Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ମୁଣ୍ଡଳୀ ବ୍ୟାରେଜରୁ ଡେଇଁ ଜଣେ ନିଖୋଜ, ବ୍ରିଜ୍ ଉପରେ ଅଛି ଗାଡି ଓ ମୋବାଇଲ୍
  • ||
  • ଖୋର୍ଦ୍ଧା : ଯୁବକକୁ ଖୋଜି ଆଣିବା ଦାବିରେ ଏସ୍‌ପି ଅଫିସ୍ ଘେରାଉ, ରବିବାରଠୁ ଗାଈ ଚରେଇବାକୁ ଯାଇ ଅଛନ୍ତି ନିଖୋଜ
  • ||
  • ଚାନ୍ଦବାଲି : ଖେଳୁଥିବା ବେଳେ ପୋଖରୀରେ ବୁଡିଗଲେ ଦେଢ ବର୍ଷର ଶିଶୁ କନ୍ୟା, ଡାକ୍ତରଖାନାରେ ମୃତ୍ୟୁ
  • ||
  • ଭୁବନେଶ୍ବର : ମମିତା ଘଟଣାରେ ରାଜଧାନୀ ହୁଲସ୍ତୁଲ, ଡିସିପି ଅଫିସ୍ ଘେରାଉ ବେଳେ ବିଜେପି କର୍ମୀ ଓ ପୋଲିସ ଧସ୍ତାଧସ୍ତି
  • ||
  • ନୟାଗଡ : ଗୁଣିଗାରେଡି ସନ୍ଦେହରେ ୫ ଜଣଙ୍କୁ ନିର୍ଯାତନା ଘଟଣା : ୫ ଜଣଙ୍କୁ ଗିରଫ କଲା ପୋଲିସ
  • ||
  • ମର୍ମନ୍ତୁଦ ଦୁର୍ଘଟଣା: ଡୋଡା ଘାଟିରେ ଖସିପଡିଲା ମାଟାଡୋର, ୮ ମୃତ ଓ ଅନେକ ଆହତ
  • ||
  • ଜଗତସିଂହପୁର : ଷ୍ଟାଡିୟମ୍ ନିକଟରୁ ମିଳିଲା ଯୁବକଙ୍କ ମୃତଦେହ, ବୁଧବାର ସନ୍ଧ୍ୟାରୁ ଥିଲେ ନିଖୋଜ
  • ||
  • କଳାହାଣ୍ଡି : ମମିତା ମେହେର ହତ୍ୟା ମାମଲାରେ କଂଗ୍ରେସର ଧାରଣା ୩ୟ ଦିନରେ, ମନ୍ତ୍ରୀ ଇସ୍ତଫା ନଦେଲେ ତୀବ୍ର ହେବ ଆନ୍ଦୋଳନ
  • ||
  • କଳାହାଣ୍ଡି : ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲରେ ଘାଇ, ଶହ ଶହ ହେକ୍ଟର ଧାନ ଚାଷ ନଷ୍ଟ ଆଶଙ୍କା
  • ||
  • ଢେଙ୍କାନାଳ : ଶୌଚ ହୋଇ ଫେରିବା ବେଳେ ବୃଦ୍ଧଙ୍କୁ କଚାଡିଦେଲା ଦନ୍ତା, ଡାକ୍ତରଖାନାରେ ଚାଲିଗଲା ଜୀବନ
  • ||

ଭଗବାନ ଶ୍ରୀରାମଙ୍କ ଅସ୍ତିତ୍ଵ ଥିବା ମାନନ୍ତି ନାହିଁ ଜିତନ ରାମ ମାଞ୍ଝୀ, କିନ୍ତୁ ବିହାର ସିଲାବସରେ ଚାହାନ୍ତି ରାମାୟଣ

21/09/2021 at 6:29 PM

ପାଟନା ୨୧।୦୯: ରାମଚରିତ ମାନସକୁ ସିଲାବସରେ ସାମିଲ୍ କରିବା ଦାବିକୁ ନେଇ ବିହାରରେ ରାଜନୀତି ଜୋର ଧରିଛି। ଏନଡିଏର ଅନେକ ନେତା ରାମଚରିତ ମାନସକୁ ସିଲାବସରେ ସାମିଲ୍ କରିବାକୁ ଦାବି କରିଛନ୍ତି। ଏହା ମଧ୍ୟରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ହିନ୍ଦୁସ୍ତାନୀ ଆବାମ ମୋର୍ଚ୍ଚାର ସଭାପତି  ଜିତନରାମ ମାଞ୍ଝୀ ବଡ ବୟାନ ଦେଇଛନ୍ତି। ସେ ଭଗବାନ ରାମଙ୍କ ଅସ୍ତିତ୍ଵକୁ କାଳ୍ପନିକ କହିଛନ୍ତି।

ସେ ଏହା ମଧ୍ୟ କହିଛନ୍ତି, ସେ ଶ୍ରୀରାମ କୌଣସି ଜୀବିତ ଏବଂ ମହାପୁରୁଷ ଥିବା ମାନନ୍ତି ନାହିଁ। କିନ୍ତୁ ରାମାୟଣରେ ଯେଉଁ କାହାଣୀ ବର୍ଣ୍ଣିତ ତାହା ଶିଖିବାଯୋଗ୍ୟ ରହିଛି। ରାମାୟଣ କଥାରେ ଅନେକ ଏମିତି ଶ୍ଳୋକ ଏବଂ ସନ୍ଦେଶ ରହିଛି, ଯାହା ଲୋକଙ୍କ ବ୍ୟକ୍ତିତ୍ଵ ବିକାଶରେ ସହାୟକ ହୋଇଥାଏ। ସେ ମହିଳାଙ୍କ ସମ୍ମାନ କଥା ହେଉ କି ବଡଙ୍କ ପାଇଁ ଆଦରର କଥା ହେଉ ରାମାୟଣରୁ ଏସବୁ  ଶିକ୍ଷା ମିଳିଥାଏ। ତେଣୁ ରାମାୟଣକୁ ସିଲାବସରେ ସାମିଲ୍ କରାଯିବା ଉଚିତ୍ ବୋଲି ମାଞ୍ଝୀ କହିଛନ୍ତି।

ସୂଚନାଯୋଗ୍ୟ, ମଧ୍ୟ ପ୍ରଦେଶରେ ରାମାୟଣକୁକ ସିଲାବସ୍‌ରେ ସାମିଲ୍ କରାଯିବା ନିଷ୍ପତ୍ତି ପରେ ବିହାରରେ ମଧ୍ୟ ସିଲାବସ୍‌ରେ ସାମିଲ୍ କରାଯିବା ଦାବି ଉଠିଛି। ସ୍ଵାସ୍ଥ୍ୟ ମନ୍ତ୍ରୀ ମଙ୍ଗଲ ପାଣ୍ଡେ କହିଛନ୍ତି, ରାମାୟଣ ଆମକୁ ଶତାଧିକ ବର୍ଷ ଧରି ସଠିକ୍ ମାର୍ଗ ଦେଖାଇ  ଆସିଛି। ଆମକୁ ଯଦି ଇତିହାସ ପଢିବାର ଅଛି ତ ରାମାୟଣ ପଢିବା ଉଚିତ୍। ଇତିହାସ ସହିତ ସେହି ବିଷୟ ପଢିବା ଉଚିତ୍, ଯେଉଁଥିରେ ଲୋକଙ୍କୁ ଭଲ ସନ୍ଦେଶ ମିଳିଥାଏ।

ବିହାର ସରକାରର ଜଙ୍ଗଲ ଓ ପରିବେଶ ମନ୍ତ୍ରୀ ନୀରଜ କୁମାର ବବଲୁ କହିଛନ୍ତି, ବିହାରର ସ୍କୁଲ ଓ କଲେଜ୍‌ଗୁଡିକରେ ଭଗବାନ ଶ୍ରୀରାମଙ୍କ ସଂପର୍କିତ ସମସ୍ତ ସୂଚନା ସିଲାବସ୍‌ରେ ସାମିଲ୍ କରାଯିବା ଉଚିତ୍। ଯଦ୍ଵାରା ଅଧିକରୁ ଅଧିକ ଲୋକ ଭଗବାନ ଶ୍ରୀରାମଙ୍କ ବିଷୟରେ ଜାଣି ପାରିବେ।

   Related Posts