ଝାରସୁଗୁଡା ବିମାନ ବନ୍ଦରକୁ ପ୍ରଧାନମନ୍ତ୍ରୀ କଲେ ଉଦ୍ଘାଟନ: ବୀର ସୁରେନ୍ଦ୍ର ସାଏଙ୍କ ନାମରେ ନାମିତ, ସବୁଦିନିଆ ବିମାନବଂଦର ପାଇଁ ଦାବୀ କଲେ ନବୀନ
Published By : Prameya-News7 Bureau | September 22, 2018 IST
ଝାରସୁଗୁଡା୨୩|୯: ଝାରସୁଗୁଡା ବିମାନବନ୍ଦରର ଲୋକର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥିସହିତ ରାଜ୍ୟ ସରକାରଙ୍କ ଦାବୀ ମୁତାବକ ଝାରସୁଗୁଡା ବିମାନବଂଦରକୁ ବୀର ସୁରେନ୍ଦ୍ର ସାଏଙ୍କ ନାଁରେ ନାମିତ କରିଛନ୍ତି। ବିକାଶ ପାଇଁ ଯୋଗାଯୋଗ ମୁଖ୍ୟ ବୋଲି କହିବା ସହ ଦେଶରେ ଯୋଗାଯୋଗ ବୃଦ୍ଧି ପାଇଁ ଉଦ୍ୟମ ଚାଲିଛି । ଦୁଇଦିନ ପରେ ସେ ସିକିମଠାରେ ଏକ ବିମାନବଂଦରର ଶୁଭ ଉଦ୍ଘାଟନ କରିବେ ବୋଲି ସୂଚନା ଦେଇଥିଲେ । ଝାରସୁଗୁଡା ବିମାନବଂଦର ଉଦ୍ଘାଟନ ଉତ୍ସବରେ ରାଜ୍ୟପାଳ ଗଣେଶିଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ବେସାମରିକ ବିମାନ ଚଲାଚଳମନ୍ତ୍ରୀ ସୁରେଶ ପ୍ରଭୁ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ , ଜୁଏଲ ଓରାମ ପ୍ରମୁଖ ଯୋଗ ଦେଇଥିଲେ । ଝାରସୁଗୁଡା ବିମାନ ବନ୍ଦରକୁ ସବୁଦିନିଆ ବିମାନବଂଦର କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଉଦଘାଟନୀ ଉତ୍ସବରେ ଦାବୀ କରିବା ସହ ଦିଲ୍ଲୀ-ଭୁବନେଶ୍ବର ବିମାନକୁ ଝାରସୁଗୁଡା ଦେଇ ଯାତାୟତ କରିବା ପାଇଁ ପ୍ରସ୍ତାବ ଦେଇଛନ୍ତି। ସୂଚନା ଯୋଗ୍ୟ ଯେ, ଝାରସୁଗୁଡା ବିମାନବନ୍ଦ୍ର ପାଇଁ ୨୨୦ କୋଟି ଟଂକା ବ୍ୟୟ କାଯାଇଛି । ଏଥିପାଇଁ ରାଜ୍ୟସରକାର ୭୫କୋଟି ଟଂକା ପ୍ରଦାନ କରିଛନ୍ତି। ାଗକୁ ମଧ୍ୟ ବିମାନବଂଦରକୁ ସବୁ ପ୍ରକାର ସହଯୋଗ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେହିଭଳି ରାଜ୍ୟର କୋଇଲା ରୟାଲିଟି ବୃଦ୍ଧି ପାଇଁ ମୁକ୍ୟମନ୍ତ୍ରୀ ଏହି ସଭାରେ ପ୍ରଧାନମନ୍ତ୍ରୀଙ୍କ ନିକଟରେ ଦାବୀ କରିଛନ୍ତି।