନଡିଏର ସହଯୋଗୀ ହମ ରାମବିଳାସ ପାସଓ୍ଵାନଙ୍କ ପରଲୋକ ଉପରେ ପ୍ରଶ୍ନ ଉଠାଇ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଜିତନରାମ ମାଝୀଙ୍କ ପାର୍ଟି ହମ ଏହି ଚିଠିରେ କେନ୍ଦ୍ର ମନ୍ତ୍ରୀ ତଥା ଏଲଜେପିର ପ୍ରତିଷ୍ଠାତା ରାମବିଳାସ ପାସଓ୍ଵାନଙ୍କ ମୃତ୍ୟୁର ବିଚାରବିଭାଗୀୟ ତଦନ୍ତ ଦାବି କରିଛିି। ହିନ୍ଦୁସ୍ଥାନୀ ଆବାମ ମୋର୍ଚ୍ଚା(ହମ)ର ରାଷ୍ଟ୍ରୀୟ ପ୍ରବକ୍ତା ଡ ଦାନିଶ ରିଜଓ୍ଵାନ ଚିଠି ଲେଖି ଅନେକ ପ୍ରଶ୍ନ ଉଠାଇ ଚିରାଗଙ୍କୁ ଘେରିବାକୁ ଉଦ୍ୟମ କରିଛନ୍ତି।

ଏହି ଚିଠିରେ ଲେଖା ହୋଇଛି ଦେଶର ବଡ ନେତା ଓ ଆପଣଙ୍କ ମନ୍ତ୍ରିମଣ୍ଡଳର ସଦସ୍ୟ ରହିଥିବା ରାମବିଳାସ ପାସଓ୍ଵାନ କିଛି ଦିନ ପୂର୍ବେ ଆମକୁ ଛାଡି ପରଲୋକକୁ ଚାଲିଗଲେ। ତାଙ୍କ ନିଧନରେ ପୂରା ଦେଶରେ ଶୋକର ଲହରି ଖେଳି ଯାଇଛି। ଆଜି ମଧ୍ୟ ଆମ ପରି ପ୍ରଶଂସକ ତାଙ୍କୁ ମନେ ପକାଇ ଦୁଃଖ ପ୍ରକାଶ କରୁଛୁ। କିନ୍ତୁ ଯେତେବେଳେ ପୂରା ଦେଶ ରାମବିଳାସଙ୍କ ନିଧନରେ ଶୋକରେ ଥିଲା, ତାଙ୍କ ଅନ୍ତିମ ସଂସ୍କାରର ଦ୍ଵିତୀୟ ଦିନରେ ଚିରାଗ ପାସଓ୍ଵାନ ସୁଟିଂ ସମୟରେ କେବଳ ହସିନଥିଲେ ବରଂ କଟ ଟୁ କଟ ସୁଟିଂର କଥା ମଧ୍ୟ କହୁଥିଲେ। ଏଥିରେ ରାମବିଳାସ ପାସଓ୍ଵାନଙ୍କ ପ୍ରଶଂସକ ଏବଂ ପରିଜନଙ୍କ ମଧ୍ୟରେ ଅନେକ ପ୍ରକାରର ପ୍ରଶ୍ନ ଉଠିଛି।

ଚିଠିରେ ଲେଖା ହୋଇଛି ମହୋଦୟ ରାମ ବିଳାସ ପାସଓ୍ଵାନଙ୍କ ନିଧନ ସଂପର୍କିତ ଅନେକ ପ୍ରଶ୍ନ ରହିଛି, ଯାହା ଚିରାଗ ପାସଓ୍ଵାନଙ୍କୁ କାଠଗଡାରେ ଛିଡା କରୁଛି। କୌଣସି କେନ୍ଦ୍ର ମନ୍ତ୍ରୀଙ୍କ ହସ୍ପିଟାଲରେ ଭର୍ତ୍ତି ସମୟରେ ମେଡିକାଲ ବୁଲେଟିନ ଜାରି କରାଯାଏ। କିନ୍ତୁ କାହା ଇସାରାରେ ରାମବିଳାସଙ୍କ ମେଡିକାଲ ବୁଲେଟିନ ଜାରି କରାଯାଇନଥିଲା ?

କାହା କହିବା ଅନୁସାରେ ହସ୍ପିଟାଲ ପ୍ରଶାସନ ରାମ ବିଳାସ ପାସଓ୍ଵାନଙ୍କୁ ଦେଖିବା ଲାଗି ହସ୍ପିଟାଲରେ କେବଳ ତିନି ଜଣଙ୍କୁ ଅନୁମତି ମିଳିଥିଲା ? ଏହା ବ୍ୟତୀତ ଏମିତି ଅନେକ ପ୍ରଶ୍ନ ରହିଛି ଯାହାର ଜବାବ ସ୍ଵର୍ଗତ ରାମବିଳାସ ପାସଓ୍ଵାନଙ୍କ ପରିଜନଙ୍କ ସହିତ ତାଙ୍କ ପ୍ରଶଂସକ ମଧ୍ୟ ଜାଣିବାକୁ ଚାହୁଁଛନ୍ତି। ଏହାର ତଦନ୍ତ ହେବା ଆବଶ୍ୟକ ବୋଲି ସେ କହିଛନ୍ତି।

ଚିଠି ମାଧ୍ୟମରେ ପ୍ରଧାନମନ୍ତ୍ରୀ ମୋଦୀଙ୍କୁ ରାମ ବିଳାସ ପାସଓ୍ଵାନଙ୍କ ପରଲୋକର ବିଚାରବିଭାଗୀୟ ତଦନ୍ତ କରିବାକୁ ଆଦେଶ ଦେବାକୁ ଅନୁରୋଧ କରିଛନ୍ତି।

ପ୍ରଧାନମନ୍ତ୍ରୀଙ୍କୁ ଚିଠି ଲେଖିବା ଉପରେ ଚିରାଗ ପାସଓ୍ଵାନ ହମର ପ୍ରମୁଖ ଜିତନରାମ ମାଜୀଙ୍କୁ କଡା ଶବ୍ଦରେ ସମାଲୋଚନା କରିଛନ୍ତି। ସେ କହିଛନ୍ତି ବାପା ଅସୁସ୍ଥ ଥିବା ବେଳେ ମାଝୀ କୌଣସି ପ୍ରକାରର ଦୁଃଖ ପ୍ରକାଶ କରିନଥିଲେ ଏବଂ ବର୍ତ୍ତମାନ ମୃତକ ବ୍ୟକ୍ତିଙ୍କୁ ନେଇ ରଜନୀତି କରୁଛନ୍ତି।

ଯେଉଁ ଲୋକ ପୁଅ ଉପରେ ଏମିତି କଥା କହୁଛନ୍ତି ସେମାନଙ୍କୁ ଲଲ୍ଲା ଲାଗିବା ଉଚିତ୍। ମୁଁ ମାଂଝୀଙ୍କୁ ଫୋନରେ ବାପାଙ୍କ ଗୁରୁତର ସ୍ଵାସ୍ଥ୍ୟବସ୍ଥା ବିଷୟରେ ଅବଗତ କରାଇଥିଲି, ତଥାପି ସେ ମୋର ଅସୁସ୍ଥ ବାପାଙ୍କୁ ଦେଖିବାକୁ ଆସିନଥିଲେ ବୋଲି ଚିରାଗ କହିଛନ୍ତି।

   Related Posts