Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ଦଲାଲଙ୍କଠୁ ରକ୍ଷା ପାଇବା ପାଇଁ ଚାଲିଥିଲେ ୨ମାସ ,ଅନେକ ରାତି କଟାଇଥିଲେ ଗଛରେ : ପଢ଼ନ୍ତୁ ପୀଡ଼ିତା କିଶୋରୀଙ୍କ ଏହି ଲୋମଟାଙ୍କୁରା କାହାଣୀ

5/01/2020 at 3:31 PM

ରାଞ୍ଚି ୫/୧: ଝାଡ଼ଖଣ୍ଡରେ ମାନବ ସମ୍ବେଦନାକୁ କୁଠାରଘାତ କରିଥିବା ଏକ ଘଟଣା ସାମନାକୁ ଆସିଛି। ଦଲାଲମାନେ ଜଣେ ୧୬ବର୍ଷ ବୟସର କିଶୋରୀଙ୍କୁ ଦିଲ୍ଲୀରେ ବିକ୍ରି କରି ଦେଇଥିଲେ। କିଶୋରୀ ବିକ୍ରେତା ଘରେ ବନ୍ଧକ ହୋଇ ରହିଥିଲେ। ଘରୋଇ କାମ କରାଇବା ସହ ବିକ୍ରେତା ତାଙ୍କୁ ଯୌନ ନିର୍ଯ୍ୟାତନା ଦେଉଥିଲା। ତାଙ୍କୁ ନିସ୍ତୁକ ପିଟୁଥିଲା। ପାଖାପାଖି ୪୫ଦିନ ଯାଏଁ ପୀଡ଼ିତା ସବୁ ପ୍ରକାର ଅତ୍ୟାଚାର ସହିଥିଲେ। ଥରେ ରାତିରେ ସାହସ ଜୁଟାଇ ସେ ତାଙ୍କ ଜାଲରୁ ଖସି ଆସିଥିଲେ। ସେତେବେଳେ ତାଙ୍କ ପାଖରେ ଟଙ୍କାପଇସା ନଥିଲା କି କାହା ମୋବାଇଲ୍ ନମ୍ବର ମଧ୍ୟ ନଥିଲା।

ସେ ହିନ୍ଦୀ କହିପାରୁନଥିଲେ କି ପଢ଼ି,ଲେଖି କିମ୍ବା ବୁଝିପାରୁନଥିଲେ। ସେ କେବଳ ସାନ୍ତାଳୀ ଭାଷା କହିପାରୁଥିଲେ। ଘରକୁ ପହଞ୍ଚିବାପାଇଁ ସେ ପାଖାପାଖି ୨ମାସ ଚାଲିଥିଲେ। ସେ ଅତ୍ୟନ୍ତ ସାହସର ପରିଚୟ ଦେଖାଇଥିଲେ। ଏହି ସମୟରେ କୌଣସି ବିପଦ ମୁହଁରୁ ବଞ୍ଚିବା ପାଇଁ ସେ ଅନେକ ରାତି ଗଛରେ କାଟିଥିଲେ। ଶେଷରେ ତାଙ୍କର ସଂଘର୍ଷ କାମ ଆସିଛି ଏବଂ ଦୁଇ ମାସ ପରେ ସେ ନିଜ ଘରକୁ ପହଞ୍ଚିଥିଲେ।

ଘଟଣାଟି ଘଟିଛି ଝାଡ଼ଖଣ୍ଡର ପଛୁଆ ଜିଲ୍ଲାର ସାହିବଗଞ୍ଜର ଏକ ଗାଁର କିଶୋରୀ ସହ। ତାଙ୍କ ବାପାଙ୍କ ପରଲୋକ ହୋଇ ସାରିଛି ଏବଂ ତାଙ୍କ ମାଆ ଦିନ ମଜୁରିଆ କାମ କରନ୍ତି। ପୀଡ଼ିତାଙ୍କ ମାମଲାକୁ ବାଳ କଲ୍ୟାଣ ସମିତି ଦେଖୁଛନ୍ତି।

ନିଜ ଘରକୁ ପହଞ୍ଚିବା ପାଇଁ ଏହି ଆଦିବାସୀ କିଶୋରୀ ଦୁଇ ମାସ ଯାଏଁ ଅଜଣା ରାସ୍ତା​ରେ ଚାଲି ଚାଲି ଯାଇଥିଲେ। ଏହି ସମୟରେ ଭୋକ ଲାଗୁଥିଲେ କୌଣସି ଲାଇନ୍ ହୋଟେଲରେ ବାସନ ମାଜି ବେଳେବେଳେ ଖାଦ୍ୟ ମିଳିଯାଉଥିଲା ତ କେତେବେଳେ କାହାର ଅଇଁଠା ଖାଇ ଦିନ କାଟିବାକୁ ପଡ଼ୁଥିଲା। ତାଙ୍କୁ ଲୋକଙ୍କ ନିକଟରେ ହାତ ମଧ୍ୟ ପାତିବାକୁ ପଡ଼ିଥିଲା। ସନ୍ଧ୍ୟା ହେବା କ୍ଷଣି ସେ ଗଛ ଖୋଜିବାକୁ ଆରମ୍ଭ କରୁଥିଲେ। କୌଣସି ବିପଦ ଆଶଙ୍କାରେ ତାଙ୍କୁ ରାତିରେ ଗଛରେ କଟାଇବାକୁ ପଡ଼ୁଥିଲା। ଏହା ପରେ ପର ଦିନ ସକାଳେ ସେ ପୁଣି ଅଜଣା ରାସ୍ତାରେ ଚାଲିବା ଆରମ୍ଭ କରି ଦେଉଥିଲେ।

ସେ ଏହିପରି ଚାଲି ଚାଲି ଡିସେମ୍ବର ୪ତାରିଖ ମଧ୍ୟପ୍ରଦେଶର ସିଧି ପହଞ୍ଚିଥିଲେ। ସିଧି ପୋଲିସକୁ ସେ ଗୋଟିଏ ରାତିରେ ରାସ୍ତା କଡ଼ରେ ବେହୋସ୍ ପଡ଼ିଥିବାର ଦେଖିବାକୁ ମିଳିଥିଲା। ଏହା ପରେ ପୋଲିସ୍ ତାଙ୍କୁ ବାଳିକା ସୁଧାର ଗୃହକୁ ନେଇ ଯାଇଥିଲେ। ସେଠାରେ ତାଙ୍କ ଭାଷା କେହି ବୁଝିପାରିନଥିଲେ। କିନ୍ତୁ ଏହା ଜଣାପଡ଼ିଯାଇଥିଲା ଯେ ସେ ଝାଡ଼ଖଣ୍ଡର କୌଣସି ଅଞ୍ଚଳର। ସେଠାକୁ ଅଙ୍କିତ ନାମକ ଜଣେ ସମାଜସେବୀ ଆସିଥିଲେ। ଅଙ୍କିତ ନିଜର ଜଣେ ସାନ୍ତାଳୀ ସାଙ୍ଗର ପତ୍ନୀଙ୍କ ସହ ପୀଡ଼ିତାଙ୍କ କଥା କରାଇଥିଲେ। ଏହା ପରେ ମାନବ ଚାଲାଣର କ୍ରୃର ଚେହେରା ସାମନାକୁ ଆସିଥିଲା।

 ପୀଡ଼ିତା କିଶୋରୀ ଗାଁ ପହଞ୍ଚିବାରୁ ଆଉ ଦୁଇଜଣ ଗାୟବ ହେବାର ସୂଚନା ମିଳିଥିଲା। ଏମାନଙ୍କ ମଧ୍ୟରୁ ଜଣଙ୍କୁ ପୀଡ଼ିତାଙ୍କ ନିଆଯାଇଥିଲା ଯିଏ ପୁରୁଣା ଦିଲ୍ଲୀରେ ତାଙ୍କ ସହ ରହୁଥିଲେ। ୩ବର୍ଷ ତଳେ ମଧ୍ୟ ନିଆଯାଇଥିବା ଏହି ଗାଁର ଅନ୍ୟ ଜଣେ ଯୁବତୀଙ୍କ କୌଣସି ଖୋଜ ଖବର ନାହିଁ। ଅଙ୍କିତ ପୀଡ଼ିତାଙ୍କ ଗାଁକୁ ପହଞ୍ଚିବାରୁ ପୀଡ଼ିତାଙ୍କ ମାଆ ସେହି ବ୍ୟକ୍ତିର ନମ୍ବର ତାଙ୍କୁ ଦେଇଥିଲେ,ଯାହା ସହ କିଶୋରୀ ଦିଲ୍ଲୀ ଯାଇଥିଲେ। ଫୋନରେ ଦଲାଲ ନିଜକୁ ତା’ର ଭାଇ ବୋଲି କହିଥିଲା,କିନ୍ତୁ ଯେତେବେଳେ ସାକ୍ଷୀ କଥା କୁହାଯାଇଥିଲା ସେତେବେଳେ ସେ ମନା କରିଥିଲା। ଏବେ ସେହି ଦଲାଲ ଫେରାର ରହିଛି।  

   Related Posts