ଭୁବନେଶ୍ବର ୨୨/୧: ଆସନ୍ତା ୩୧ରୁ ଝାରସୁଗୁଡ଼ାରୁ ବାରଣାସୀ ଓ କୋଲକାତାକୁ ଉଡ଼ିବ ବିମାନ । ଉଡ଼ାନ-୩ ଯୋଜନା ମାଧ୍ୟମରେ ଝାରସୁଗୁଡ଼ାରୁ ଭାୟା ଭୁବନେଶ୍ବର ଦେଇ ବାରଣାସୀ ଓ କୋଲକାତାକୁ ବିମାନ ଚଳାଚଳ କରିବ । ପୂର୍ବରୁ ଝାରସୁଗୁଡ଼ାର ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ଦିଲ୍ଲୀ, ହାଇଦ୍ରାବାଦକୁ ବିମାନ ସେବା ଆରମ୍ଭ ହୋଇଥିଲା ।
ଏବେ ଆସନ୍ତା ୨୭ ତାରିଖରୁ କୋଲକାତା ଏବଂ ୩୧ ତାରିଖରୁ ବାରଣାସୀକୁ ଏଲଏନ୍ସ ଏୟାର କମ୍ପାନୀର ବିମାନ ଉଡ଼ାଣ ଭରିବ । ଏହି ବିମାନ ବନ୍ଦର ଉପରେ ସାଧାରଣତଃ ପଶ୍ଚିମ ଓଡ଼ିଶାବାସୀ ନିର୍ଭର କରୁଥିବା ବେଳେ ପଡ଼ୋଶୀ ଛତିଶଗଡ଼ ଓ ଝାଡ଼ଖଣ୍ଡ ଲୋକ ମଧ୍ୟ ରାଜ୍ୟ ବାହାରକୁ ଯିବା ପାଇଁ ଏହି ବିମାନ ବନ୍ଦର ଉପରେ ନିର୍ଭର କଲେଣି । ପୂର୍ବରୁ ପଶ୍ଚିମଓଡ଼ିଶା ଲୋକେ ବାରଣାସୀ ଯିବା ପାଇଁ ଦିଲ୍ଲୀ ବିମାନ ବନ୍ଦର ଯିବାକୁ ପଡ଼ୁଥିଲା ।
ଏବେ ସିଧାସଳଖ ସେମାନେ ଓଡ଼ିଶାରୁ ବାରଣାସୀ ଯାଇପାରିବେ । ଝାରସୁଗୁଡ଼ା ବିମାନ ବନ୍ଦରରରେ ଯାତ୍ରୀଙ୍କ ଅଭିବୃଦ୍ଧିକୁ ଦୃଷ୍ଟିରେ ରଖି ଦେଶର ପ୍ରମୁଖ ସହର ଗୁଡ଼ିକୁ ବିମାନ ସେବା ଆରମ୍ଭ କରାଯାଇଥିବା କହିଛନ୍ତି ବିମାନବନ୍ଦର ନିର୍ଦ୍ଦେଶକ।
