Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ସିଏମ୍ଓ ଏସିଆ ଆୱାର୍ଡ୍ସରେ ଜିଓକୁ ମିଳିଲା ୫ଟି ପୁରସ୍କାର

27/08/2019 at 2:58 PM

ନୂଆଦିଲ୍ଲୀ ୨୭|୮: ନିକଟରେ ସିଙ୍ଗାପୁରରେ ଆୟୋଜିତ ସିଏମ୍‍ଓ ଏସିଆ ଆୱାର୍ଡ୍ସରେ ଜିଓ ୫ଟି ପୁରସ୍କାର ହାସଲ କରିଛି । ଏଥି ମଧ୍ୟରୁ ୩ଟି ଟେଲିକମ୍‍ ବିଭାଗରେ ଉତ୍କର୍ଷତା ଏବଂ ଅନ୍ୟ ଦୁଇଟି ଡିଜିଟାଲ ମାର୍କେଟିଂ ଲିଡରସିପ୍‍ ବିଭାଗରେ ମିଳିଛି । ଟେଲିକମ୍‍ ବିଭାଗରେ ଉତ୍କର୍ଷତା ପାଇଁ ଜିଓ ସର୍ବାଧିକ ପୁରସ୍କାର ହାସଲ କରିଛି ।

ସିମ୍‍ଲେସ୍‍ କନେକ୍ଟିଭିଟି ପାଇଁ ଶ୍ରେଷ୍ଠ ଏଲ୍‍ଟିଇ ସେବା ପ୍ରଦାନକାରୀ ଏବଂ ଏହାର ଉପଭୋକ୍ତାଙ୍କ ପାଇଁ ଡିଜିଟାଲ୍‍ ଅଭିଜ୍ଞତା ହାସଲ କରାଇଥିବାରୁ ଜିଓ ଏହି ପୁରସ୍କାର ହାସଲ କରିଛି । ଭାରତର ସ୍ମାର୍ଟଫୋନ୍‍- ଜିଓଫୋନ୍‍ ଚଳିତ ବର୍ଷ ପାଇଁ ହ୍ୟାଣ୍ଡସେଟ୍‍ରେ ସୃଜନଶୀଳତା ଲାଗି ପୁରସ୍କାର ହାସଲ କରିଛି । କୁମ୍ଭମେଳା ସମୟରେ ଜିଓ ଦ୍ୱାରା ନିଆଯାଇଥିବା ପଦକ୍ଷେପ ସର୍ବଶ୍ରେଷ୍ଠ ସୃଜନଶୀଳ ଟେଲିକମ୍‍ ପ୍ରକଳ୍ପ ଭାବେ ପୁରସ୍କୃତ ହୋଇଛି । କୁମ୍ଭମେଳା ସମୟରେ ଜିଓର ବିବିଧ ସୃଜନଶୀଳ ସେବା ଲକ୍ଷ ଲକ୍ଷ ଲୋକଙ୍କୁ ସେବା ଯୋଗାଇଛି ।

ଟେଲିକମ୍‍ ବିଭିଗ ବ୍ୟତିରେକ ଜିଓ ମଧ୍ୟ ଡିଜିଟାଲ ମାର୍କେଟିଂ ନେତୃତ୍ୱ ବିଭାଗରେ ପୁରସ୍କୃତ ହୋଇଛି । ଜିଓର ଏଣ୍ଟରଟେନ୍‍ମେଣ୍ଟ ଆପ୍‍ ମଧ୍ୟରୁ ୨ଟି ସେମାନଙ୍କ ବିଭାଗରେ ଶ୍ରେଷ୍ଠ ଆପ୍‍ ବିବେଚିତ ହୋଇଛି । ଜିଓ ସାୱନ୍‍ ଶ୍ରେଷ୍ଠ ଆପ୍‍ (ମ୍ୟୁଜିକ୍‍) ଏବଂ ଜିଓ ଟିଭି ଶ୍ରେଷ୍ଠ ଆପ୍‍ (ମନୋରଞ୍ଜନ) ବିବେଚିତ ହୋଇଛି ।

ଏକ ପ୍ରମୁଖ ନେଟ୍‍ୱର୍କିଂ ବିଭାଗ ଭାବେ ସିଏମ୍‍ଓ ଏସିଆ ୨୦୧୦ ମସିହାରେ ଆରମ୍ଭ କରାଯାଇଥିଲା ଏବଂ ବିବିଧ କ୍ଷେତ୍ରରେ ବ୍ୟବସାୟିକ ସେବା ଉପଲବ୍ଧକାରୀଙ୍କ ପାଇଁ ଏକ ସାଧାରଣ ପ୍ଲାଟଫର୍ମରେ ଯୋଗସୂତ୍ର ରକ୍ଷା ଲକ୍ଷ୍ୟରେ କରାଯାଇଥିଲା । ବ୍ରାଣ୍ଡିଂ ଏବଂ ମାର୍କେଟିଂ କ୍ଷେତ୍ରରେ ସର୍ବଶେଷ ଉପଲବ୍ଧ ଆଦାନ ପ୍ରଦାନ ଏବଂ ପ୍ରତ୍ୟେକ ମାର୍କେଟିଂ ବୃତ୍ତିଧାରୀଙ୍କ ଅଭିଜ୍ଞତାରୁ ଜ୍ଞାନ ଆହରଣ ସୁବିଧା ଉପଲବ୍ଧ କରାଇବା ଲକ୍ଷ୍ୟରେ ଏହା କରାଯାଇଥିଲା । ସିଏମ୍‍ଓ ଏସିଆ ଆୱାର୍ଡ଼ର ସିଙ୍ଗାପୁର ସଂସ୍କରଣ ଏହାର ୧୦ମ ବର୍ଷପୂର୍ତ୍ତି ପାଳନ କରିଛି ।

   Related Posts