Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||
  • ଭୁବନେଶ୍ବର : STF ପଞ୍ଝାରେ ବ୍ରାଉନସୁଗାର ବେପାରୀ : ୧ କେଜି ୪୮ ଗ୍ରାମ୍ ଧଳାଜହର ଜବତ, ଜଣେ ଗିରଫ
  • ||

ଖଣି ଖନନ ଓ ଜମି ଅଧିଗ୍ରହଣକୁ ବିରୋଧ

9/08/2018 at 9:49 AM

ଝାରସୁଗୁଡା ୯/୮ : ଦୁଇ ଦୁଇ ଥର ବିସ୍ଥାପିତ ହେବାପରେ ଆଉଥରେ ବିସ୍ଥାପନର ବୋଝ ସମ୍ଭାଳିବାକୁ ଅନିଚ୍ଛୁକ ଝାରସୁଗୁଡାର ପତ୍ରପାଲି ଓ ମାଲଦା ପଞ୍ଚାୟତ ଲୋକ । କେଵଳ ବିସ୍ଥାପନ ନୁହେଁ ଜଙ୍ଗଲ ଜମି ଉପରେ କୌଣସି କାରଖାନା ବା ଖଣି ଖନନକୁ ମଧ୍ୟ ଦୃଢ ବିରୋଧ କରିବା ପାଇଁ ଅଣ୍ଟା ଭିଡିଲେଣି ।
ଥରେ ଭିଟାମାଟି ଛାଡିଥିଲେ ହୀରାକୁଦ ନଦୀବନ୍ଧ ପାଇଁ । ଆଉ ଥରେ ଘର ଛାଡିଥିଲେ ଏମ୍ସିଏଲ୍ ଖଣି ଲାଗି । ଏବେ ପୁଣି ଥରେ ନାଭେଲି ଲିଗନାଇଟ୍ ଖଣି ପାଇଁ ବିସ୍ଥାପିତ ହେବେ ଝାରସୁଗୁଡା ତଲାବିରା ଖଣି ଅଞ୍ଚଳର ଲୋକ । ଏନେଇ ଝାରସୁଗୁଡାର ପତ୍ରପାଲି, ହିର୍ମା, ମଲଦା ଏବଂ ସମ୍ବଲପୁରର ଖିଣ୍ଡା ଅଞ୍ଚଳର ଶହ ଶହ ଲୋକଙ୍କ ଚିନ୍ତା ବଢି ଯାଇଛି । ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ସହ ଏମଓୟୁ କରିଛି ସରକାରୀ ସଂସ୍ଥା ନାଭେଲି ଲିଗନାଇଟ । ଏଥିପାଇଁ ଘରୋଇ ଲୋକଙ୍କ ଠାର ୫ଶହ ହେକ୍ଟର, ସରକାରୀ ଜମି ୫ଶହ ହେକ୍ଟର ଏବଂ ୧ହଜାର ହେକ୍ଟର ଜଙ୍ଗଲ ଜମି ଅଧିଗ୍ରହଣ ହେବ । ଏଥିଲାଗି ଦଲାଲ ଓ କମ୍ପାନୀ ଅଧିକାରୀ ସକ୍ରିୟ ହେଲେଣି ।
ଗୋଟିଏ ଥର ବିସ୍ଥାପିତ ହୋଇ ଏଯାଏଁ କ୍ଷତିପୂରଣ ପାଇନାହାନ୍ତି । ତେଣୁ ଏବେ ବିସ୍ଥାପନ ବିରୋଧରେ ସ୍ବର ଉଠାଇଛନ୍ତି ପ୍ରଭାବିତ ହେବାକୁ ଥିବା ଲୋକ । ପୂର୍ବରୁ ଲୋକେ ବାରମ୍ବାର ପ୍ରତାରିତ ହୋଇ ସାରିଥିବା ବେଳେ ସେମାନେ ଆଉ କୌଣସି ପ୍ରଲୋଭନରେ ପଡିବାକୁ ଚାହୁଁ ନାହାନ୍ତି । ଦରକାର ପଡିଲେ ଭିଟାମାଟିକୁ ବଞ୍ଚାଇବାକୁ ଆନ୍ଦୋଳନ ଜୋରଦାର କରିବେ ବୋଲି ନିଷ୍ପତ୍ତି ନେଇଛନ୍ତି । ଜମି ଅଧିଗ୍ରହଣ ଗାଇଡଲାଇନ୍ ନେଇ ଜିଲ୍ଲା ପ୍ରଶାସନ ଅନ୍ଧାରରେ ରଖିଥିବା ଅଭିଯୋଗ ହୋଇଛି ।

   Related Posts