Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ICSE ଦଶମ ଏବଂ ଦ୍ବାଦଶ ପରୀକ୍ଷା ସ୍ଥଗିତ
  • ||
  • ଭାରତ ଆସିବ ପଳାତକ ନିରବ ମୋଦି, ଅନୁମତି ଦେଲେ ବ୍ରିଟେନ୍‌ ଗୃହ ମନ୍ତ୍ରଣାଳୟ
  • ||
  • ଢେଙ୍କାନାଳ : ଶ୍ବଶୁର ଘର ପଛପଟୁ ଜ୍ବାଇଁଙ୍କ ଝୁଲନ୍ତା ମୃତଦେହ ଠାବ, ଆସିଥିଲେ ସ୍ତ୍ରୀଙ୍କୁ ମନାଇବାକୁ
  • ||
  • ବାଲିପାଟଣା : ମାତ୍ର ୮ଶହ ଟଙ୍କା ଉଧାର ପାଇଁ ଗଲା ଜୀବନ, ମହିଳା ମଣ୍ଡଳ ସଭାନେତ୍ରୀଙ୍କ ପୁଅ ମାଡରେ ଜଣଙ୍କର ମୃତ୍ୟୁ
  • ||
  • ପୂର୍ବତନ କେନ୍ଦ୍ରମନ୍ତ୍ରୀ ହରସିମରତ କୌର ବାଦଲ କରୋନା ପଜିଟିଭ୍
  • ||
  • ଭୁବନେଶ୍ବର : ସଂକ୍ରମଣ ଆଗକୁ ଆହୁରି ବଢି ବଢି ଚାଲିବ – ସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ଗୀତିକାର ପଣ୍ଡିତ କିରଣ ମିଶ୍ରଙ୍କ ଦେହାନ୍ତ: ୧୫ ଦିନ ପୂର୍ବରୁ ନେଇଥିଲେ ଭ୍ୟାକସିନ୍
  • ||
  • ଦ୍ୱିତୀୟ ଥର ପାଇଁ କରୋନା ସଂକ୍ରମିତ ହେ​‌ଲେ ମୁଖ୍ୟମନ୍ତ୍ରୀ ବି. ଏସ୍‌. ୟେଦିୟୁରପ୍ପା, କିଛି ଦିନ ପୂର୍ବେ ନେଇଥିଲେ ଭ୍ୟାକସିନ୍‌
  • ||
  • ଭୁବନେଶ୍ବର : ଭୁବନେଶ୍ବର UPDରେ ଜାରି ହେବ ୧୪୪ ଧାରା, ୨୭ଟି ସ୍ଥାନରେ ମୁତୟନ ହେବେ ବ୍ୟାପକ ପୋଲିସ
  • ||
  • ଭୁବନେଶ୍ବର : ଦଳବିରୋଧୀ କାର୍ଯ୍ୟ ପାଇଁ ସୁନ୍ଦରଗଡର ୨ ବିଜେଡି ନେତା ନିଲମ୍ବିତ
  • ||

ଝାରଖଣ୍ଡରୁ ଜମତରା ଗ୍ୟାଙ୍ଗର ୩ ସଦସ୍ୟକୁ ଧରିଲା ଝାରସୁଗୁଡା ପୋଲିସ, ଏଭଳି ଉପାୟରେ କରୁଥିଲେ ସାଇବର କ୍ରାଇମ

6/04/2021 at 10:01 PM

ଝାରସୁଗୁଡା ୦୬।୦୪: ଓଡ଼ିଶାରେ ଧରାପଡିଲେ ଜାମତରା ଗ୍ୟାଙ୍ଗର ୩ ସଦସ୍ୟ। ସେମାନଙ୍କ ନିକଟରୁ ୯ଟି ମୋବାଇଲ ସହ ନଗଦ ୧୧ ହଜାର ଟଙ୍କା ଓ ହାର୍ଡ ଡିସ୍କ ଜବତ ହୋଇଛି। ଆଜି ଝାଡଖଣ୍ଡରୁ ୩ ଜଣଙ୍କୁ ଝାରସୁଗୁଡା ପୋଲିସ ଗିରଫ କରିଛି। ଅନଲାଇନରେ ଲଟେରୀ ଲାଗିଥିବା କହି ୩୬ ହଜାର ଟଙ୍କା ଠକି ନେବା ଘଟଣାରେ ଧରାପଡିଲେ ୩ ସାଇବର ଲୁଟେରା। ଅନଲାଇନରେ ଠକେଇ କରୁଥିବା ଅନ୍ୟ ଏକ ଗ୍ୟାଙ୍ଗକୁ ବିହାର-ନେପାଳ ସୀମାରୁ ଧରିବାରେ ସକ୍ଷମ ହୋଇଥିଲା ଝାରସୁଗୁଡା ପୋଲିସ।

ସାଇବର ଠକେଇକୁ ନେଇ ଝାରସୁଗୁଡା ଜିଲ୍ଲାର ବିଭିନ୍ନ ଥାନାରେ ଏ ସଂପର୍କିତ ମାମଲା ରୁଜୁ ହୋଇଛି। ଗତ ସପ୍ତାହରେ ସ୍ପାଇସଜେଟ୍ କଂପାନୀରେ ବିମାନ ଟିକେଟ୍ କାଟିବା ଓ ବାତିଲ କରିବା ପାଇଁ ଏକ ଆପ୍ ଡାଉନଲୋଡ କରିବାକୁ ବ୍ରଜରାଜନଗର ଅଞ୍ଚଳର ଜଣେ ବ୍ୟକ୍ତିଙ୍କ ପାଖକୁ ଅଜଣା ବ୍ୟକ୍ତିଙ୍କ ଫୋନ ଆସିଥିଲା। ଏହା ପରେ ତାଙ୍କ ବ୍ୟାଙ୍କ ଖାତାରୁ ୬ ଲକ୍ଷ ଟଙ୍କା କଟିଯିବା ପରେ ସେ ନିଜେ ଠକେଇର ଶିକାର ହୋଇଥିବା ଜାଣିବାକୁ ପାଇଥିଲେ। ପରେ ବ୍ରଜରାଜନଗର ଥାନାରେ ଖବର ଦେବା ପରେ ପୋଲିସ ତୁରନ୍ତ ସେହି ମୋବାଇଲକୁ ଫଲୋ କରି ୪ ଲକ୍ଷ ଟଙ୍କା ଫେରାଇ ଆଅଣିବାରେ ସକ୍ଷମ ହୋଇଛି ।

ଠିକ ସେହିପରି ବେଲପାହାଡର ଜଣେ ବ୍ୟକ୍ତି ଶିବାଶିଷ କର୍ମକାରଙ୍କ ମୋବାଇଲ ନମ୍ବରରେ ୧୯୦୦ ଟଙ୍କା ଲଟେରୀ ଅର୍ଥ ଉଠାଇବାକୁ ଅଜଣା ଫୋନରୁ ଓଟିପି ସେୟାର କରିବାକୁ କହିବାରୁ ଲୋଭର ବଶବର୍ତ୍ତି ହୋଇ ଶିବାଶିଷ ତାହା କରିଥିଲେ। ଅଳ୍ପ ସମୟ ମଧ୍ୟରେ ତାଙ୍କ ବ୍ୟାଙ୍କ ଖାତାରୁ ୩୬ ହଜାର ଟଙ୍କା କଟିଯିବା ପରେ ସେ ବେଲପାହଡ ଥାନାର ଦ୍ୱାରସ୍ଥ ହୋଇଥିଲେ। ପୋଲିସ ଏହି ଘତଣାର ତଦନ୍ତ କରି ଝାଡଖଣ୍ଡ ରାଜ୍ୟର ଗିରିଡି ଜିଲ୍ଲାରୁ ପପ୍ପୁ ରଣା, ଗୁଡ୍ଡୁଲାଲ ରଣା ଓ ଗୋପାଳ ରଣାକୁ ଗିରଫ କରିବାରେ ସକ୍ଷମ ହୋଇଥିବା ବେଳେ ଅନ୍ୟ ଜଣେ ଅଭିଯୁକ୍ତ ବିର୍ଜୁ ରଣା ଫେରାର୍ ଅଛି। ଏମାନେ ସମସ୍ତେ ଅଳ୍ପ ପାଠ ପଢିଥିବା ବେଳେ ଦିନବେଳା ବୁଲି ବୁଲି ବଢେଇ କାମ କରି ମୋବାଇଲ ଅପରେସନ ଶିଖି ଲୋକଙ୍କୁ ଠକୁଥିବା କ୍ୟାମେରା ସମ୍ମୁଖରେ ସ୍ୱୀକାର କରିଛନ୍ତି। ଏମାନଙ୍କ ନିକଟରୁ ୧୧ ହଜାର ଟଙ୍କା ଜବତ ହେବା ସହ ୧୨ ହଜାର ଟଙ୍କା ଅନଲାଇନରେ ଫେରାଇ ଆଣିବାରେ ସକ୍ଷମ ହୋଇଛି ପୋଲିସ।

   Related Posts