Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ବାପା ତୁମେ ଛାଡି ଚାଲିଗଲ ! କରୋନାରେ ମୃତ ପିତାଙ୍କ ଚିତାକୁ ଡେଇଁ ପଡିଲା ଝିଅ, ଜଳିଗଲା ଅଧା ଶରୀର

6/05/2021 at 11:18 AM

ବାରମେର, ୦୬/୦୫: ବାପାର ଚିତାକୁ ଡେଇଁ ପଡିଲା ଝିଅ । ରାଜସ୍ଥାନର ବାରମେର ଜିଲା ଅନ୍ତର୍ଗତ ରାୟ କଲୋନୀରେ ମଙ୍ଗଳବାର ଏହି ଅଭାବନୀୟ ଘଟଣା ଘଟିଛି । ସେଠାରେ କରୋନା ଯୋଗୁ ଜଣେ ବ୍ୟକ୍ତି ମୃତ୍ୟୁବରଣ କରିବା ପରେ ସେଥିରେ ମ୍ରିୟମାଣ ହୋଇ ତାଙ୍କ ଝିଅ ତାଙ୍କ ଚିତା ଉପରକୁ ଡେଇଁ ପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।

ରିପୋର୍ଟ ଅନୁଯାୟୀ, ରାୟ କଲୋନୀର ଦାମୋଦର ଶାରଦା( ୭୩ ବର୍ଷ)ଙ୍କର ଗତକାଲି କରୋନା ଯୋଗୁ ମୃତ୍ୟୁ ହୋଇଥିଲା । ଅପରାହ୍ଣରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା । ଅନ୍ତିମ ସଂସ୍କାର ଦେଖିବା ପାଇଁ ଶ୍ମଶାନକୁ ଯିବା ପାଇଁ ତାଙ୍କର ଜଣେ ଝିଅ ଚନ୍ଦ୍ରକଳା( ୩୪ ବର୍ଷ) ଜିଦ୍‌ କରିଥିଲେ । ଏହାଯୋଗୁ ତାଙ୍କ ପରିବାର ଲୋକ ସେଥିପାଇଁ ସମ୍ମତି ଦେଇଥିଲେ । ତେବେ ପିତାଙ୍କ ଚିତା ଜଳୁଥିଲାବେଳେ ସେ ହଠାତ୍‌ ସେଇ ଚିତା ଉପରକୁ ଡେଇଁ ପଡିଥିଲେ ।

ତାଙ୍କର ଅନ୍ୟ ଜଣେ ଭଉଣୀ ତାଙ୍କୁ ଉଦ୍ଧାର କରିବାକୁ ଉଦ୍ୟମ କରିଥିଲେ ମଧ୍ୟ ସେ ପୁଣି ଥରେ ଚିତା ଉପରକୁ ଡେଇଁ ପଡିଥିଲେ । ଶ୍ମଶାନରେ ନିୟୋଜିତ କର୍ମଚାରୀ ଓ ଅନ୍ୟ କିଛି ଲୋକ ତାଙ୍କୁ ଉଦ୍ଧାର କରି ହସ୍ପିଟାଲ ପଠାଇଥିଲେ । ତାଙ୍କ ଦେହର ୬୦% ଅଂଶ ଜଳିଯାଇଛି । ତାଙ୍କୁ ପରେ ବାରମେରରୁ ଯୋଧପୁର ହସ୍ପିଟାଲକୁ ପଠାଯାଇଥିବାର ସୂଚନା ଦିଆଯାଇଛି ।

   Related Posts